Il-pubblikazzjoni ta’ avviżi uffiċjali

Fuq liema sit(i) web jiġu ppubblikati l-avviżi uffiċjali?

Dawn jiġu ppubblikati fis-sit tal-gazzetta uffiċjali Portugiża, id-(Diário da República Eletrónico).

X'avviżi jiġu ppubblikati?

Seba' tipi ta' avviżi uffiċjali jiġu ppubblikati fid-Diário da República:

1. AVVIŻI UFFIĊJALI TAL-GVERN IPPUBBLIKATI FIS-SERJE 1 TAL-GAZZETTA UFFIĊJALI

• Il-Kostituzzjoni tar-Repubblika Portugiża
• Il-Liġi Nru 43/2014 (pubblikazzjoni, identifikazzjoni u forma tal-atti legali li jridu jiġu ppubblikati fid-Diário da República).

2. AVVIŻI UFFIĊJALI TAL-GVERN IPPUBBLIKATI FIS-SERJE 2 TAL-GAZZETTA UFFIĊJALI

• Id-Digriet Amministrattiv Nru 4/2015 (il-Kodiċi ta' Proċedura Amministrattiva)
• Id-Digriet Amministrattiv Nru 149/2015 (li jistabbilixxi l-qafas legali għall-protezzjoni ta' wirt kulturali intanġibbli)
• Id-Digriet Amministrattiv Nru 148/2015 (li jistabbilixxi s-sistema għall-klassifikazzjoni u r-reġistrazzjoni ta' proprjetà mobbli ta' valur kulturali u r-regoli applikabbli għall-esportazzjoni, it-trasport, l-importazzjoni u l-ammissjoni ta' proprjetà kulturali mobbli):
• Il-Liġi Nru 35/2014 (Il-Liġi Ġenerali dwar l-Impjiegi fis-Settur Pubbliku)
• Id-Digriet Amministrattiv Nru 83-A/2014 (li jistabbilixxi s-sistema għall-għażla, ir-reklutaġġ u l-mobilità ta' għalliema fl-istabbiliment tal-edukazzjoni pubblika preskolastika, primarja u sekondarja tal-Ministeru tal-Edukazzjoni)
• Id-Digriet Amministrattiv Nru 137/2012 (qafas legali dwar l-awtonomija, l-amministrazzjoni u l-ġestjoni tal-istabbilimenti tat-tagħlim preskolastiku, primarju u sekondarju)
• Il-Liġi Nru 24/2012 (Il-Liġi Qafas dwar il-Fondazzjonijiet)
• Id-Digriet Amministrattiv Nru 11/2012 (li jistabbilixxi n-natura, il-kompożizzjoni, l-organizzazzjoni u l-qafas legali tal-uffiċċji tal-membri tal-gvern)
• Id-Digriet Amministrattiv Nru 12/2012 (li jistabbilixxi n-natura, il-kompożizzjoni, l-organizzazzjoni u l-istruttura legali tal-Uffiċċju tal-Prim Ministru)
• L-Ordni ta' Implimentazzjoni Ministerjali (Portaria) Nru 145-A/2011 (li tirregola l-proċeduri għall-għażla ta' kandidati għal kariga pubblika)
• Id-Digriet Amministrattiv Nru 309/2009 (li jistabbilixxi l-proċedura għall-klassifikazzjoni ta' proprjetà immobbli ta' valur u s-sistema ta' żoni protetti u pjan ta’ salvagwardja dettaljat)
• Il-Liġi Nru 107/2001 (li tistabbilixxi l-politika bażika u l-arranġamenti għall-protezzjoni u l-promozzjoni tal-wirt kulturali)
• Id-Digriet Amministrattiv Nru 353/2007 (li jistabbilixxi l-proċedura għad-demarkazzjoni tar-riżorsi tal-ilma pubbliku)
• Id-Digriet Amministrattiv Nru 226-A/2007 (li jistabbilixxi l-arranġamenti għall-użu tar-riżorsi tal-ilma)
• Id-Digriet Amministrattiv Nru 200/2006 (sistema ġenerali għax-xoljiment, il-fużjoni u r-ristrutturar tas-servizzi u r-razzjonalizzazzjoni tal-persunal)
• Il-Liġi Nru 54/2005 (li tistabbilixxi s-sjieda tar-riżorsi tal-ilma), kif emendata mil-Liġi Nru 78/2013 u mil-Liġi Nru 34/2014.
• Il-Liġi Nru 4/2004 (li tistabbilixxi l-prinċipji u r-regoli li jridu jiġu segwiti mill-amministrazzjoni statali diretta).
• Il-Liġi Nru 3/2004 (il-Liġi Qafas dwar l-Istituti Pubbliċi).
• Il-Liġi Nru 2/2004 (li tapprova l-Istatut applikabbli għall-persunal maniġerjali tas-servizzi u l-korpi tal-amministrazzjoni ċentrali, reġjonali u lokali tal-Istat).
• Id-Digriet Amministrattiv Nru 154/2003 (li jirregola l-applikazzjoni tat-Trattat dwar il-Ħbiberija, il-Kooperazzjoni u l-Konsultazzjoni bejn ir-Repubblika Portugiża u r-Repubblika Federattiva tal-Brażil).
• Il-Liġi Nru 13/99 (regoli tal-liġi applikabbli għar-reġistri elettorali).
• Id-Digriet Amministrattiv Nru 291/90 (li jistabbilixxi s-sistema ta' kontroll metroloġiku għall-metodi u l-istrumenti tal-kejl) u l-Ordni ta' Implimentazzjoni Ministerjali Nru 962/90 (li tapprova r-Regolament Ġenerali għall-Kontroll Metroloġiku)
• Id-Digriet Amministrattiv Nru 498/72 (Statut ta' Riforma)
• Id-Digriet Amministrattiv Nru 42945 tas-26 ta' April 1960 (li japprova l-Istatut tal-Fond tal-Pensjonijiet tal-Forzi Armati), kif emendat mid-Digriet Amministrattiv Nru 44301 tal-10 ta' Mejju 1962 u mid-Digriet Amministrattiv Nru 434-G/82 tad-29 ta' Ottubru 1982
• Id-Digriet Amministrattiv Nru 26852 tat-30 ta' Lulju 1936 (regolament dwar il-liċenzji għall-istallazzjonijiet elettriċi).

