Property consequences of registered partnerships

National rules relating to the division of the property of civil partnerships for couples that have an international element to their relationship, in cases of dissolution of the partnership or death

European Union citizens increasingly move across national borders to study, work or start a family in another EU country. This leads to an increased number of international couples, whether in a marriage or a registered partnership.

International couples are couples whose members have different nationalities, live in an EU country other than their own or own property in different countries. International couples, whether in a marriage or in a registered partnership, need to manage their property and, in particular, share it in case of divorce/separation or the death of one of the members.

EU rules help international couples in these situations. These rules apply in 18 EU countries: Sweden, Belgium, Greece, Croatia, Slovenia, Spain, France, Portugal, Italy, Malta, Luxembourg, Germany, the Czech Republic, the Netherlands, Austria, Bulgaria, Finland and Cyprus.

These rules determine which EU country’s courts should deal with matters concerning the property of an international couple and which law should apply to resolve these matters. The rules also simplify how judgments or notarial documents originating in one EU country should be recognised and enforced in another EU country.

Please select the relevant country's flag to obtain detailed national information.

Should you need additional information, please contact the authorities or a legal professional of the EU country concerned.

You can also consult the website http://www.coupleseurope.eu/en/home of the Council of Notariats of the European Union.

Last update: 30/05/2023

This page is maintained by the European Commission. The information on this page does not necessarily reflect the official position of the European Commission. The Commission accepts no responsibility or liability whatsoever with regard to any information or data contained or referred to in this document. Please refer to the legal notice with regard to copyright rules for European pages.

Il-Konsegwenzi Patrimonjali ta’ Sħubijiet Irreġistrati - Iċ-Ċekja

1 Hemm forom differenti ta’ “sħubijiet irreġistrati” f’dan l-Istat Membru? Spjega d-differenzi bejn il-forom differenti?

Le. Il-leġiżlazzjoni Ċeka tirrikonoxxi biss forma waħda ta’ sħubija rreġistrata: dik tal-għaqda permanenti ta’ żewġ persuni tal-istess sess li jidħlu fiha b’mod iddefinit bil-liġi.

2 Hemm reġim ta’ proprjetà statutorju għas-sħubijiet irreġistrati f’dan l-Istat Membru? X’jipprevedi? Għal liema forom ta’ “sħubija rreġistrata” japplika?

Is-sistema li tirregola l-beni tas-sħab irreġistrati mhijiex soġġetta għal trattament legali speċifiku. Is-sħubijiet irreġistrati ma jagħtux lok għal beni konġunti.

3 Is-sħab, kif jistgħu jirregolaw ir-reġim tal-proprjetà tagħhom? X’inhuma r-rekwiżiti formali f’dan il-każ?

Is-sistema li tirregola l-beni tas-sħab irreġistrati mhijiex soġġetta għal trattament legali speċifiku. Is-sistema tal-beni tagħhom hija soġġetta għar-regoli ġenerali dwar is-sjieda, is-sjieda konġunta u l-obbligazzjonijiet, irrispettivament mill-fatt ta’ jekk ikunux qed jgħixu fi sħubija rreġistrata.

4 Hemm restrizzjonijiet fuq il-libertà ta’ kif jiġi rregolat reġim tal-proprjetà?

Le, bl-eċċezzjoni tal-fatt li s-sħubijiet irreġistrati ma jistgħux iwasslu għal beni konġunti.

5 X’inhuma l-effetti legali tax-xoljiment jew l-annullament fuq il-konsegwenzi patrimonjali tas-sħubija rreġistrata?

It-tmiem ta’ sħubija rreġistrata ma għandu l-ebda effett fuq is-sistema li tirregola l-beni tal-eks sħab irreġistrati.

6 X’inhuma l-effetti legali tal-mewt fuq il-konsegwenzi patrimonjali tas-sħubija rreġistrata?

Sieħeb irreġistrat huwa l-werriet statutorju tal-ewwel u tat-tieni kategorija tal-persuna deċeduta. F’aspetti oħra, il-mewt ta’ wieħed mis-sħab irreġistrati ma jkollha l-ebda effett fuq is-sistema li tirregola l-beni tal-ieħor.

7 Liema awtorità għandha l-kompetenza li tiddeċiedi f’każ relatat mal-konsegwenzi patrimonjali tas-sħubija rreġistrata?

Is-sistema li tirregola l-beni tas-sħab irreġistrati mhijiex soġġetta għal trattament legali speċifiku. Fil-każ ta’ tilwimiet dwar l-assi u l-obbligazzjonijiet, il-qorti għandha s-setgħa li taġixxi.

8 X’inhuma l-effetti tal-konsegwenzi patrimonjali tas-sħubija rreġistrata fuq ir-relazzjonijiet legali bejn sieħeb u parti terza?

Is-sistema li tirregola l-beni tas-sħab irreġistrati mhijiex soġġetta għal trattament legali speċifiku. Is-sistema tal-beni tagħhom hija soġġetta għar-regoli ġenerali dwar is-sjieda, is-sjieda konġunta u l-obbligazzjonijiet, irrispettivament mill-fatt ta’ jekk ikunux qed jgħixu fi sħubija rreġistrata.

9 Deskrizzjoni qasira tal-proċedura għad-diviżjoni, inklużi l-partizzjoni, id-distribuzzjoni u l-likwidazzjoni, tal-proprjetà tas-sħubija rreġistrata f’dan l-Istat Membru.

Is-sistema li tirregola l-beni tas-sħab irreġistrati mhijiex soġġetta għal trattament legali speċifiku. Jekk l-eks sħab irreġistrati jkollhom sjieda konġunta tal-beni, jew ikollhom obbligazzjonijiet konġunti, japplikaw dispożizzjonijiet legali standard dwar is-sjieda konġunta u l-obbligazzjonijiet.

10 X’inhuma l-proċedura u d-dokumenti jew l-informazzjoni tipikament meħtieġa għall-finijiet tar-reġistrazzjoni tal-proprjetà immobbli?

Il-proċedimenti legali li jistabbilixxu jew jittrasferixxu dritt in rem għal assi immobbli, jew il-proċedimenti li jemendaw jew jirrevokaw tali drittijiet, iridu jkunu bil-miktub. Jekk it-trasferiment jinvolvi s-sjieda ta’ assi immobbli li jiddaħħlu f’reġistru pubbliku, it-tibdil fis-sjieda jidħol fis-seħħ permezz tat-tidħil f’dak ir-reġistru.

L-aħħar aġġornament: 14/12/2020

Il-verzjoni bil-lingwa nazzjonali ta’ din il-paġna tinżamm mill-punt ta’ kuntatt tan-NĠE rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. La l-NĠE u lanqas il-Kummissjoni Ewropea ma jaċċettaw ebda responsabbiltà fir-rigward ta' kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Il-Konsegwenzi Patrimonjali ta’ Sħubijiet Irreġistrati - Ġermanja

1 Hemm forom differenti ta’ “sħubijiet irreġistrati” f’dan l-Istat Membru? Spjega d-differenzi bejn il-forom differenti?

Minn mindu l-liġi li introduċiet id-dritt tal-persuni tal-istess sess li jiżżewġu (Gesetz zur Einführung des Rechts auf Eheschließung für Personen gleichen Geschlechts) daħlet fis-seħħ fl-1 ta’ Ottubru 2017, m’għadux possibbli li wieħed jidħol fi sħubijiet reġistrati fil-Ġermanja. Il-koppji tal-istess sess issa jistgħu jiżżewġu bl-istess mod bħall-koppji ta' sess oppost. Is-sħubijiet diġà rreġistrati jistgħu jiġu konvertiti fi żwiġijiet. Madankollu, ma hemm l-ebda obbligu biex isir dan; is-sħubijiet reġistrati eżistenti jistgħu jkomplu fl-istess forma bħal qabel.

2 Hemm reġim ta’ proprjetà statutorju għas-sħubijiet irreġistrati f’dan l-Istat Membru? X’jipprevedi? Għal liema forom ta’ “sħubija rreġistrata” japplika?

Skont il-Liġi dwar is-Sħubijiet Reġistrati (Gesetz über die Eingetragene Lebenspartnerschaft), il-koppji tal-istess sess setgħu jidħlu fi sħubijiet reġistrati fil-Ġermanja minn Awwissu 2001 sa Settembru 2017 inkluż. Il-konsegwenzi legali ta’ sħubija reġistrata kienu (u għadhom) fil-biċċa l-kbira mmudellati fuq il-konsegwenzi legali taż-żwieġ.

3 Is-sħab, kif jistgħu jirregolaw ir-reġim tal-proprjetà tagħhom? X’inhuma r-rekwiżiti formali f’dan il-każ?

Is-sħab reġistrati huma soġġetti għar-reġim tal-proprjetà tal-komunità tal-akkwisti akkumulati (Zugewinngemeinschaft) sakemm ma jiftehmux mod ieħor permezz ta’ kuntratt ta’ sħubija reġistrata. Id-dispożizzjonijiet dwar ir-reġim statutorju tal-proprjetà għaż-żwiġijiet japplikaw mutatis mutandis għas-sħubijiet reġistrati (it-Taqsima 6 tal-Liġi dwar is-Sħubijiet Reġistrati). Jista’ jiġi stabbilit reġim tal-proprjetà differenti (separazzjoni tal-proprjetà - Gütertrennung - jew komunità tal-proprjetà - Gütergemeinschaft) permezz tal-kuntratt ta’ sħubija reġistrata (it-Taqsima 7 tal-Liġi dwar is-Sħubijiet Reġistrati).

4 Hemm restrizzjonijiet fuq il-libertà ta’ kif jiġi rregolat reġim tal-proprjetà?

L-informazzjoni ta’ hawn fuq dwar ir-reġimi tal-proprjetà għaż-żwiġijiet tapplika mutatis mutandis għas-sħubijiet reġistrati.

