Informazzjoni nazzjonali u formoli online rigward ir-Regolament Nru 1896/2006.
Ir-Regolament tal-Kunsill 1896/2006 tat-12 ta’ Diċembru 2006 li joħloq proċedura għal ordni ta’ ħlas Ewropea jippermetti lill-kredituri jirkupraw it-talbiet mhux ikkontestati kummerċjali u ċivili tagħhom permezz ta’ proċedura uniformi li taħdem abbażi ta’ formoli standard.
Ir-Regolament japplika bejn l-Istati Membri kollha tal-Unjoni Ewropea bl-eċċezzjoni tad-Danimarka.
L-ordni ta’ ħlas Ewropea tinħareġ mill-qrati bl-eċċezzjoni tal-Ungerija, fejn il-proċedura ta’ ordni għal ħlas taqa’ fil-kompetenza tan-nutara (nutara tad-dritt ċivili).
Il-proċedura ma teħtieġx preżenza quddiem il-qorti. Ir-rikorrent irid biss jippreżenta r-rikors tiegħu, u wara l-proċedura timxi waħedha. Ma teħtieġx xi formalitajiet oħra jew xi intervent min-naħa tar-rikorrent.
Ir-Regolament jipprevedi seba’ formoli standard li ġew sostitwiti bir-Regolament tal-Kummissjoni (UE) Nru 936/2012 tal-4 ta’ Ottubru 2012.
Innota li mill-14 ta’ Lulju 2017 daħlet fis-seħħ formola modifikata ta’ applikazzjoni (Formola A). Tista’ ssibha hawnhekk.
Il-bidliet importanti jikkonċernaw biss l-Appendiċi 2 u jirriflettu l-modifiki tal-Proċedura tal-Ordni ta’ Ħlas Ewropea li daħlu fis-seħħ fl-14 ta’ Lulju 2017.
F’każ li l-intimat jippreżenta dikjarazzjoni ta’ oppożizzjoni kontra ordni ta’ ħlas il-modifika tippermetti lir-rikorrent jagħżel li jittrasferixxi l-kawża għall-Proċedura Ewropea għal Talbiet Żgħar biex imexxi ulterjorment bit-talba tiegħu. It-talba trid tissodisfa l-kriterji tal-proċedura għal talbiet żgħar biex dan ikun possibbli.
Innota li l-gwida ma tirriflettix iż-żewġ emendi li daħlu fis-seħħ fl-14 ta’ Lulju 2017. L-ewwel emenda żżid l-għażla ta’ kontinwazzjoni tal-proċedimenti f’każ ta’ preżentazzjoni ta’ dikjarazzjoni ta’ oppożizzjoni f’konformità mar-regoli tar-Regolament (KE) 861/2007 li jistabbilixxi Proċedura Ewropea għal Talbiet Żgħar. It-tieni emenda testendi l-applikazzjoni tal-Proċedura Ewropea għal Talbiet Żgħar għal talbiet b’valur sa EUR 5 000.
Għal aktar informazzjoni f’dan ir-rigward, ikkonsulta t-test il-ġdid tal-Artikolu 17 tar-Regolament kif ukoll l-Artikolu 2 tar-Regolament (KE) 861/2007, kif emendat bir-Regolament (UE) 2015/2421.
Link relatata
Innota li l-gwida ma tirreflettix l-emenda li daħlet fis-seħħ fl-14 ta’ Lulju 2017 u li żżid l-għażla ta’ kontinwazzjoni tal-proċedimenti f’każ ta’ preżentazzjoni ta’ dikjarazzjoni ta’ oppożizzjoni f’konformità mar-regoli tar-Regolament (KE) Nru 861/2007 li jistabbilixxi Proċedura Ewropea għal Talbiet Żgħar. Għal aktar informazzjoni f’dan ir-rigward, ikkonsulta t-test il-ġdid tal-Artikolu 17 tar-Regolament.
Gwida ta’ Prattika għall-applikazzjoni tar-Regolament dwar l-Ordni ta' Ħlas Ewropea 
(5806 Kb) 
Għal aktar informazzjoni, mur fuq il-paġna tagħna tal-Ordni ta’ Ħlas Ewropea.
Sottomissjoni ta’ formoli lill-awtorità kompetenti
Il-formoli mimlija għandhom jintbagħtu lill-awtorità kompetenti rilevanti bil-mod mitlub mill-awtorità. Aktar informazzjoni dwar id-dettalji ta’ kuntatt għall-awtoritajiet kompetenti, il-leġiżlatura nazzjonali rilevanti, eċċ tinsab fit-taqsima tal-Atlas Ġudizzjarju Ewropew. Din il-paġna tinkludi għodda ta’ tiftix biex issib l-awtoritajiet kompetenti li lilhom għandhom jintbagħtu l-formoli mimlija.
You can complete these forms online by clicking one of the links below. If you have already started a form and saved a draft, you can upload it using the "Load draft" button.
As of 1 January 2021, the United Kingdom is no longer an EU Member State. However, in the field of civil justice, pending procedures and proceedings initiated before the end of the transition period will continue under EU law. Until the end of 2024, the United Kingdom can continue to be selected in online (dynamic) forms for the purpose of these proceedings and procedures. An exception to this rule are the Public documents forms, in which the UK should not be selected.
Please note that if you exceed 30 minutes of inactivity, all of your input will be lost unless you save a draft!
Related pages:
Din il-paġna hi amministrata mill-Kummissjoni Ewropea. L-informazzjoni f’din il-paġna ma tirriflettix neċessarjament il-pożizzjoni uffiċjali tal-Kummissjoni Ewropea. Il-Kummissjoni ma taċċetta l-ebda responsabbiltà fir-rigward ta’ kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali fir-rigward tar-regoli dwar id-drittijiet tal-awtur għall-paġni Ewropej.
L-aħħar aġġornament : 23/01/2023