3. AVVIŻI ĠUDIZZJARJI UFFIĊJALI PPUBBLIKATI FIS-SERJE 2 TAL-GAZZETTA UFFIĊJALI

• Il-Liġi Nru 43/2014 (pubblikazzjoni, identifikazzjoni u forma tal-atti legali)
• Id-Digriet Amministrattiv Nru 83/2016 (li jistabbilixxi aċċess liberu għad-Diário da República bħala servizz pubbliku universali)
• L-Ordni Leġiżlattiva Nru 15/2016 (ir-Regolament dwar il-Pubblikazzjoni tal-Atti fid-Diário da República)
• Id-Digriet Amministrattiv Nru 177/2000 (regoli tal-liġi applikabbli għall-ġestjoni amministrattiva ta' qrati superjuri)
• Id-Digriet Amministrattiv Nru 74/2002 (l-organizzazzjoni tas-servizzi tal-Qorti Suprema tal-Ġustizzja)
• Id-Digriet Amministrattiv Nru 545/99 (l-organizzazzjoni tas-servizzi tal-Qorti Kostituzzjonali)
• Il-Liġi Organika Nru 2/2005 (l-organizzazzjoni u l-funzjonament tal-Awtorità tal-Kontijiet u l-Finanzjamenti Politiċi)
• Id-Digriet Amministrattiv Nru 188/2000 (l-organizzazzjoni u l-kompożizzjoni tal-Uffiċċju ta' Appoġġ lill-President tal-Qorti Suprema tal-Ġustizzja u tal-President tal-Qorti Amministrattiva Suprema)
• Id-Digriet Amministrattiv Nru 73/2002 (l-organizzazzjoni tas-servizzi tal-Qorti Amministrattiva Suprema)
• Il-Liġi Nru 35/2014 (Il-Liġi Ġenerali dwar l-Impjiegi fis-Settur Pubbliku)
• Il-Liġi Nru 98/97 (il-Liġi dwar l-Organizzazzjoni u l-Proċeduri tal-Qorti tal-Awdituri)
• Id-Digriet Amministrattiv Nru 440/99 (is-servizzi ta' appoġġ tal-Qorti tal-Awdituri)
• Id-Digriet Amministrattiv Nru 343/99 (l-Istatut tal-Uffiċjali Ġudizzjarji)
• Il-Liġi Nru 21/85 (l-Istatut tal-Imħallfin tal-Qrati Ġudizzjarji)
• Il-Liġi Nru 62/2013 (il-Liġi dwar l-Organizzazzjoni tas-Sistema Ġudizzjarja)
• Id-Digriet Amministrattiv Nru 49/2014 (il-Liġi ta' implimentazzjoni Nru 62/2013 tas-26 ta' Awwissu 2013 (il-Liġi dwar l-Organizzazzjoni tas-Sistema Ġudizzjarja) u li tistabbilixxi l-arranġamenti applikabbli għall-organizzazzjoni u t-tħaddim tal-qrati)
• Id-Digriet Amministrattiv Nru 214-G/2015 (ripubblikazzjoni tal-Kodiċi ta' Proċedura fil-Qrati Amministrattivi u l-Istatut tal-Qrati Amministrattivi u Fiskali)
• Il-Liġi Nru 83/95 (il-liġi dwar id-dritt tal-parteċipazzjoni fi proċedimenti u azzjonijiet miġjuba minn persuni fiżiċi jew ġuridiċi)
• Il-Liġi Nru 2/2004 (l-Istatut għall-persunal maniġerjali tas-servizzi u l-korpi tal-amministrazzjoni ċentrali, reġjonali u lokali tal-Istat).
• Id-Digriet Amministrattiv Nru 4/2015 (il-Kodiċi ta' Proċedura Amministrattiva)
• Id-Digriet Amministrattiv Nru 545/99 (il-Kompożizzjoni u l-Funzjonament tas-Segretarjat u tas-Servizzi ta' Appoġġ tal-Qorti Kostituzzjonali).