5 X’inhuma l-effetti legali tax-xoljiment jew l-annullament fuq il-konsegwenzi patrimonjali tas-sħubija rreġistrata?

Jekk is-sħab reġistrati jisseparaw, wieħed mis-sħab reġistrati jista’ jitlob il-manteniment mis-sieħeb l-ieħor b’mod proporzjonali għall-kundizzjonijiet tal-għajxien, is-saħħa tal-qligħ u ċ-ċirkostanzi finanzjarji taż-żewġ sieħba reġistrati. Id-dispożizzjonijiet dwar il-manteniment f’każ ta’ separazzjoni japplikaw mutatis mutandis (it-Taqsima 12 tal-Liġi dwar is-Sħubijiet Reġistrati). Fir-rigward tal-manteniment wara t-tmiem tas-sħubija reġistrata, id-dispożizzjonijiet dwar il-manteniment ta' wara ż-żwieġ u l-ugwalizzazzjoni tal-pensjonijiet (Versorgungsausgleich) japplikaw mutatis mutandis (it-Taqsimiet 16 u 20 tal-Liġi dwar is-Sħubijiet Reġistrati).

6 X’inhuma l-effetti legali tal-mewt fuq il-konsegwenzi patrimonjali tas-sħubija rreġistrata?

Id-dritt statutorju tas-suċċessjoni ta’ sieħeb reġistrat huwa ekwivalenti għal dak ta’ konjuġi (it-Taqsima 10 tal-Liġi dwar is-Sħubijiet Reġistrati).

7 Liema awtorità għandha l-kompetenza li tiddeċiedi f’każ relatat mal-konsegwenzi patrimonjali tas-sħubija rreġistrata?

Qorti tal-Familja (Familiengericht) għandha l-ġurisdizzjoni biex tisma’ kawżi dwar l-effetti patrimonjali tas-sħubijiet reġistrati. Dawn il-każijiet jikkostitwixxu kwistjonijiet ta’ sħubija reġistrata, u japplikaw id-dispożizzjonijiet li jirregolaw il-proċedimenti ta’ divorzju.

8 X’inhuma l-effetti tal-konsegwenzi patrimonjali tas-sħubija rreġistrata fuq ir-relazzjonijiet legali bejn sieħeb u parti terza?

Persuna fi sħubija reġistrata ġeneralment tkun responsabbli għad-djun proprji tagħha u bl-assi proprji biss tagħha, li huwa l-każ ukoll skont il-liġi tal-proprjetà matrimonjali. Dan jeskludi t-tranżazzjonijiet għall-kopertura raġonevoli tal-ħtiġijiet ta’ kuljum tal-familja (it-Taqsima 8(2) tal-Liġi dwar is-Sħubijiet Reġistrati flimkien mat-Taqsima 1357 tal-Kodiċi Ċivili). Il-kummenti dwar ir-restrizzjonijiet possibbli fuq id-dritt ta’ disponiment japplikaw mutatis mutandis.

9 Deskrizzjoni qasira tal-proċedura għad-diviżjoni, inklużi l-partizzjoni, id-distribuzzjoni u l-likwidazzjoni, tal-proprjetà tas-sħubija rreġistrata f’dan l-Istat Membru.

Id-dar tal-familja u l-oġġetti tad-dar jistgħu jinqasmu matul is-separazzjoni (it-Taqsimiet 13 u 14 tal-Liġi dwar is-Sħubijiet Reġistrati) jew wara x-xoljiment tas-sħubija reġistrata (it-Taqsima 17 tal-Liġi dwar is-Sħubijiet Reġistrati flimkien mat-Taqsimiet 1568a u b tal-Kodiċi Ċivili).

10 X’inhuma l-proċedura u d-dokumenti jew l-informazzjoni tipikament meħtieġa għall-finijiet tar-reġistrazzjoni tal-proprjetà immobbli?

Jekk is-sħab jagħżlu l-komunità tal-proprjetà (Gütergemeinschaft) bħala r-reġim tal-proprjetà tagħhom, huma jridu jissottomettu l-kuntratt ta’ sħubija reġistrata notarili lill-uffiċċju tar-reġistru tal-artijiet u japplikaw għar-rettifika tar-reġistru tal-artijiet. Fil-każijiet l-oħra kollha, jiġifieri, jekk is-sħab jagħżlu reġim tal-proprjetà li ma jkunx il-komunità tal-proprjetà, m’hemmx bżonn ta’ rettifika tar-reġistru tal-artijiet.

L-aħħar aġġornament: 02/11/2023

Il-verzjoni bil-lingwa nazzjonali ta’ din il-paġna tinżamm mill-punt ta’ kuntatt tan-NĠE rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. La l-NĠE u lanqas il-Kummissjoni Ewropea ma jaċċettaw ebda responsabbiltà fir-rigward ta' kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Il-Konsegwenzi Patrimonjali ta’ Sħubijiet Irreġistrati - Spanja

1 Hemm forom differenti ta’ “sħubijiet irreġistrati” f’dan l-Istat Membru? Spjega d-differenzi bejn il-forom differenti?

Iva.

Ma hemm l-ebda regolament taħt id-dritt ċivili dwar sħubijiet barra mir-rabta taż-żwieġ (parejas de hecho) fil-livell tal-Istat u minħabba f’hekk, il-biċċa l-kbira tal-Komunitajiet Awtonomi adottaw ir-regoli proprji tagħhom – jew taħt id-dritt ċivili jew purament amministrattivi – li jirregolaw l-istabbiliment ta’ sħubija barra mir-rabta taż-żwieġ, il-qafas legali tagħha, l-effetti tagħha, u l-modi u l-konsegwenzi tat-tmiem tagħha. Din is-sitwazzjoni hija akkumpanjata mill-koeżistenza ta’ sistemi reġjonali differenti tad-dritt ċivili (derechos forales) fi Spanja flimkien mad-dritt ċivili ġenerali.

Minbarra ż-żwieġ u s-sħubijiet mhux regolati, kull Komunità Awtonoma tagħti rikonoxximent legali differenti lil sħubijiet barra mir-rabta taż-żwieġ. F’dan ir-rigward, dawn id-differenzi reġjonali jvarjaw minn rikonoxximent legali bbażat sempliċement fuq perjodu minimu ta’ koabitazzjoni jew koabitazzjoni b’wild komuni, għar-rekwiżit li s-sħubija barra mir-rabta taż-żwieġ tiġi rreġistrata jew li tiġi rreġistrata għal skopijiet amministrattivi. Hemm saħansitra erba’ Komunitajiet Awtonomi (il-Gżejjer Baleariċi, Extremadura, il-Pajjiż Bask u l-Galicia) li għandhom reġistru użat biex tiġi kkostitwita s-sħubija jew li fihom ir-reġistrazzjoni hija obbligatorja.

Ta’ min jinnota li l-materji amministrattivi huma esklużi mill-kamp ta’ applikazzjoni ta’ regolamentazzjoni, peress li din l-iskeda informattiva tinkludi għadd ta’ referenzi għal regoli purament amministrattivi li jirrigwardaw is-sħubijiet barra mir-rabta taż-żwieġ u r-reġistrazzjoni ta’ dawk is-sħubijiet magħmula minn ċerti Komunitajiet Awtonomi, li altrimenti ma għandhomx kompetenza kostituzzjonali fil-qasam tad-dritt ċivili.

2 Hemm reġim ta’ proprjetà statutorju għas-sħubijiet irreġistrati f’dan l-Istat Membru? X’jipprevedi? Għal liema forom ta’ “sħubija rreġistrata” japplika?

Is-settijiet ta’ regoli differenti li jeżistu ma fihomx dispożizzjonijiet speċifiċi dwar il-finanzi jew l-assi fir-rigward tal-proprjetà li tinxtara waqt li s-sħab ikunu fi sħubija barra mir-rabta taż-żwieġ. Ir-regoli li japplikaw għall-proprjetà matrimonjali ma japplikawx għas-sħubijiet barra mir-rabta taż-żwieġ, l-anqas b’analoġija, li jfisser li, sakemm il-koppja fi sħubija barra mir-rabta taż-żwieġ ma tkunx għamlet arranġamenti speċifiċi fi ftehim (convenio), id-dispożizzjonijiet rilevanti jkunu dawk stabbiliti fil-Kodiċi Ċivili (Código civil) (jew fil-kodiċijiet reġjonali (códigos forales)) għal sitwazzjonijiet ta’ proprjetà komuni jew komunità tal-akkwisti (condominios jew comunidades de bienes) (392 et seq. tal-Kodiċi Ċivili fir-rigward tad-dritt ċivili ġenerali) f’każ li l-proprjetà tkun koproprjetà (en común) taż-żewġ membri tal-koppja.

3 Is-sħab, kif jistgħu jirregolaw ir-reġim tal-proprjetà tagħhom? X’inhuma r-rekwiżiti formali f’dan il-każ?

Il-partijiet jistgħu jagħmlu l-arranġamenti proprji tagħhom rigward il-finanzi u l-proprjetà tagħhom. Għal dak il-għan, il-maġġoranza tar-regoli reġjonali għandhom dispożizzjoni speċifika dwar il-ftehimiet li l-partijiet jistgħu jidħlu fihom. Il-biċċa l-kbira tal-liġijiet jirrikjedu li ftehimiet bħal dawn ikunu bil-miktub, għalkemm f’xi reġjuni ftehimiet verbali huma permessi (il-Gżejjer Baleariċi u l-Gżejjer Kanarji).

Għall-ftehimiet bil-miktub, ir-regola ġenerali hija li dokumenti pubbliċi jew privati mfasslin għal dak il-għan huma aċċettabbli, u r-regoli reġjonali differenti jippermettu wkoll li l-partijiet jagħmlu provvediment għal kumpens finanzjarju f’każ li r-relazzjoni tintemm u jkun hemm żbilanċ finanzjarju bejn il-partijiet.

F’ċerti reġjuni, il-ftehim irid jiġi formalizzat minn nutar. Dan huwa l-każ f’Aragona, fil-Cantabria, fil-Katalonja, f’Extremadura, fil-Galicia u f’Madrid.

