Sib informazzjoni għal kull reġjun
Int tista’ tapplika għal kumpens jekk inti vittma bla ħtija ta’ reat vjolenti, jew jekk persuna qrib tiegħek mietet minħabba reat vjolenti. L-Anness B tal-Iskema jelenka dak li hu u dak li mhuwiex reat ta’ vjolenza għall-finijiet tal-Iskema. Hu disponibbli wkoll kumpens għal dawk li jkorru waqt li jieħdu riskju eċċezzjonali u ġustifikat għall-finijiet ta’ prevenzjoni jew ta’ konteniment ta’ reat, inkluża l-interpellanza ta’ suspettat trasgressur.
Int tista’ tapplika għal kumpens għal:
Mhux kull talba għal kumpens tirnexxi; trid tkun eliġibbli skont ir-regoli tal-Iskema.
Jekk int qarib ta’ persuna li mietet minħabba l-korrimenti tagħha, int jaf tkun tista’ tapplika għal pagament. Biex tkun eliġibbli għal pagamenti bħal dawn, int trid tkun dak li l-Iskema ssejjaħ “qarib(a) li jikkwalifika”.
Qarib(a) li jikkwalifika hu persuna li fil-mument tal-mewt tad-deċedut(a) kienet:
Int tista’ tkun eliġibbli biex tagħmel talba għal dannu mentali jekk int kont xhud u preżenti f’inċident li fih persuna qrib tiegħek korriet minħabba reat ta’ vjolenza. Int tista’ tkun eliġibbli jekk int kont involut(a) fil-mumenti eżatti ta’ wara inċident li fih korriet persuna qrib tiegħek.
Jekk int qed titlob pagament għaliex int kont xhieda jew kont involut(a) fil-mumenti eżatti ta’ wara l-korriment ta’ xi ħadd qrib tiegħek, int trid tkun ġarrabt korriment fiżiku bħala konsegwenza. Ser ikollok bżonn evidenza medika mingħand psikjatra jew psikologu kliniku li tikkonferma li dan hu l-każ.
Il-qraba li x’aktarx jikkwalifikaw huma elenkati hawn fuq.
Int tkun eliġibbli għal pagament minn din l-Iskema ta’ kumpens biss jekk int tissodisfa wieħed mir-rekwiżiti ta’ residenza, ta’ nazzjonalità jew rekwiżiti oħra skont il-paragrafu 10. Dan ifisser li int trid tkun resident abitwali fir-Renju Unit fid-data tal-inċident jew inkella trid tkun issodisfata waħda mill-kundizzjonijiet fil-paragrafu 11 jew 13 tal-Iskema.
Int tkun eliġibbli għal kumpens jekk int ċittadin ta’ stat membru tal-Unjoni Ewropea (UE), taż-Żona Ekonomika Ewropea (ŻEE) jew tal-Konvenzjoni Ewropea tal-Kunsill tal-Ewropa dwar il-Kumpens għall-Vittmi ta' Reati Vjolenti. Japplikaw dispożizzjonijiet speċjali għal vittmi potenzjali ta’ traffikar tal-bniedem u għal nies li għamlu applikazzjonijiet għal ażil. Il-kriterji kollha kemm huma jinsabu fil-paragrafu 10 tal-Iskema.
Il-kumpens hu pagabbli taħt l-Iskema għal inċidenti li jseħħu fil-Gran Brittanja (l-Iskozja, l-Ingilterra u Wales).
Jekk int resident tar-Renju Unit (UK) u ġarrabt korriment minħabba reat ta’ vjolenza f’pajjiż ieħor li hu parti mill-Unjoni Ewropea (UE), aħna nistgħu ngħinuk tapplika għal kumpens mingħand dak il-pajjiż. Ċempel lit-Tim ta’ Assistenza tal-UE tagħna fuq 0300 003 3061 jew ibgħat ittra elettronika fuq eucat@cica.gsi.gov.uk
Jekk int korrejt barra mill-UE, jaf tkun tista’ tapplika taħt skema simili operata mill-pajjiż ikkonċernat. Ikkuntattja lill-Uffiċċju tal-Affarijiet Barranin u tal-Commonwealth (“Foreign and Commonwealth Office”) għal aktar informazzjoni. Id-dettalji jistgħu jinsabu fuq https://www.gov.uk.