4. AVVIŻI TAL-QORTI KOSTITUZZJONALI PPUBBLIKATI FIS-SERJE 1 TAL-GAZZETTA UFFIĊJALI

• Il-Kostituzzjoni tar-Repubblika Portugiża
• Il-Liġi Nru 28/82 (l-Organizzazzjoni, il-Funzjonament u l-Proċeduri tal-Qorti Kostituzzjonali; il-verżjoni kkonsolidata bl-Ingliż tinsab hawnhekk)
• Il-Liġi Nru 43/2014 (pubblikazzjoni, identifikazzjoni u forma tal-atti legali li jridu jiġu ppubblikati fid-Diário da República).

5. SENTENZI TAL-QORTI KOSTITUZZJONALI U TAL-QORTI TAL-AWDITURI PPUBBLIKATI FIS-SERJE 2 TAL-GAZZETTA UFFIĊJALI

• Il-Liġi Nru 28/82 (l-Organizzazzjoni, il-Funzjonament u l-Proċeduri tal-Qorti Kostituzzjonali; il-verżjoni kkonsolidata bl-Ingliż tinsab hawnhekk)
• Il-Liġi Nru 98/97 (l-Organizzazzjoni u l-Proċeduri tal-Qorti tal-Awdituri).

6. SENTENZI TAL-QORTI KOSTITUZZJONALI, TAL-QORTI SUPREMA TAL-ĠUSTIZZJA, TAL-QORTI AMMINISTRATTIVA SUPREMA U TAL-QORTI TAL-AWDITURI PPUBBLIKATI FIS-SERJE 1 TAL-GAZZETTA UFFIĊJALI

• Il-Kostituzzjoni tar-Repubblika Portugiża
• Il-Liġi Nru 28/82 (l-Organizzazzjoni, il-Funzjonament u l-Proċeduri tal-Qorti Kostituzzjonali; il-verżjoni kkonsolidata bl-Ingliż tinsab hawnhekk)
• Il-Liġi Nru 98/97 (l-Organizzazzjoni u l-Proċeduri tal-Qorti tal-Awdituri)
• Il-Kodiċi ta' Proċedura Ċivili
• Il-Kodiċi ta' Proċedura Kriminali
• Il-Kodiċi ta' Proċedura tal-Qrati Amministrattivi).

7. AVVIŻI TAL-QORTI AMMINISTRATTIVA SUPREMA, TAL-QORTI AMMINISTRATTIVA ĊENTRALI TAT-TRAMUNTANA U L-QORTI AMMINISTRATTIVA ĊENTRALI TAN-NOFSINHAR (IPPUBBLIKATI FIS-SERJE 1 TAL-GAZZETTA UFFIĊJALI)

• Il-Kodiċi ta' Proċedura tal-Qrati Amministrattivi.

Minn liema organizzazzjoni(jiet) jiġu ppubblikati l-avviżi uffiċjali?