4 Hemm restrizzjonijiet fuq il-libertà ta’ kif jiġi rregolat reġim tal-proprjetà?

Iva, hemm restrizzjonijiet fuq il-libertà tal-kuntratt. Il-kamp ta’ applikazzjoni ta’ din ir-restrizzjoni jvarja skont ir-regoli reġjonali differenti. B’mod ġenerali, kwalunkwe ftehim li jmur kontra l-liġijiet obbligatorji jew li ma jagħtix drittijiet indaqs lil kull sieħeb, kif ukoll dawk li jkunu ta’ detriment serju għal xi wieħed mis-sħab, huma meqjusa bħala nulli u bla effett. Xi liġijiet jistipulaw speċifikament ukoll li ftehimiet li jkollhom suġġett purament personali jew li jaffettwaw il-privatezza tal-koabitanti huma invalidi. Barra minn hekk, il-ftehimiet ma jridux ikunu ta’ ħsara għal terzi persuni.

5 X’inhuma l-effetti legali tax-xoljiment jew l-annullament fuq il-konsegwenzi patrimonjali tas-sħubija rreġistrata?

Il-konsegwenzi tax-xoljiment ta’ sħubija barra mir-rabta taż-żwieġ jiddependu primarjament fuq kwalunkwe ftehim rilevanti li l-partijiet setgħu daħlu fih. F’xi reġjuni, il-koppja setgħet kienet kapaci tagħmel provvediment għal kumpens finanzjarju fil-każ ta’ xoljiment futur fejn kien hemm żbilanċ finanzjarju bejn is-sħab. Fi kwalunkwe każ, fir-rigward tal-koproprjetà, japplikaw ir-regoli ċivili u proċedurali ġenerali għax-xoljiment u l-likwidazzjoni tagħha. Reġjuni bħall-Katalonja u Aragona jirrikjedu li qorti tapprova l-kumpens finanzjarju għax-xogħol fid-dar li jagħmel wieħed mis-sħab jew għal xogħol fl-interessi finanzjarji u professjonali tal-membru l-ieħor tal-koppja.

6 X’inhuma l-effetti legali tal-mewt fuq il-konsegwenzi patrimonjali tas-sħubija rreġistrata?

Xi Komunitajiet Awtonomi jippermettu lis-sieħeb superstitu li jiret mingħand is-sieħeb deċedut bl-istess mod bħal koppja miżżewġa. Barra minn hekk, xi Komunitajiet Awtonomi jirrikonoxxu d-dritt li dan jiret l-oġġetti domestiċi kondiviżi, li jkompli juża r-residenza komuni għal sena jew li jieħu f’idejh il-kuntratt tal-kiri għar-residenza.

7 Liema awtorità għandha l-kompetenza li tiddeċiedi f’każ relatat mal-konsegwenzi patrimonjali tas-sħubija rreġistrata?

L-awtoritajiet ġudizzjarji għandhom is-setgħa li jiddeterminaw il-konsegwenzi tas-separazzjoni fir-rigward tal-proprjetà. Fi kwalunkwe każ, ma teżisti l-ebda setgħa speċifika bis-saħħa tal-eżistenza tas-sħubija barra mir-rabta taż-żwieġ, kif jiġri fil-każ tas-sistemi li jirregolaw il-beni tal-miżżewġin (l-Artikoli 769 u 807 tal-Kodiċi tal-Proċedura Ċivili). Konsegwentement, peress li hija setgħa ġudizzjarja, id-distribuzzjoni hija rregolata mir-regoli ġenerali (l-Artikoli 50 et seq. tal-Kodiċi Ċivili).

8 X’inhuma l-effetti tal-konsegwenzi patrimonjali tas-sħubija rreġistrata fuq ir-relazzjonijiet legali bejn sieħeb u parti terza?

B’mod ġenerali, ir-reġjuni differenti għandhom dispożizzjonijiet speċifiċi fis-seħħ fir-rigward tal-effetti fuq terzi persuni, minbarra l-fatt li xi reġjuni jistipulaw li s-sħubijiet barra mir-rabta taż-żwieġ ma jridux jimminaw id-drittijiet ta’ terzi persuni. Huwa biss fi ftit Komunitajiet Awtonomi li ż-żewġ membri ta’ koppja jkunu responsabbli in solidum fil-konfront ta’ terzi persuni fir-rigward ta’ ċerti spejjeż (kif inhu l-każ fl-Andalusija).

9 Deskrizzjoni qasira tal-proċedura għad-diviżjoni, inklużi l-partizzjoni, id-distribuzzjoni u l-likwidazzjoni, tal-proprjetà tas-sħubija rreġistrata f’dan l-Istat Membru

Ma hemmx regoli proċedurali speċifiċi fis-seħħ fil-livell nazzjonali jew fil-Komunitajiet Awtonomi fir-rigward tax-xoljiment u l-likwidazzjoni tal-proprjetà ta’ koppji fi sħubija barra mir-rabta taż-żwieġ. B’mod ġenerali, ikun hemm sistema li tirregola l-komunità tal-akkwisti tal-miżżewġin (sjieda indiviża miż-żewġ sħab) irregolata mill-Artikolu 392 et seq. tal-Kodiċi Ċivili, mingħajr preġudizzju għad-dispożizzjonijiet tad-diversi sistemi tad-dritt ċivili li jeżistu fi Spanja, u għalhekk il-likwidazzjoni tkun konformi mar-regoli ġenerali li jirregolaw kwalunkwe proprjetà konġunta indiviża (l-Artikolu 400 tal-Kodiċi Ċivili).

10 X’inhuma l-proċedura u d-dokumenti jew l-informazzjoni tipikament meħtieġa għall-finijiet tar-reġistrazzjoni tal-proprjetà immobbli?

Ir-reġistrazzjoni ta’ proprjetà immobbli teħtieġ l-eżekuzzjoni ta’ strument pubbliku quddiem nutar.

Il-proċedura tar-reġistrazzjoni tiddependi mid-dispożizzjonijiet stabbiliti fid-dritt ċivili u trid titwettaq skont dawk id-dispożizzjonijiet. Jekk sħubija tkun irreġistrata u rikonoxxuta fl-isfera amministrattiva biss, mingħajr ma jkun hemm l-ebda konsegwenza fid-dritt ċivili, il-koppja titqies li tkun f’sitwazzjoni ta’ koproprjetà għal skopijiet ta’ reġistrazzjoni. Fi kwalunkwe każ, iridu jiġu osservati l-prinċipji tar-reġistrazzjoni li japplikaw għad-dokumenti pubbliċi jew awtentiċi.

L-aħħar aġġornament: 01/02/2023

Il-verzjoni bil-lingwa nazzjonali ta’ din il-paġna tinżamm mill-punt ta’ kuntatt tan-NĠE rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. La l-NĠE u lanqas il-Kummissjoni Ewropea ma jaċċettaw ebda responsabbiltà fir-rigward ta' kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Il-Konsegwenzi Patrimonjali ta’ Sħubijiet Irreġistrati - Franza

1 Hemm forom differenti ta’ “sħubijiet irreġistrati” f’dan l-Istat Membru? Spjega d-differenzi bejn il-forom differenti?

Fi Franza, jeżisti tip wieħed biss ta’ sħubija ċivili: Il-Patt Ċivili ta’ Solidarjetà (pacte civil de solidarité), jew PACS. Dan huwa ddefinit fl-Artikolu 515-1 tal-Kodiċi Ċivili (Code Civil) bħala “ftehim bejn żewġ persuni fiżiċi ta’ età maġġuri, ta’ sessi differenti jew tal-istess sess, biex jorganizzaw il-ħajja tagħhom b’mod konġunt”.

Is-sħubijiet reġistrati għandhom konsegwenzi patrimonjali bejn is-sħab u fil-konfront ta’ terzi. Dawn huma anqas wiesgħa minn dawk ta’ reġim tal-proprjetà matrimonjali u kapaċi jakkomodaw ix-xewqat tas-sħab.

Dawn ir-relazzjonijiet patrimonjali huma rregolati minn sett ta’ regoli legali li jikkonċernaw is-setgħat, is-sjieda tal-proprjetà u d-drittijiet u l-obbligi tas-sħab matul il-PACS.

Inkella, is-sħab ikunu soġġetti għal forma ta’ reġim primarju obbligatorju, irrispettivament mir-reġim tal-proprjetà magħżul. F’dan ir-rigward, l-Artikolu 515-4 tal-Kodiċi Ċivili jipprovdi li s-sħab jimpenjaw ruħhom għall-koabitazzjoni, kif ukoll għall-għajnuna materjali u l-assistenza reċiproka. Barra minn hekk, is-sħab fil-prinċipju jinżammu responsabbli in solidum lejn terzi għad-djun li jġarrab wieħed minnhom għall-ħtiġijiet ta’ kuljum.

2 Hemm reġim ta’ proprjetà statutorju għas-sħubijiet irreġistrati f’dan l-Istat Membru? X’jipprevedi? Għal liema forom ta’ “sħubija rreġistrata” japplika?

Skont il-liġi Franċiża, is-sħab f’PACS jistgħu jagħżlu bejn żewġ reġimi ta’ proprjetà.

L-ewwel nett, ir-reġim tal-liġi komuni (fin-nuqqas ta’ ftehim speċifiku), jiġifieri s-separazzjoni tal-proprjetà flimkien ma’ preżunzjoni ta’ sjieda konġunta fin-nuqqas ta’ prova kuntrarja. Għalhekk, kull sieħeb ikompli jamministra, igawdi u jiddisponi liberament mill-assi tiegħu u kull wieħed jibqa’ responsabbli biss għad-djun personali li jġarrab qabel jew matul il-patt (l-Artikolu 515-5 tal-Kodiċi Ċivili). Huwa biss jekk jiġi ppruvat li l-assi ma humiex il-proprjetà ta’ wieħed mis-sħab li jitqies bħala proprjetà tagħhom b’mod konġunt, nofs ta’ wieħed u nofs tal-ieħor.