Iva. Jekk ir-reat li għalih qed tfittex kumpens ma ġiex irrapportat lill-pulizija, aħna ma nistgħux noħorġu pagament. Hu rekwiżit tal-Iskema li l-inċidenti kollha li għalihom issir talba jiġu rrapportati lill-pulizija.
Le. M’għandekx bżonn tistenna l-eżitu ta’ xi investigazzjoni tal-pulizija jew ta’ proċess kriminali qabel ma tagħmel talba.
L-Iskema hi maħsuba biex tkun l-aħħar possibbiltà. Fejn teżisti opportunità biex int tikseb kumpens minn xi mkien ieħor, hekk għandek tagħmel. Aħna nistennew li int tieħu kull pass raġonevoli biex tikseb benefiċċji tas-sigurtà soċjali, pagamenti tal-assigurazzjoni, danni jew kumpens li għalihom tista’ tkun intitolat(a) bħala riżultat tal-korrimenti tiegħek.
Int tista’ tkun eliġibbli għal premju skont l-Iskema anki jekk it-trasgressur tiegħek mhuwiex magħruf, jew ma jiġix ikkundannat. Aħna nistennew li int tkun ikkooperajt bis-sħiħ ma’ kwalunkwe investigazzjoni tal-pulizija. Id-deċiżjonijiet skont l-Iskema jsiru wara li jiġu ponderati l-probabbiltajiet.
Int trid tapplika mill-aktar fis malli dan ikun raġonevolment prattikabbli għalik. Jekk int kont adult fil-mument tal-inċident, normalment m’għandhomx ikunu għaddew aktar minn sentejn mindu seħħ. Aħna nistgħu nestendu dan it-terminu preskrittiv biss meta:
– Ħsara materjali (mhux psikoloġika):
- Ħsara psikoloġika (morali):
- Ħsara materjali (mhux psikoloġika):
- Ħsara psikoloġika:
Kull fejn dan ikun possibbli, aħna noħorġu l-pagamenti għat-talbiet billi noffru pagament uniku b’somma f’daqqa.
It-talba tiegħek tista’ tkun affettwata jekk:
L-Iskema ma tagħmilx testijiet tal-mezzi.
Aħna ma nistgħux inħallsu kumpens fiċ-ċirkustanzi li ġejjin:
Il-kumpens jinżamm jew jitnaqqas ukoll meta int tkun irċivejt kumpens għall-istess korriment mingħand ċerti sorsi oħra li jinkludu danni miksuba wara sentenza ta’ qorti ċivili.
Ir-regoli tal-Iskema u l-valur tal-pagamenti mogħtija huma stabbiliti mill-Parlament u huma kkalkolati b’referenza għal tariffa tal-korrimenti. L-ammont tal-għotja jvarja biex jirrifletti l-gravità tal-korriment.
L-ammont minimu li nagħtu hu ta’ £1,000 u l-pagament massimu hu ta’ £500,000.
Aħna nikkalkulaw kwalunkwe ammont pagabbli.
Aħna nnaqqsu l-ammont ta’ għotja jekk int tkun irċivejt jew tkun intitolat(a) għal pagament għall-istess korriment minħabba:
Meta jingħata kumpens għal spejjeż speċjali, aħna nnaqqsu l-pagament tiegħek biex dan ikun jirrifletti l-benefiċċji tas-sigurtà soċjali għall-istess dannu u l-assigurazzjoni mħallsa, indipendentement minn min ikun ħallas il-primjum jekk int tkun qed tagħmel talba għal oġġetti bħal adattamenti għad-dar jew għall-kura personali tiegħek.
Meta aħna niddeċiedu li int eliġibbli għal pagament iżda ma nistgħux nieħdu deċiżjoni finali, aħna nistgħu nikkunsidraw li nagħmlu pagament interim. Jekk ma nkunux nistgħu nieħdu deċiżjoni finali, x'aktarx li dan ikun minħabba li nkunu qegħdin nistennew sakemm jiġi mifhum l-impatt fit-tul tal-korriment imġarrab minnek.
Aħna nistgħu nikkunsidraw il-ftuħ mill-ġdid ta’ talba wara li jsir pagament finali jekk:
Normalment ma nerġgħux niftuħ każ jekk dan ma jseħħx fi żmien sentejn mid-deċiżjoni finali. Jekk int titlobna niftħu każ aktar minn sentejn wara d-deċiżjoni tagħna, aħna nikkunsidraw li nagħmlu dan biss meta int tkun tista’ tagħtina biżżejjed evidenza biex nieħdu deċiżjoni dwar il-każ mingħajr il-bżonn ta’ inkjesti estensivi ulterjuri.