Avviżi uffiċjali ġudizzjarji u tal-gvern jiġu ppubblikati mis-seba' tipi ta' organizzazzjonijiet pubbliċi elenkati hawn taħt:

1. (IPPUBBLIKATI FIS-SERJE 1 TAL-GAZZETTA UFFIĊJALI):

Avviżi uffiċjali tal-gvern ippubblikati mill-Ministeru għall-Affarijiet Barranin u relatati mal-istrumenti inklużi fil-Ftehimiet u l-Konvenzjonijiet Internazzjonali, skont l-Artikolu 119(1)(b), is-segment finali, tal-Kostituzzjoni tar-Repubblika Portugiża, l-Artikolu 3(2)(b), is-segment finali, u l-Artikolu 8(1)(s) tal-Liġi Nru 43/2014.

2. (IPPUBBLIKATI FIS-SERJE 2 TAL-GAZZETTA UFFIĊJALI):

• Avviżi uffiċjali tal-gvern ippubblikati fis-serje 2 tal-Gazzetta Uffiċjali u relatati mal-proċeduri amministrattivi, skont il-Liġi Nru 35/2014 (il-Liġi Ġenerali dwar l-Impjiegi fis-Settur Pubbliku) u l-Ordni ta' Implimentazzjoni Ministerjali Nru 145-A/2011.
• Avviżi uffiċjali tal-gvern relatati mal-bidla fil-pożizzjoni tar-rimunerazzjoni għall-pożizzjoni tas-salarji immedjatament wara l-kategorija oriġinali rispettiva permezz tal-eżerċizzju kontinwu tal-funzjonijiet maniġerjali fl-amministrazzjoni pubblika, skont il-Liġi Nru 2/2004 (l-Istatut għall-persunal maniġerjali tas-servizzi u tal-korpi tal-amministrazzjoni ċentrali, reġjonali u lokali tal-istat).
• Komunikazzjonijiet uffiċjali tal-gvern li jikkonċernaw il-ftuħ ta' proċedimenti dixxiplinari fil-konfront ta' impjegat tas-settur pubbliku, li ħadd ma jaf fejn hu, biex jippreżenta d-difiża tiegħu u biex tiġi sussegwentement applikata l-piena dixxiplinarja skont il-Liġi Nru 35/2014 (il-Liġi Ġenerali dwar l-Impjiegi fis-Settur Pubbliku).
• Avviżi tal-gvern uffiċjali relatati mar-riorganizzazzjoni ta' korpi jew servizzi permezz tax-xoljiment, il-fużjoni u r-ristrutturazzjoni, skont Il-Liġi Nru 35/2014 (il-Liġi Ġenerali dwar l-Impjiegi fis-Settur Pubbliku) u d-Digriet Amministrattiv Nru 200/2006 (sistema ġenerali għax-xoljiment, il-fużjoni u r-ristrutturar tas-servizzi u r-razzjonalizzazzjoni tal-persunal).
• Komunikazzjonijiet uffiċjali tal-gvern relatati mal-pubblikazzjoni tal-istatuti tal-kumitati tax-xogħlijiet tal-impjegati tal-amministrazzjoni pubblika, skont il-Liġi Nru 35/2014 (il-Liġi Ġenerali dwar l-Impjiegi fis-Settur Pubbliku).
• Avviżi uffiċjali tal-gvern relatati mas-sistema għas-salvagwardjar ta' wirt kulturali intanġibbli, inklużi miżuri ta' salvagwardja u proċeduri ta' protezzjoni legali skont id-Digriet Amministrattiv Nru 149/2015.
• Komunikazzjonijiet uffiċjali tal-gvern relatata mal-protezzjoni u l-promozzjoni tal-wirt kulturali (skont il-Liġi Nru 107/2001) u s-sistema għall-klassifikazzjoni u r-reġistrazzjoni ta' proprjetà mobbli ta' valur kulturali kif ukoll u r-regoli applikabbli għall-esportazzjoni, it-trasport, l-importazzjoni u l-ammissjoni ta' proprjetà kulturali mobbli (skont id-Digriet Amministrattiv Nru 148/2015).
• Avviżi uffiċjali tal-gvern relatati mal-proċedura għall-klassifikazzjoni ta' proprjetà immobbli ta' valur u s-sistema ta' żoni protetti u pjan ta’ salvagwardja dettaljat, skont id-Digriet Amministrattiv Nru 309/2009).
• Komunikazzjonijiet uffiċjali tal-gvern relatati mas-sistema għall-użu tar-riżorsi tal-ilma, skont id-Digriet Amministrattiv Nru 226-A/2007.
• Avviżi uffiċjali tal-gvern relatati mas-sjieda tar-riżorsi tal-ilma u l-proċedura għad-demarkazzjoni tar-riżorsi tal-ilma pubbliku, skont il-Liġi Nru 54/2005 (kif emendat mil-Liġi Nru 78/2013 u mil-Liġi Nru 34/2014 u d-Digriet Amministrattiv Nru 353/2007.
• L-avviżi uffiċjali tal-gvern relatati mal-għażla, ir-reklutaġġ ta' għalliema preskolastiċi u għalliema tal-primarja u tas-sekondarja, skont id-Digriet Amministrattiv Nru 83-A/2014.
• Komunikazzjonijiet uffiċjali tal-gvern relatati mal-awtonomija, l-amministrazzjoni u l-ġestjoni tal-istabbilimenti pubbliċi għat-tagħlim preskolastiku u għat-tagħlim primarju u sekondarju, skont id-Digriet Amministrattiv Nru 137/2012.