It-tieni nett, is-sħab jistgħu jagħżlu reġim miftiehem ta’ sjieda konġunta għal proprjetà akkwistata wara. L-assi akkwistati flimkien jew b’mod separat matul il-PACS jitqiesu bħala proprjetà komuni, nofs ta’ wieħed u nofs tal-ieħor (l-Artikolu 515-5-1 tal-Kodiċi Ċivili). Madanakollu, ċerti assi speċifikati fl-Artikolu 515-5-2 tal-Kodiċi Ċivili jibqgħu l-proprjetà esklużiva ta’ kull sieħeb, pereżempju l-flejjes li jirċievi kull wieħed wara l-iffirmar tal-PACS u li ma jintużawx għall-akkwist ta’ proprjetà, l-assi maħluqa u l-anċillari tagħhom, l-assi personali, l-assi jew il-porzjonijiet ta’ assi akkwistati bi flejjes li jappartjenu għal sieħeb qabel ir-reġistrazzjoni tal-ftehim inizjali jew ta’ emenda, l-assi jew il-porzjonijiet ta’ assi akkwistati bi flejjes irċevuti permezz ta’ rigal jew wirt u, finalment, ishma ta’ assi akkwistati f’bejgħ b’irkant ta’ proprjetà komuni ta’ wieħed mis-sħab f’patrimonju mhux diviż jew minn rigal.

Sabiex il-fatti jkunu ċari, il-PACS hija l-unika forma ta’ sħubija ċivili fi Franza.

3 Is-sħab, kif jistgħu jirregolaw ir-reġim tal-proprjetà tagħhom? X’inhuma r-rekwiżiti formali f’dan il-każ?

Is-sħab jistgħu jikkonkludu l-ftehim tal-PACS quddiem reġistratur (officier de l’état civil) jew quddiem nutar (notaire).

L-Artikolu 515-3 tal-Kodiċi Ċivili jipprevedi “li l-persuni li jidħlu f’patt ta’ solidarjetà ċivili għandhom jagħmlu dikjarazzjoni konġunta lir-reġistratur tal-muniċipalità li fiha jkunu qegħdin jistabbilixxu residenza konġunta, jew, fejn ikun hemm xkiel serju għall-istabbiliment ta’ din ir-residenza, quddiem ir-reġistratur tal-muniċipalità li fiha jkun residenti wieħed mis-sħab”. F’dik l-okkażjoni, is-sħab jippreżentaw il-ftehim li ffirmaw lir-reġistratur.

Il-ftehim tal-PACS jista’ jiġi konkluż ukoll permezz ta’ att notarili. In-nutar li jfassal l-istrument imbagħad jikseb id-dikjarazzjoni konġunta, jirreġistra l-patt u jorganizza l-formalitajiet tal-pubblikazzjoni (il-ħames paragrafu tal-Artikolu 515-3 tal-Kodiċi Ċivili).

Is-sħab jistgħu jagħżlu sjieda konġunta ta’ arranġament ta’ proprjetà akkwistata wara kif iddefinit fl-Artikolu 515-5-1 tal-Kodiċi Ċivili. Inkella jkunu rregolati mir-reġim statutorju tas-separazzjoni tal-proprjetà previst fl-Artikolu 515-5 tal-Kodiċi Ċivili.

Matul PACS is-sħab jistgħu jiddeċiedu li jemendaw jew jibdlu r-reġim tal-proprjetà fi ftehim ta’ emenda, li jrid jiġi ppubblikat bl-istess mod bħall-patt oriġinali. Dan għandu jingħadda jew jintbagħat lir-reġistratur jew lin-nutar li jkun irċieva d-dokument oriġinali għar-reġistrazzjoni (is-sitt paragrafu tal-Artikolu 515-3 tal-Kodiċi Ċivili).

4 Hemm restrizzjonijiet fuq il-libertà ta’ kif jiġi rregolat reġim tal-proprjetà?

Sakemm ma jkunx iddikjarat mod ieħor fil-ftehim, ir-reġim tal-proprjetà għas-sħab f’PACS huwa r-reġim tas-separazzjoni tal-proprjetà. Madanakollu, is-sħab jistgħu jiddeċiedu espressament dwar l-arranġament tal-proprjetà konġunta ta’ proprjetà akkwistata wara kif iddefinit fl-Artikolu 515-5-1 tal-Kodiċi Ċivili. “Is-sħab, fil-ftehim oriġinali jew fi ftehim ta’ emenda, jistgħu jagħżlu s-sjieda konġunta tal-assi li jakkwistaw, flimkien jew separatament, minn meta jiġu rreġistrati l-ftehimiet. Dawk l-assi mbagħad jitqiesu li huma proprjetà konġunta nofs bin-nofs, mingħajr rikors minn sieħeb wieħed kontra l-ieħor għal kontribuzzjoni mhux ugwali”.

Ikun liema jkun ir-reġim magħżul, is-sħab huma wkoll soġġetti għal reġim primarju obbligatorju li jiddefinixxi d-drittijiet u l-obbligi tagħhom lejn xulxin u lejn terzi. F’dan ir-rigward, l-Artikolu 515-4 tal-Kodiċi Ċivili jipprovdi li s-sħab jimpenjaw ruħhom għall-koabitazzjoni, kif ukoll għall-għajnuna materjali u l-assistenza reċiproka. Barra minn hekk, is-sħab fil-prinċipju jinżammu responsabbli in solidum lejn terzi għad-djun li jġarrab wieħed minnhom għall-ħtiġijiet ta’ kuljum.

5 X’inhuma l-effetti legali tax-xoljiment jew l-annullament fuq il-konsegwenzi patrimonjali tas-sħubija rreġistrata?

L-Artikolu 515-7 tal-Kodiċi Ċivili jipprovdi li l-PACS jiġi xolt bil-mewt ta’ wieħed mis-sħab jew biż-żwieġ tas-sħab jew ta’ sieħeb wieħed. F’dak il-każ, ix-xoljiment jidħol fis-seħħ fid-data tal-avveniment. Dan jiġi xolt ukoll permezz ta’ dikjarazzjoni konġunta mis-sħab jew deċiżjoni unilaterali minn sieħeb wieħed.

Fir-relazzjoni bejn is-sħab, ix-xoljiment tal-PACS jidħol fis-seħħ fid-data tar-reġistrazzjoni tiegħu. Huwa jsir effettiv kontra terzi mill-jum li fih jitlestew il-formalitajiet tal-pubblikazzjoni.

Ix-xoljiment jew l-annullament tas-sħubija jinvolvi l-likwidazzjoni tar-reġim tal-proprjetà.

Skont l-għaxar paragrafu tal-Artikolu 515-7 tal-Kodiċi Ċivili, is-sħab huma responsabbli għal-likwidazzjoni tad-drittijiet u tal-obbligi li jirriżultaw mill-PACS. Imħallef jieħu deċiżjoni dwar il-konsegwenzi patrimonjali tas-separazzjoni biss jekk dawn jonqsu milli jilħqu ftehim.

Kull sieħeb jirkupra l-proprjetà personali tiegħu.

Proprjetà konġunta tinqasam nofs bin-nofs, sakemm ma jsirux arranġamenti kuntrattwali differenti. B’mod partikolari, ma hemm xejn li jimpedixxi lill-eks sħab milli jkomplu jkollhom proprjetà komuni.

Id-djun bejn is-sħab għandhom jitħallsu.

Id-dispożizzjonijiet dwar l-allokazzjoni preferenzjali b’diviżjoni (l-Artikoli 831, 831-2, 832-3 u 832-4 tal-Kodiċi Ċivili) huma applikabbli bejn is-sħab.

6 X’inhuma l-effetti legali tal-mewt fuq il-konsegwenzi patrimonjali tas-sħubija rreġistrata?

Il-mewt ta’ wieħed mis-sħab għandha l-effett ta’ xoljiment tas-sħubija reġistrata fil-jum tal-mewt u tinvolvi l-likwidazzjoni tar-reġim patrimonjali f’konformità mal-istess arranġamenti bħal hawn fuq.

Skont il-liġi Franċiża tal-wirt, is-sieħeb superstitu ma huwiex werriet legali. Madanakollu, huwa jista’ jinħatar werriet f’testment.

Is-superstitu jista’ jitlob dritt għall-pussess temporanju għal sena tal-proprjetà li tkun effettivament okkupata bħala r-residenza prinċipali tiegħu jew tagħha fid-data tal-mewt (kif previst fl-ewwel u fit-tieni paragrafu tal-Artikolu 763).

Madanakollu, dak id-dritt ma huwiex politika pubblika u l-persuna deċeduta tista’ ċċaħħad lis-superstitu minnha f’testment.

Is-superstitu jista’ japplika wkoll għal allokazzjoni preferenzjali tad-dar tal-familja meta l-persuna deċeduta tkun għamlet dispożizzjoni espressa għal dan fit-testment tagħha (it-tieni paragrafu tal-Artikolu 515-6 tal-Kodiċi Ċivili).

7 Liema awtorità għandha l-kompetenza li tiddeċiedi f’każ relatat mal-konsegwenzi patrimonjali tas-sħubija rreġistrata?

L-imħallef tal-qorti tal-familja (juge aux affaires familiales, JAF) għandu l-ġuriżdizzjoni għall-koproprjetà bejn is-sħab f’PACS jew konkubini (il-Liġi Nru 2009-506 tat-12 ta’ Mejju 2009 dwar is-simplifikazzjoni tal-liġi (loi n° 2009-506 du 12 mai 2009 sur la simplification du droit), id-Digriet Nru 2009-1591 tas-17 ta’ Diċembru 2009 dwar il-proċeduri quddiem l-imħallef tal-qorti tal-familja dwar ir-reġimi tal-proprjetà matrimonjali u s-sjieda konġunta (décret n° 2009-1591 du 17 décembre 2009 relatif à la procédure devant le juge aux affaires familiales en matière de régimes matrimoniaux et d’indivisions), iċ-Ċirkolari CIV/10/10 tas-16 ta’ Ġunju 2010 dwar is-setgħat tal-imħallef tal-qorti tal-familja fir-rigward tal-likwidazzjoni (circulaire CIV/10/10 du 16 juin 2010 sur les compétences du juge aux affaires familiales en matière de liquidation).