L-informazzjoni li għandna bżonn mingħandek tiddependi mit-tip ta’ applikazzjoni li tippreżenta. Il-proċess ta’ applikazzjoni se jindika x’informazzjoni tkun meħtieġa f’dak iż-żmien. Aħna se nibagħtulek ukoll għal kwalunkwe informazzjoni ulterjuri meta nkunu neħtiġuha.
M’hemmx ħlas involut biex tiġi ppreżentata applikazzjoni għal kumpens. Fejn xieraq, aħna nitolbuk tipprovdi evidenza medika. Jekk ikun hemm spiża marbuta mal-kisba tal-evidenza medika, int tista’ tkun mistenni(ja) tkopriha. L-ispiża tal-kisba tal-evidenza medika tvarja iżda mhux se tkun mistenni(ja) tħallas aktar minn £50 b’kollox.
L-Awtorità dwar il-Kumpens tal-Inġurji Kriminali (Criminal Injuries Compensation Authority).
Criminal Injuries Compensation Authority (CICA)
Alexander Bain House
Atlantic Quay
15 York Street
Glasgow
G2 8JQ
Tel.: Mir-Renju Unit: +44 (0)300 003 3601; (minn barra r-Renju Unit): +44(0)203 684 2517
Sit web: https://www.gov.uk/
Le, aħna nikkorrispondu miegħek.
It-tul ta’ żmien meħtieġ għall-valutazzjoni tat-talba tiegħek ivarja skont kemm tkun ikkumplikata. Pereżempju, talbiet li jinvolvu telf ta’ qligħ jieħdu aktar żmien minn dawk li jinvolvu biss pagament skont it-tariffa tal-korrimenti. Is-CICA ma tiffinalizzax it-talba tiegħek qabel ma int tikkonferma li tkun irkuprajt, sa fejn possibbli, mill-korrimenti tiegħek. Aħna nippruvaw insolvu każijiet sempliċi fi żmien 12-il xahar minn meta nirċivuhom.
Jekk int ma taqbilx mad-deċiżjoni oriġinali u tridna nirrieżaminawha, trid tibgħatilna l-applikazzjoni miktuba tiegħek għal rieżami fi żmien 56 jum mid-data tad-deċiżjoni oriġinali. Ikollok bżonn tehmeż kwalunkwe evidenza addizzjonali li tixtieqna nikkunsidraw b’sostenn tat-talba tiegħek.
Meta taslilna t-talba tiegħek għal rieżami flimkien mal-informazzjoni ta’ sostenn kollha tiegħek, din tiġi kkunsidrata minn uffiċjal tat-talbiet li ma jkunx dak li ħa d-deċiżjoni oriġinali. Id-deċiżjoni ta’ rieżami tista’ tkun aktar jew anqas favorevoli mid-deċiżjoni oriġinali, jew inkella d-deċiżjoni oriġinali tista’ tibqa’ kif inhi.
Jekk ma taqbilx ma’ deċiżjoni ta’ rieżami, int tista’ tappella quddiem it-Tribunal tal-Prim’Istanza (Kumpens għal Inġurji Kriminali) skont ir-Regoli ta’ Proċedura tat-Tribunal. Tista’ ssib dawn ir-regoli fuq is-sit web tat-Tribunal tal-Prim’Istanza.
Int tista’ tapplika għal kumpens permezz tas-sit web tagħna li għandu informazzjoni siewja wkoll dwar l-Iskema.
Il-link għas-sit web tagħna hi mogħtija aktar ’il fuq, u l-konsulenti taċ-Ċentru ta’ Servizz għall-Klijenti tagħna jistgħu jagħtu l-għajnuna fuq +44(0)300 003 3601. Jekk jogħġbok kun af li l-Konsulenti tas-Servizz għall-Klijenti se jitkellmu bl-Ingliż biss.
M’għandekx bżonn rappreżentant imħallas bħal avukat jew kumpanija ta’ ġestjoni tat-talbiet biex tapplika għal kumpens. Jekk int tagħżel rappreżentazzjoni bi ħlas, aħna ma nistgħux inkopru l-ispiża għal din, u jkollok tħallas għal dawn l-ispejjeż int stess.
Tista’ tikkuntattja lis-Servizz ta’ Informazzjoni għall-Vittmi għal għajnuna fl-applikazzjoni tiegħek.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.