• Komunikazzjonijiet uffiċjali tal-gvern relatati mal-obbligu li jikkonċerna l-konsultazzjoni pubblika għal abbozzi ta' regolamenti għall-ġbir ta' suġġerimenti u kontribuzzjonijiet skont il-Kodiċi ta' Proċedura Amministrattiva, approvati mid-Digriet Amministrattiv Nru 4/2015.
• Komunikazzjonijiet uffiċjali tal-gvern relatati ma' atti ta' delega u sottodelega ta' setgħat tal-korp li qed jiddelega jew jissottodelega lill-korp delegat jew sottodelegat, skont il-Kodiċi ta' Proċedura Amministrattiva, approvati mid-Digriet Amministrattiv Nru 4/2015.
• Avviżi uffiċjali tal-gvern relatati mal-ħruġ ta' liċenzji għal stallazzjonijiet elettriċi għall-produzzjoni, it-trasport, il-konverżjoni u d-distribuzzjoni jew l-użu tal-enerġija elettrika, skont ir-Regolament dwar il-Ħruġ ta' Liċenzji għall-Istallazzjoni Elettrika, approvati mid-Digriet Amministrattiv Nru 26852 tat-30 ta' Lulju 1936.
• Avviżi uffiċjali tal-gvern relatati mal-Kodiċi tat-Taxxa fuq id-Dħul Korporattiv (Código do Imposto sobre o Rendimento das Pessoas Colectivas) u l-Kodiċi tat-Taxxa fuq id-Dħul Personali (Código do Imposto sobre o Rendimento das Pessoas Singulares).
• Komunikazzjonijiet uffiċjali tal-gvern relatati mal-maniġment superjuri tas-servizzi u l-korpi tal-Amministrazzjoni tal-Gvern Ċentrali, Reġjonali u Lokali, skontil-Liġi Nru 2/2004.
• Komunikazzjonijiet uffiċjali tal-gvern relatati mal-maniġment superjuri tal-bordijiet tad-diretturi ta' istituzzjonijiet pubbliċi ta' amministrazzjoni statali indiretta, skont il-Liġi Nru 3/2004 (il-Liġi Qafas dwar l-Istituti Pubbliċi).
• Avviżi uffiċjali tal-gvern relatati mal-organizzazzjoni, l-istruttura u l-funzjonament tal-amministrazzjoni statali diretta, skont il-Liġi Nru 4/2004.
• Avviżi uffiċjali tal-gvern relatati mal-għadd ta' votanti rreġistrati fir-reġistru elettorali, skont il-Liġi Nru 13/99 (regoli tal-liġi applikabbli għar-reġistri elettorali).
• Komunikazzjonijiet uffiċjali tal-gvern relatati mas-settur tan-negozju tal-istat, skont id-Digriet Amministrattiv Nru 133/2013.
• Komunikazzjonijiet uffiċjali tal-gvern relatati mar-rikonoxximent u x-xoljiment ta' fondazzjonijiet Portugiżi u fondazzjonijiet barranin li jwettqu l-attività tagħhom fit-territorju nazzjonali, skont il-Liġi Nru 24/2012 (il-Liġi qafas dwar il-Fondazzjonijiet).
• Komunikazzjonijiet uffiċjali tal-gvern relatati mal-kompożizzjoni, l-organizzazzjoni u l-qafas legali li l-istituzzjonijiet tal-uffiċjali tal-gvern ikunu suġġetti għalihom, skont id-Digriet Amministrattiv Nru 11/2012.
• Komunikazzjonijiet uffiċjali tal-gvern relatati mal-kompożizzjoni, l-istruttura organizzattiva u l-qafas legali tal-Uffiċċju tal-Prim Ministru, skont id-Digriet Amministrattiv Nru 12/2012.
• Komunikazzjonijiet uffiċjali tal-gvern relatati mal-awtorizzazzjoni tal-werrieta għas-sussidji konċessi lill-membri tal-Fond tas-Sigurtà tal-Forzi Armati, skont id-Digriet Amministrattiv Nru 42945 tas-26 ta' April 1960, kif emendat mid-Digriet Amministrattiv Nru 44331 tal-10 ta' Mejju 1962 u mid-Digriet Amministrattiv Nru 434-G/82 tad-29 ta' Ottubru 1982.
• Komunikazzjonijiet uffiċjali tal-gvern relatati mal-Istatut tar-Riforma Pubblika, skont id-Digriet Amministrattiv Nru 498/72.
• Komunikazzjonijiet uffiċjali tal-gvern relatati mal-konċessjoni ta' drittijiet u dmirijiet ugwali liċ-ċittadini Brażiljani li jgħixu l-Portugall, skont id-Digriet Amministrattiv Nru 154/2003.
• Komunikazzjonijiet uffiċjali tal-gvern relatati mal-kontroll metroloġiku tal-istrumenti tal-kejl u metodi involuti f'operazzjonijiet kummerċjali, fiskali jew tal-pagi, jew li jintużaw fl-oqsma tas-saħħa, tas-sikurezza, jew tal-iffrankar enerġetiku, kif ukoll ta' bankijiet tat-test, skontid-Digriet Amministrattiv Nru 291/90 tal-20 ta' Settembru 1990, u l-Ordni ta' Implimentazzjoni Ministerjali Nru 962/90 tad-9 ta' Ottubru 1990.