8 X’inhuma l-effetti tal-konsegwenzi patrimonjali tas-sħubija rreġistrata fuq ir-relazzjonijiet legali bejn sieħeb u parti terza?

Skont it-tieni paragrafu tal-Artikolu 515-4 tal-Kodiċi Ċivili, li huwa applikabbli irrispettivament mir-reġim tal-proprjetà magħżul mis-sħab, is-sħab huma miżmuma responsabbli in solidum fir-rigward ta’ terzi għal djun aċċettati minn wieħed minnhom għall-ħtiġijiet ta’ kuljum. Madankollu, tali responsabbiltà in solidum ma tapplikax għal spejjeż li huma manifestament eċċessivi. Lanqas ma għandha tapplika jekk tali djun ma jkunux ġew aċċettati bil-kunsens taż-żewġ sħab għal kiri b’opzjoni ta’ xiri jew għal self, sakemm dawn ma jkunux għal somom żgħar meħtieġa għall-ħtiġijiet ta’ kuljum u l-ammont kumulattiv tas-somom, fil-każ ta’ self multiplu, ma jkunx manifestament eċċessiv fid-dawl tal-istil ta’ ħajja tal-familja.

Skont it-tielet paragrafu tal-Artikolu 515-5 tal-Kodiċi Ċivili, is-sieħeb li jkun proprjetarju waħdieni ta’ mobbli għandu jitqies, fil-konfront ta’ terzi in bona fide, li għandu s-setgħa li jwettaq kull att ta’ amministrazzjoni, tgawdija jew disponiment ta’ dawk il-mobbli.

9 Deskrizzjoni qasira tal-proċedura għad-diviżjoni, inklużi l-partizzjoni, id-distribuzzjoni u l-likwidazzjoni, tal-proprjetà tas-sħubija rreġistrata f’dan l-Istat Membru

Skont l-għaxar paragrafu tal-Artikolu 515-7 tal-Kodiċi Ċivili, dwar ix-xoljiment ta’ PACS is-sħab huma responsabbli għal-likwidazzjoni tad-drittijiet u tal-obbligi li jirriżultaw mill-PACS. Imħallef jieħu deċiżjoni dwar il-konsegwenzi patrimonjali tas-separazzjoni biss jekk dawn jonqsu milli jilħqu ftehim.

Id-diviżjoni tista’ ssir permezz ta’ ftehim bonarju jew permezz tal-qrati. Bi ftehim bonarju, jitfassal ftehim ta’ diviżjoni bejn is-sħab. Dan ikun fil-forma ta’ att notarili jekk ikun relatat ma’ proprjetà li teħtieġ reġistrazzjoni tal-art. Id-diviżjoni ssir mill-qrati jekk il-partijiet jonqsu milli jilħqu ftehim dwar il-likwidazzjoni jew id-distribuzzjoni tal-proprjetà. L-imħallef jiddeċiedi dwar rikorsi għall-pussess konġunt kontinwat jew allokazzjoni preferenzjali (l-Artikolu 831 tal-Kodiċi Ċivili).

Jekk is-sħab ikunu soġġetti għar-reġim tal-proprjetà skont il-liġi ordinarja, jiġifieri s-separazzjoni tal-proprjetà, l-assi kollha li s-sħab setgħu jagħtu prova li kienu proprjetà ta’ sieħeb wieħed jew l-ieħor jerġgħu lura għand sidhom. Bl-istess mod, id-djun personali ta’ sieħeb jibqgħu personali. Min-naħa l-oħra, l-assi li ma jkunx ġie ppruvat li jkunu proprjetà ta’ sieħeb wieħed jew ieħor jitqiesu bħala proprjetà konġunta, nofs ta’ wieħed u nofs tal-ieħor.

Jekk is-sħab kienu għażlu reġim miftiehem ta’ proprjetà konġunta ta’ proprjetà akkwistata wara, l-assi fi proprjetà konġunta jitqiesu li jappartjenu lil kull sieħeb, nofs ta’ wieħed u nofs tal-ieħor. Għalhekk, l-assi ta’ proprjetà konġunta jinqasmu nofs bin-nofs bejn is-sħab, soġġetti għall-assi li jibqgħu l-proprjetà ta’ kull wieħed minnhom (ara hawn fuq u l-Artikolu 515-5-2 tal-Kodiċi Ċivili).

Id-dispożizzjonijiet dwar l-allokazzjoni preferenzjali b’diviżjoni (l-Artikoli 831, 831-2, 832-3 u 832-4 tal-Kodiċi Ċivili) huma applikabbli bejn is-sħab.

10 X’inhuma l-proċedura u d-dokumenti jew l-informazzjoni tipikament meħtieġa għall-finijiet tar-reġistrazzjoni tal-proprjetà immobbli?

Fil-każ ta’ diviżjoni permezz ta’ ftehim bonarju ta’ proprjetà soġġetta għar-reġistrazzjoni tal-art (fi kliem ieħor proprjetà immobbli), l-att tal-likwidazzjoni u tad-diviżjoni jrid jiġi rċevut f’forma notarili.

L-Artikolu 710-1 tal-Kodiċi Ċivili jistabbilixxi li “sabiex jirriżultaw il-formalitajiet ta’ reġistrazzjoni tal-art, kull att jew dritt irid ikun ibbażat fuq att notarili li jkun irċieva nutar li jipprattika fi Franza, deċiżjoni tal-qorti jew strument awtentiku minn awtorità amministrattiva”.

L-aħħar aġġornament: 09/03/2022

Il-verzjoni bil-lingwa nazzjonali ta’ din il-paġna tinżamm mill-punt ta’ kuntatt tan-NĠE rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. La l-NĠE u lanqas il-Kummissjoni Ewropea ma jaċċettaw ebda responsabbiltà fir-rigward ta' kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Il-Konsegwenzi Patrimonjali ta’ Sħubijiet Irreġistrati - Malta

1 Hemm forom differenti ta’ “sħubijiet irreġistrati” f’dan l-Istat Membru? Spjega d-differenzi bejn il-forom differenti?

Il- forma ta` “sħubija irreġistrata” kontemplata f`Malta hija dik ta` “unjoni ċivili” skont l-Att dwar L-Unjonijiet Ċivili – Kap 530 tal-Liġijiet ta` Malta. Ir-reġistrazzjoni ta’ sħubija bħala unjoni ċivili hi permessa bejn żewġ persuni tal-istess sess jew ta’ sess differenti. Unjoni ċivili, ladarba tkun reġistrata, għandha l-effetti u l-konsegwenzi kollha li jikkorrispondu fil-liġi ta’ żwieġ ċivili. Sħab f`unjoni ċivili ċċelebrata qabel id-dħul fis-seħħ tal-Att tal-2017 li jemenda l-Att dwar iż-Żwieġ u Liġijiet oħrajn jistgħu fi żmien ħames snin mill-1 ta’ Settembru 2017 jikkonvertu l-unjoni ċivili tagħhom fi żwieġ. Meta unjoni ċivili tiġi kkonvertita fi żwieġ, l-unjoni ċivili tintemm mal-konverżjoni, u ż-żwieġ li jirriżulta jitqies li ilu jeżisti mid-data ta’ meta l-unjoni ċivili tkun ġiet kostitwita.

2 Hemm reġim ta’ proprjetà statutorju għas-sħubijiet irreġistrati f’dan l-Istat Membru? X’jipprevedi? Għal liema forom ta’ “sħubija rreġistrata” japplika?

Illi ġialadarba unjoni ċivili u żwieġ ċivili għandhom l-istess effetti legali anke r-reġim ta` proprjetà huwa l-istess. L-Istat Malti jofri lil partijiet li jkunu jridu jikkuntrattaw unjoni ċivili taħt il-leġislazzjoni Maltija, il-liberta’ li jagħżlu huma dak ir-reġim li għandha tirregola l-proprjeta’ tagħhom. Madanakollu, ir-reġim tal-proprjetà matrimonjali ewlieni ġewwa Malta huwa dak tal-Komunjoni tal-Akkwisti.

Dan ir-reġim jopera b’operazzjoni tal-liġi f’kull unjoni, salv jekk il-partijiet li jkunu diġa’ kkuntrattaw jew li għadhom ser jikkuntrattaw jagħżlu illi l-proprjetà matrimonjali tagħhom għandha tiġi regolata b’reġim ieħor li ma jmurx kontra l-ispirtu tal-liġi Maltija. Tali regim ieħor irid jiġi krejat permezz ta’ kuntratt pubbliku.

Tipi ta’ reġimi oħra li jirregolaw il-proprjeta’ matrimonjali li jeżistu ġewwa Malta li japplikaw ukoll għal-unjonijiet ċivili huma s-Separazzjoni tal-Beni u l-Komunjoni ta’ Residwu taħt Amministrazzjoni Separata.

Il-Komunjoni tal-Akkwisti bħala r-reġim tal-proprjetà matrimonjali statutorju ġewwa Malta, jipprovdi illi dak kollu li jiġi akkwistat mill-partijiet wara s-sħubija, ikun jifforma parti minn din il-Komunjoni tal-Akkwisti u għaldaqstant ikun jappartjeni liż-żewġ partijiet f’ishma ndaqs. Il-liġi Maltija tipprovdi speċifikament dak li għandu jifforma parti mill-Komunjoni tal-Akkwisti, b’esklużjoni għal donazzjonijiet, wirt u proprjeta’ parafernali ta’ kull parti.

Is-Separazzjoni tal-Beni bħala reġim ieħor li l-partijiet jistgħu jagħżlu minnflok ir-reġim tal-Komunjoni tal-Akkwisti, jipprovdi illi kull parti għandha d-dritt illi jkollha l-kontroll assolut u tamministra dawk il-ħwejjeġ li hija tkun akwistat qabel u wara l-unjoni, u dan mingħajr il-kunsens tal-parti l-oħra.

Il-Komunjoni ta’ Residwu taħt Aministrazzjoni Separata bħala reġim ieħor li l-partijiet jistgħu jagħżlu minnflok ir-reġim tal-Komunjoni tal-Akkwisti, jipprovdi illi kull parti fis-shubija għandha d-dritt li takkwista, żżomm u tamministra dawk il-ħwejjeġ li hija tkun akkwistat f’isimha daqslikieku hija kienet is-sid esklussiv tal-istess ħwejjeġ. Madanakollu permezz ta’ dan ir-reġim, il-partijiet ma humiex preklużi milli jiksbu beni flimkien, liema beni għandhom ikunu amminisrati b’mod konġunt mill-partijiet.

3 Is-sħab, kif jistgħu jirregolaw ir-reġim tal-proprjetà tagħhom? X’inhuma r-rekwiżiti formali f’dan il-każ?

Fir-rigward tar-reġim tal-Komunjoni tal-Akkwisti, ir-regola ġenerali hi li ż-żewġ partijiet għandhom l-obbligu li jirregolaw u jamministraw l-proprjetà matrimonjali tagħhom flimkien. Madanakollu, l-liġi Maltija fir-rigward ta’ dan ir-reġim partikolari tiddistingwi bejn amministrazzjoni ordinarja, ċjoe’ dawk l-atti li jmissu lil waħda mill-partijiet fis-sħubija, u amministrazzjoni straordinarja, ċjoe’ dawk l-atti li jmissu liż-żewġ partijiet flimkien. Il-liġi Maltija telenka biss dawk l-atti ta’ amministrazzjoni straordinarja, b’hekk dak li ma huwiex espressament imniżżel fil-liġi, għandu jkun ikkunsidrat li jikkostitwixxi att ta’ amministrazzjoni ordinarja. Għaldaqstant bħala rekwiżit formali li għandu dejjem jiġi onorat sabiex jiġi regolat ir-reġim tal-Komunjoni tal-Akkwisti huwa dak tal-kunsens taż-żewġ partijiet fis-sħubija. F’każ li l-kunsens tal-partijiet ma jkunx ingħata sabiex isir att rigward trafseriment jew ħolqien ta’ jedd reali jew personali fuq proprjeta’ immobbli jew mobbli, l-att jista’ jiġi annullat fuq it-talba tal-parti li ma tkunx tagħat il-kunsens tagħha.

Fir-rigward tar-reġim ta’ Separazzjoni ta’ Beni, ir-regola ġenerali hi kull parti fis-sħubija għandha d-dritt li tirregola u tamministra l-proprjeta’ li jkollha fuq isimha mingħajr ebda kunsens tal-parti l-oħra.

Fir-rigward tar-reġim tal-Komunjoni ta’ Residwu taħt Amministrazzjoni Separata, ir-regola ġenerali hi li meta parti fis-sħubija tagħżel li tagħmel akkwist waħedha, dan isir mingħajr ma jinkiseb il-kunsens mill-parti l-oħra, u l-parti li tkun għamlet l-akkwist ikollha d-dritt li tirregola u tamministra l-imsemmi akkwist waħedha. Filwaqt li meta ż-żewġ partijiet fis-sħubija jagħmlu akkwist flimkien, il-kunsens tat-tnejn ikun ingħata u għaldaqstant għandhom id-dritt li jirregolaw u jamministraw l-imsemmi akkwist flimkien.

4 Hemm restrizzjonijiet fuq il-libertà ta’ kif jiġi rregolat reġim tal-proprjetà?

Meta jkun qiegħed jiġi operat ir-reġim tal-Komunjoni tal-Akkwisti, il-partijiet fis-sħubija għandhom l-obbligu li jagħmlu kollox flimkien. Għaldaqtsant ma għandhom l-ebda liberta’ kif jirregolaw u jamministraw, għajr għal dawk l-atti ta’ amministrazzjoni ordinarja li ma jirrikjedux il-kunsens taż-żewġ partijiet.

Min-naħa l-oħra meta jkun qiegħed jiġi operat ir-reġim tas-Separazzjoni tal-Beni, kull parti fis-sħubija għandha l-libertà li tagħmel dak kollu li jidrilha xieraq bil-propjetà li jkollha fuq isimha mingħajr ebda indħil mill-parti l-oħra.

Fir-rigward tar-reġim tal-Komunjoni tar-Residwu taħt Amministrazzjoni Separata, f’każ li parti fis-sħubija tagħmel akkwist mingħajr il-kunsens tal-parti l-oħra, din għandha l-liberta’ li tirregola r-reġim mingħajr ebda restrizzjonijiet. Madanakollu, jekk isir akkwist f’isem iż-żewġ partijiet, dawn tal-aħħar ma jkollhom l-ebda libertà li jagħmlu li jridu iżda għandhom jaġixxu t-tnejn flimkien.

5 X’inhuma l-effetti legali tax-xoljiment jew l-annullament fuq il-konsegwenzi patrimonjali tas-sħubija rreġistrata?

Meta jkun qiegħed jiġi operat ir-reġim tal-Komunjoni tal-Akkwisti, il-liġi tistipula ċar illi dan ir-reġim jibda minn dakinhar taż-żwieġ u jispiċċa malli jmut wieħed mill-konjugi jew malli jinħall iż-żwieġ. Magħdud ma’ dan, il-liġi tkompli billi tistipula ukoll f’każ li jkun hemm firda legali tal-miżżewġin, jista’ jintalab il-qsim ġudizzjarju tal-beni tal-partijiet.

F’każ li jkun qiegħed jiġi operat ir-reġim tal-Komunjoni ta’ Residwu taħt Amministrazzjoni Separata, il-liġi tistipula illi din tispiċċa, fost oħrajn, meta jkun hemm ix-xoljiment taż-żwieġ u mas-separazzjoni legali tal-miżżewġin.

Madanakollu, f’każ li fiż-żwieġ ikun hemm fis-seħħ ir-reġim tas-Separazzjoni tal-Beni, kull parti fiż-żwieġ li jtemmu ż-żwieġ tagħhom, jinfirdu jew jannullaw iż-żwieġ tagħhom, jibqgħu jirregolaw u jamministraw l-akkwisti li huma jkunu għamlu huma f’isimhom.

Dan kollu japplika ukoll f`każ ta’ sħubijiet irreġistrati.

Għaldaqstant l-effetti tad-divorzju separazzjoni jew annullament fir-rigward tal-proprjeta’ matrimonjali, huwa li dak li jkun ġie akkwistat matul iz-zwieg jinqasam bejn il-partijiet b’mod amikevoli jew inkella permezz ta’ deċiżjoni tal-Qorti kompetenti.

6 X’inhuma l-effetti legali tal-mewt fuq il-konsegwenzi patrimonjali tas-sħubija rreġistrata?

Mal-mewt ta’ wieħed mill-partijiet, tapplika l-liġi tas-suċċessjoni  Maltija f`każ li Malta ikollha ġurisdizzjoni  u l-fattur ewlieni li għandu jittieħed in-konsiderazzjoni huwa jekk il-parti li tkun mietet tkunx mietet testata jew intestata.

7 Liema awtorità għandha l-kompetenza li tiddeċiedi f’każ relatat mal-konsegwenzi patrimonjali tas-sħubija rreġistrata?

L-Awtorità kompetenti sabiex tiddeċiedi kwistjonijiet marbutin mar-reġim tal-proprjetà matrimonjali hija l-Qorti Ċivili (Sezzjoni Familja).

8 X’inhuma l-effetti tal-konsegwenzi patrimonjali tas-sħubija rreġistrata fuq ir-relazzjonijiet legali bejn sieħeb u parti terza?

Mal-mument li reġim ta’ proprjetà matrimonjali jibda jopera mas-sħubija tal-partijiet, dan jagħti bidu għal relazzjoni legali bejn l-isħab u terzi persuni, meta dan ikun il-każ. Terzi persuni jkollhom id-dritt li jeżerċitaw il-jeddijiet legali tagħhom kontra l-isħab flimkien jew separatament, skont il-każ, ma’ min ikunu għamlu kuntratt jew id-dejn.

9 Deskrizzjoni qasira tal-proċedura għad-diviżjoni, inklużi l-partizzjoni, id-distribuzzjoni u l-likwidazzjoni, tal-proprjetà tas-sħubija rreġistrata f’dan l-Istat Membru.

Sabiex issir diviżjoni tal-proprjetà matrimonjali, normalment tali proċedura ssir fl-istadju li l-partijiet jkunu bdew proċeduri ta’ separazzjoni jew divorzju. Proċeduri ta’ dawn it-tip jirrikjedu li qabel ma’ l-partijiet ma jirrikorru quddiem il-Qorti kompetenti, huma għandhom jibdew il-proċess ta’ medjazzjoni fejn il-medjatur jipprova jirranġa s-sitwazzjoni bejn l-isħab.

Illi f’każ li l-medjazzjoni tkun ta’ suċċess, l-isħab ikunu jistgħu jisseparaw b’mod bonarju f’liema każ l-isħab jiftiehmu fuq id-drittijiet tagħhom reċiproċi, fuq id-drittijiet tagħhom fuq uliedhom u dwar id-diviżjoni tal-proprjetà matrimonjali, issir att pubbliku li jiġi skrutinizzat mill-Qorti kompetenti sabiex ikun aċċertat li nżamm bilanċ bejn id-drittijiet tal-isħab. Dan il-kuntratt wara li jiġi approvat mill-Qorti kompetenti jiġi insinwat u rreġistrat sabiex ikun effettiv għall-finijiet kollha tal-liġi, inkluż fir-rigward ta’ terzi persuni.

Illi jekk il-proċedura ta’ medjazzjoni ma tkunx ta’ suċċess u l-partijiet ma jaslux għall-arranġament bonarju, huma għandhom jibdew proċeduri appożiti quddiem il-Qorti kompetenti, fejn ssir talba fir-rigward tax-xoljiment tar-reġim tal-proprjetà matrimonjali sabiex b’hekk il-proprjetà matrimonjali tkun tista’ tiġi diviża bejn iż-żewġ partijiet. Wara li d-deċiżjoni tal-Qorti kompetenti tgħaddi in ġudikat, l-istess sentenza tiġi rreġistrata sabiex tkun effettiva għall-finijiet kollha tal-liġi, inkluż fir-rigward ta’ terzi persuni.