3. (IPPUBBLIKATI FIS-SERJE 2 TAL-GAZZETTA UFFIĊJALI)

• Komunikazzjonijiet ġudizzjarji uffiċjali dwar kwistjonijiet amministrattivi relatati mal-organizzazzjoni u l-ġestjoni tal-qrati, u ppubblikati fis-serje 2 tal-Gazzetta Uffiċjali.
• Komunikazzjonijiet uffiċjali ġudizzjarji relatati mat-taħrik tal-partijiet interessati (jew kontra partijiet interessati) mill-qorti amministrattiva u fiskali (tribunal administrativo e fiscal) fi proċedimenti mibdija mill-attur u ppubblikati fis-serje 2 tal-Gazzetta Uffiċjali, skont il-Kodiċi ta' Proċedura tal-Qrati Amministrattivi.
• Avviżi ġudizzjarji uffiċjali relatati mal-ksur tar-regoli tal-kompetizzjoni, u ppubblikati fis-serje 2 tal-gazzetta uffiċjali, skont il-Liġi Nru 19/2012 (qafas legali dwar il-kompetizzjoni).

4. (IPPUBBLIKATI FIS-SERJE 1 TAL-GAZZETTA UFFIĊJALI)

• Komunikazzjonijiet ġudizzjarji uffiċjali relatati mal-obbligu li jiġu ppubblikati l-istqarrijiet tal-Qorti Kostituzzjonali fis-serje 1 tal-Gazzetta Uffiċjali, skont il-Liġi Nru 28/82 (l-Organizzazzjoni, il-Funzjonament u l-Proċeduri tal-Qorti Kostituzzjonali; il-verżjoni kkonsolidata bl-Ingliż tinsab hawnhekk) u l-Liġi Nru 43/2014 (il-pubblikazzjoni, l-identifikazzjoni u l-forma tal-atti legali).

5. (IPPUBBLIKATI FIS-SERJE 2 TAL-GAZZETTA UFFIĊJALI)

• Id-Deċiżjonijiet tal-Qorti Kostituzzjonali u tal-Qorti tal-Awdituri li l-liġi tordna li jiġu ppubblikati fis-serje 2 tal-Gazzetta Uffiċjali, skont il-Liġi Nru 28/82 (l-Organizzazzjoni, il-Funzjonament u l-Proċeduri tal-Qorti Kostituzzjonali) u l-Liġi Nru 98/97 (l-Organizzazzjoni u l-Proċeduri tal-Qorti tal-Awdituri).