10 X’inhuma l-proċedura u d-dokumenti jew l-informazzjoni tipikament meħtieġa għall-finijiet tar-reġistrazzjoni tal-proprjetà immobbli?

Sabiex proprjetà immobbli tiġi reġistrata ġewwa Malta, in-Nutar Pubbliku li jkun għamel il-kuntratt tal-proprjetà immobbli, jippreżenta nota ta’ insinwa lir-Reġistru Pubbliku sabiex din tiġi insinwata. Mal-mument li jkun hemm in-nota tal-insinwa, il-proprjetà immobbli tkun ġiet irreġistrata u l-kuntratt ikollu saħħa fir-rigward tal-partijiet tal-kuntratt u kif ukoll fuq terzi persuni.

L-aħħar aġġornament: 15/11/2019

Il-verzjoni bil-lingwa nazzjonali ta’ din il-paġna tinżamm mill-punt ta’ kuntatt tan-NĠE rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. La l-NĠE u lanqas il-Kummissjoni Ewropea ma jaċċettaw ebda responsabbiltà fir-rigward ta' kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Il-Konsegwenzi Patrimonjali ta’ Sħubijiet Irreġistrati - Awstrija

1 Hemm forom differenti ta’ “sħubijiet irreġistrati” f’dan l-Istat Membru? Spjega d-differenzi bejn il-forom differenti?

Minbarra l-istituzzjoni taż-żwieġ, fl-Awstrija hemm ukoll l-istituzzjoni tas-sħubija reġistrata skont l-Att dwar is-Sħubijiet Reġistrati (Eingetragene Partnerschaft-Gesetz, EPG).

Fis-sentenza tagħha tal-4 ta’ Diċembru 2017, il-Qorti Kostituzzjonali aboliet ir-regolamenti differenti għall-koppji ta’ sess oppost u għall-koppji tal-istess sess. Mill-1 ta’ Jannar 2019, koppji tal-istess sess jistgħu jiżżewġu fl-Awstrija. Bl-istess mod, koppji tas-sess oppost issa jistgħu jidħlu fi sħubija reġistrata (li qabel kienet riżervata għall-koppji tal-istess sess).

Ir-regoli li jirregolaw is-sħubijiet reġistrati jvarjaw biss ftit mir-regoli għaż-żwiġijiet, pereżempju fir-rigward tal-età minima (18-il sena; iċ-“ċertifikat tal-ebda impediment għaż-żwieġ” mhuwiex meħtieġ mill-età ta’ 16-il sena) u fir-rigward tax-xoljiment (permess ladarba s-sħab ikunu ilhom separati għal tliet snin; għaż-żwiġijiet, huwa previst perjodu ta’ sitt snin f’każijiet eċċezzjonali).

2 Hemm reġim ta’ proprjetà statutorju għas-sħubijiet irreġistrati f’dan l-Istat Membru? X’jipprevedi? Għal liema forom ta’ “sħubija rreġistrata” japplika?

Bħal fil-każ taż-żwieġ, ir-reġim tal-proprjetà prestabbilit għas-sħubijiet reġistrati huwa s-separazzjoni tal-proprjetà (Gütertrennung) (it-Taqsima 1217(2) flimkien mat-Taqsima 1233 tal-Kodiċi Ċivili Awstrijak, Allgemeines Bürgerliches Gesetzbuch). Kull sieħeb reġistrat iżomm il-proprjetà li huwa jkun ġab fis-sħubija u huwa s-sid waħdieni tal-proprjetà li jakkwista. Kull sieħeb reġistrat huwa wkoll il-kreditur waħdieni għad-debituri tiegħu u d-debitur waħdieni għall-kredituri tiegħu.

3 Is-sħab, kif jistgħu jirregolaw ir-reġim tal-proprjetà tagħhom? X’inhuma r-rekwiżiti formali f’dan il-każ?

Is-sħab fi sħubija reġistrata jistgħu jirregolaw ir-reġim tal-proprjetà tagħhom permezz ta’ ftehim ta’ sħubija reġistrata bl-istess kundizzjonijiet bħall-koppji miżżewġa. Il-partijiet jistgħu jagħżlu reġim tal-proprjetà differenti minn dak prestabbilit, permezz ta’ ftehim kuntrattwali. Ftehimiet bħal dawn jirrikjedu att notarili sabiex ikunu validi (it-Taqsima 1 tal-Att dwar l-Atti Notarili, Notariatsaktsgesetz).

4 Hemm restrizzjonijiet fuq il-libertà ta’ kif jiġi rregolat reġim tal-proprjetà?

F’termini ta’ sustanza, ir-regoli huma l-istess bħal dawk li jirregolaw iż-żwieġ.

5 X’inhuma l-effetti legali tax-xoljiment jew l-annullament fuq il-konsegwenzi patrimonjali tas-sħubija rreġistrata?

F’termini ta’ sustanza, ir-regoli huma l-istess bħal dawk li jirregolaw iż-żwieġ (it-Taqsimiet 24 et seq. tal-Att dwar is-Sħubijiet Reġistrati).

6 X’inhuma l-effetti legali tal-mewt fuq il-konsegwenzi patrimonjali tas-sħubija rreġistrata?

F’termini ta’ sustanza, ir-regoli huma l-istess bħal dawk li jirregolaw iż-żwieġ (it-Taqsimiet 24 et seq. tal-Att dwar is-Sħubijiet Reġistrati).

7 Liema awtorità għandha l-kompetenza li tiddeċiedi f’każ relatat mal-konsegwenzi patrimonjali tas-sħubija rreġistrata?

F’termini ta’ sustanza, ir-regoli huma l-istess bħal dawk li jirregolaw iż-żwieġ.

8 X’inhuma l-effetti tal-konsegwenzi patrimonjali tas-sħubija rreġistrata fuq ir-relazzjonijiet legali bejn sieħeb u parti terza?

F’termini ta’ sustanza, ir-regoli huma l-istess bħal dawk li jirregolaw iż-żwieġ.

9 Deskrizzjoni qasira tal-proċedura għad-diviżjoni, inklużi l-partizzjoni, id-distribuzzjoni u l-likwidazzjoni, tal-proprjetà tas-sħubija rreġistrata f’dan l-Istat Membru.

F’termini ta’ sustanza, ir-regoli huma l-istess bħal dawk li jirregolaw iż-żwieġ.

10 X’inhuma l-proċedura u d-dokumenti jew l-informazzjoni tipikament meħtieġa għall-finijiet tar-reġistrazzjoni tal-proprjetà immobbli?

Applikazzjoni għad-dħul tad-dritt ta’ proprjetà fir-reġistru tal-artijiet trid tiġi ppreżentata lill-Qorti Distrettwali li fil-ġurisdizzjoni tagħha tkun tinsab il-proprjetà immobbli li tkun trid tiġi rreġistrata.

L-applikazzjoni trid tiġi ppreżentata bil-miktub u tkun iffirmata mill-applikant. Fil-prinċipju, il-firma ma għandhiex għalfejn tiġi ċċertifikata sakemm fl-applikazzjoni ma tkunx inkluża dikjarazzjoni ta’ reġistrazzjoni (Aufsandungserklärung).

L-applikazzjoni trid tkun akkumpanjata minn dokument pubbliku jew privat li jinkludi l-bażijiet legali għall-akkwist tal-proprjetà (eż. kuntratt ta’ xiri) u li jkollu l-firem iċċertifikati tal-partijiet. Minbarra d-dettalji eżatti tal-proprjetà, id-dokumenti privati jridu jinkludu dikjarazzjoni ta’ reġistrazzjoni (Aufsandungserklärung).

Id-dikjarazzjoni ta’ reġistrazzjoni hija dikjarazzjoni espliċita ta’ kunsens għar-reġistrazzjoni (dħul fir-reġistru tal-artijiet) mill-persuna li d-dritt tagħha jkun qed jiġi ristrett, gravat, annullat jew trasferit lil persuna oħra (il-bejjiegħ, fil-każ ta’ kuntratt ta’ xiri). Id-dikjarazzjoni ta’ reġistrazzjoni trid tkun iċċertifikata minn qorti jew nutar u ffirmata mill-parti kontraenti. Id-dikjarazzjoni ta’ reġistrazzjoni tista’ tiġi ppreżentata wkoll bħala parti mill-applikazzjoni għad-dħul tad-dritt ta’ proprjetà fir-reġistru tal-artijiet. F’dan il-każ, il-firem fuq l-applikazzjoni jridu jkunu ċċertifikati minn qorti jew nutar.

L-applikazzjoni trid tkun akkumpanjata wkoll minn ċertifikat ta’ konformità fiskali (steuerrechtliche Unbedenklichkeitsbescheinigung) f’konformità mat-Taqsima 160 tal-Kodiċi tat-Taxxa Federali (Bundesabgabeordnung). Iċ-ċertifikat jikkostitwixxi konferma mill-Awtorità tat-Taxxa li ma hemmx ostakoli għad-dħul tad-dritt ta’ proprjetà fir-reġistru tal-artijiet f’termini ta’ taxxi dovuti.

Jekk l-applikazzjoni titfassal minn avukat jew nutar, din trid tiġi ppreżentata b’mod elettroniku. F’dan il-każ, id-dokumenti mehmuża jridu jitqiegħdu f’arkivju elettroniku tad-dokumenti. Iċ-ċertifikat ta’ konformità fiskali mill-Awtorità tat-Taxxa mbagħad jista’ jiġi sostitwit minn dikjarazzjoni ta’ awtovalutazzjoni mfassla mill-avukat jew in-nutar.