6. (IPPUBBLIKATI FIS-SERJE 1 TAL-GAZZETTA UFFIĊJALI)

• Id-Deċiżjonijiet tal-Qorti Kostituzzjonali, tal-Qorti Suprema tal-Ġustizzja, tal-Qorti Amministrattiva Suprema u tal-Qorti tal-Awdituri, meta l-Artikolu 119(3) tal-Kostituzzjoni tar-Repubblika Portugiża tordna l-pubblikazzjoni għall-finijiet tal-effett legali u l-pubblikazzjoni fis-serje 1 tal-Gazzetta Uffiċjali, skont il-Liġi dwar l-Organizzazzjoni, il-Funzjonament u l-Proċeduri tal-Qorti Kostituzzjonali, il-Liġi dwar l-Organizzazzjoni u l-Proċeduri tal-Qorti tal-Awdituri, u l-Kodiċi ta' Proċedura Ċivili, il-Kodiċi ta' Proċedura Kriminali, u l-Kodiċi ta' Proċedura tal-Qrati Amministrattivi.

7. (IPPUBBLIKATI FIS-SERJE 1 TAL-GAZZETTA UFFIĊJALI)

• Avviżi tal-Qorti Amministrattiva Suprema, il-Qorti Amministrattiva Ċentrali tat-Tramuntana u l-Qorti Amministrattiva Ċentrali tan-Nofsinhar, li jridu jiġu ppubblikati fis-serje 1 tal-Gazzetta Uffiċjali, skont il-prinċipju tal-forom paralleli u identiċi ta' pubblikazzjoni, previsti fl-Artikolu 81 tal-Kodiċi ta' Proċedura tal-Qrati Amministrattivi: l-att tat-taħrik tal-partijiet interessati (jew kontropartijiet interessati) irid jiġi ppubblikat fl-istess serje tal-Gazzetta Uffiċjali li l-att ikkontestat kien ippubblikat fiha.

L-aċċess għall-avviżi uffiċjali hu bla ħlas?

Iva. Skont l-Artikoli 1 u 3 tad-Digriet Amministrattiv Nru 83/2016 (li japprova s-servizz pubbliku ta' aċċess universali b’xejn għad-Diário da República).

X’tipi ta’ tiftixiet jistgħu jsiru?

L-utenti jistgħu jirriċerkaw liberament il-kontenut kollu ppubblikat fis-serje 1 u 2 tad-Diário da República. L-utenti għandhom żewġ kriterji ta’ tiftix li jistgħu jużaw:

• Tiftixiet ġeneriċi (eż. Google), billi jittajpjaw it-test fil-kaxxa tat-tiftix;
• Tiftixiet avvanzati, bl-użu tal-kaxxi tat-tiftix magħżula mill-utent.

Minn liema data se jkunu disponibbli l-avviżi uffiċjali fil-format elettroniku?

Mill-1 ta' Lulju 2006 'il quddiem, l-edizzjoni elettronika tad-Diário da República hija awtentika, u l-pubblikazzjoni ta' atti fiha huma validi għal finijiet legali, skont l-Artikolu 1(5) tal-Liġi Nru 74/98 tal-11 ta' Novembru 1998 (kif emendat u ppubblikat mill-ġdid mil-Liġi Nru 43/2014 tal-11 ta' Lulju 2014).

It-tiftixiet jistgħu jiġu ssejvjati u jistgħu jintbagħtu notifiki meta jintlaħqu l-kriterji?

Iva. L-utenti jistgħu jaċċessaw is-sit tal-gazzetta uffiċjali u jabbonaw bla ħlas għall-bullettin ta' kuljum, billi jagħżlu kliem ewlieni jew pubblikazzjonijiet fil-kaxxi tat-tiftix biex jirċievu informazzjoni li tissodisfa l-kriterji tagħhom.

L-avviżi uffiċjali huma disponibbli bla ħlas bħala data miftuħa? Jekk dan hu l-każ, fejn jistgħu jinstabu r-repożitorju u/jew l-informazzjoni?

L-avviżi uffiċjali mhumiex disponibbli bħala data miftuħa minħabba li għadna ma pprovdejniex repożitorju bl-informazzjoni kollha f'format strutturat għall-użu mill-ġdid.