L-aħħar aġġornament: 05/06/2023

Il-verzjoni bil-lingwa nazzjonali ta’ din il-paġna tinżamm mill-punt ta’ kuntatt tan-NĠE rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. La l-NĠE u lanqas il-Kummissjoni Ewropea ma jaċċettaw ebda responsabbiltà fir-rigward ta' kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Jekk jogħġbok innota li l-verżjoni bil-lingwa oriġinali ta' din il-paġna il-Portugiż ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.
Jekk jogħġbok innota li dawn il-lingwi li ġejjin: l-Ingliż diġà ġew tradotti.

Il-Konsegwenzi Patrimonjali ta’ Sħubijiet Irreġistrati - Portugall

1 Hemm forom differenti ta’ “sħubijiet irreġistrati” f’dan l-Istat Membru? Spjega d-differenzi bejn il-forom differenti?

Is-sistema legali Portugiża ma tipprevedix sħubijiet reġistrati.

Madankollu, il-Liġi Nru 7/2001 tistabbilixxi ċerti miżuri għall-protezzjoni ta’ sħubijiet mhux matrimonjali (uniões de facto). Dawn il-miżuri huma stabbiliti fl-Artikolu 3 tal-Liġi msemmija hawn fuq u jinkludu d-dritt li tintuża d-dar tal-familja u li tingħata allowance jekk imut wieħed mis-sħab fi sħubija mhux maritali. Barra minn hekk, l-Artikolu 2020 tal-Kodiċi Ċivili Portugiż (Código Civil) jipprevedi allowance għall-manteniment mill-assi tas-sieħeb deċedut jekk imut wieħed mis-sħab.

Il-verżjonijiet aġġornati tal-leġiżlazzjoni msemmija hawn fuq jistgħu jidhru bil-Portugiż fuq is-siti web li ġejjin:

Il-link jinfetaħ f'tieqa ġdidaLiġi 7/2001

Il-link jinfetaħ f'tieqa ġdidaIl-Kodiċi Ċivili Portugiż

Nota: Din l-iskeda informattiva fiha informazzjoni ġenerali; mhijiex eżawrjenti u ma għandha l-ebda effett vinkolanti fuq il-Punt ta’ Kuntatt, in-Netwerk Ġudizzjarju Ewropew f’Materji Ċivili u Kummerċjali, il-qrati jew kwalunkwe utent ieħor. Trid dejjem tiġi kkonsultata l-aktar verżjoni aġġornata tal-liġi applikabbli. Din l-informazzjoni mhijiex sostitut għat-teħid ta’ parir legali minn professjonist legali.

2 Hemm reġim ta’ proprjetà statutorju għas-sħubijiet irreġistrati f’dan l-Istat Membru? X’jipprevedi? Għal liema forom ta’ “sħubija rreġistrata” japplika?

It-tweġiba għal din il-mistoqsija hija determinata mit-tweġiba għall-mistoqsija 1.

3 Is-sħab, kif jistgħu jirregolaw ir-reġim tal-proprjetà tagħhom? X’inhuma r-rekwiżiti formali f’dan il-każ?

It-tweġiba għal din il-mistoqsija hija determinata mit-tweġiba għall-mistoqsija 1.

4 Hemm restrizzjonijiet fuq il-libertà ta’ kif jiġi rregolat reġim tal-proprjetà?

It-tweġiba għal din il-mistoqsija hija determinata mit-tweġiba għall-mistoqsija 1.

5 X’inhuma l-effetti legali tax-xoljiment jew l-annullament fuq il-konsegwenzi patrimonjali tas-sħubija rreġistrata?

It-tweġiba għal din il-mistoqsija hija determinata mit-tweġiba għall-mistoqsija 1.

6 X’inhuma l-effetti legali tal-mewt fuq il-konsegwenzi patrimonjali tas-sħubija rreġistrata?

It-tweġiba għal din il-mistoqsija hija determinata mit-tweġiba għall-mistoqsija 1.

7 Liema awtorità għandha l-kompetenza li tiddeċiedi f’każ relatat mal-konsegwenzi patrimonjali tas-sħubija rreġistrata?

It-tweġiba għal din il-mistoqsija hija determinata mit-tweġiba għall-mistoqsija 1.

8 X’inhuma l-effetti tal-konsegwenzi patrimonjali tas-sħubija rreġistrata fuq ir-relazzjonijiet legali bejn sieħeb u parti terza?

It-tweġiba għal din il-mistoqsija hija determinata mit-tweġiba għall-mistoqsija 1.

9 Deskrizzjoni qasira tal-proċedura għad-diviżjoni, inklużi l-partizzjoni, id-distribuzzjoni u l-likwidazzjoni, tal-proprjetà tas-sħubija rreġistrata f’dan l-Istat Membru

It-tweġiba għal din il-mistoqsija hija determinata mit-tweġiba għall-mistoqsija 1.

10 X’inhuma l-proċedura u d-dokumenti jew l-informazzjoni tipikament meħtieġa għall-finijiet tar-reġistrazzjoni tal-proprjetà immobbli?

It-tweġiba għal din il-mistoqsija hija determinata mit-tweġiba għall-mistoqsija 1.

L-aħħar aġġornament: 29/09/2023

Il-verzjoni bil-lingwa nazzjonali ta’ din il-paġna tinżamm mill-punt ta’ kuntatt tan-NĠE rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. La l-NĠE u lanqas il-Kummissjoni Ewropea ma jaċċettaw ebda responsabbiltà fir-rigward ta' kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Il-Konsegwenzi Patrimonjali ta’ Sħubijiet Irreġistrati - Slovenja

1 Hemm forom differenti ta’ “sħubijiet irreġistrati” f’dan l-Istat Membru? Spjega d-differenzi bejn il-forom differenti?

Is-sħubijiet reġistrati ma jiffurmawx parti mis-sistema legali Slovena.

2 Hemm reġim ta’ proprjetà statutorju għas-sħubijiet irreġistrati f’dan l-Istat Membru? X’jipprevedi? Għal liema forom ta’ “sħubija rreġistrata” japplika?

/

3 Is-sħab, kif jistgħu jirregolaw ir-reġim tal-proprjetà tagħhom? X’inhuma r-rekwiżiti formali f’dan il-każ?

/

4 Hemm restrizzjonijiet fuq il-libertà ta’ kif jiġi rregolat reġim tal-proprjetà?

/

5 X’inhuma l-effetti legali tax-xoljiment jew l-annullament fuq il-konsegwenzi patrimonjali tas-sħubija rreġistrata?

/

6 X’inhuma l-effetti legali tal-mewt fuq il-konsegwenzi patrimonjali tas-sħubija rreġistrata?

/

7 Liema awtorità għandha l-kompetenza li tiddeċiedi f’każ relatat mal-konsegwenzi patrimonjali tas-sħubija rreġistrata?

/

8 X’inhuma l-effetti tal-konsegwenzi patrimonjali tas-sħubija rreġistrata fuq ir-relazzjonijiet legali bejn sieħeb u parti terza?

/

9 Deskrizzjoni qasira tal-proċedura għad-diviżjoni, inklużi l-partizzjoni, id-distribuzzjoni u l-likwidazzjoni, tal-proprjetà tas-sħubija rreġistrata f’dan l-Istat Membru.

/

10 X’inhuma l-proċedura u d-dokumenti jew l-informazzjoni tipikament meħtieġa għall-finijiet tar-reġistrazzjoni tal-proprjetà immobbli?

/

L-aħħar aġġornament: 16/11/2023

Il-verzjoni bil-lingwa nazzjonali ta’ din il-paġna tinżamm mill-punt ta’ kuntatt tan-NĠE rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. La l-NĠE u lanqas il-Kummissjoni Ewropea ma jaċċettaw ebda responsabbiltà fir-rigward ta' kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Il-Konsegwenzi Patrimonjali ta’ Sħubijiet Irreġistrati - Finlandja

1 Hemm forom differenti ta’ “sħubijiet irreġistrati” f’dan l-Istat Membru? Spjega d-differenzi bejn il-forom differenti?

Fil-Finlandja hemm tip wieħed biss ta’ sħubija reġistrata. Persuni f’relazzjonijiet bejn l-istess sess setgħu jirreġistraw is-sħubijiet tagħhom sal-2017.

L-emendi fl-Att dwar iż-Żwieġ u fl-Att dwar is-Sħubijiet Reġistrati daħlu fis-seħħ fil-bidu ta’ Marzu 2017. Bħala konsegwenza ta’ dan, m’għadux possibbli li jiġu reġistrati sħubijiet fil-Finlandja, iżda l-persuni f’relazzjonijiet bejn l-istess sess jistgħu jiżżewġu.

Il-koppji fi sħubijiet reġistrati jistgħu, jekk ikunu jixtiequ dan, jaqilbu s-sħubija tagħhom fi żwieġ jekk is-sħubija tkun ġiet irreġistrata fil-Finlandja. Madankollu, ma hemm l-ebda obbligu biex is-sħubijiet reġistrati jinqalbu fi żwiġijiet, u jekk ikunu jixtiequ, il-koppji jistgħu jibqgħu fi sħubija reġistrata.

2 Hemm reġim ta’ proprjetà statutorju għas-sħubijiet irreġistrati f’dan l-Istat Membru? X’jipprevedi? Għal liema forom ta’ “sħubija rreġistrata” japplika?

Għar-reġimi tal-proprjetà tas-sħubijiet reġistrati japplikaw l-istess dispożizzjonijiet bħal dawk taż-żwieġ.

3 Is-sħab, kif jistgħu jirregolaw ir-reġim tal-proprjetà tagħhom? X’inhuma r-rekwiżiti formali f’dan il-każ?

Is-sħab fi sħubijiet reġistrati jistgħu jikkonkludu ftehim dwar il-proprjetà matrimonjali qabel ir-reġistrazzjoni tas-sħubija jew matul is-sħubija reġistrata. Il-konverżjoni ta’ sħubija reġistrata fi żwieġ ma taffettwax il-validità ta’ ftehim dwar il-proprjetà matrimonjali konkluż qabel ir-reġistrazzjoni tas-sħubija jew matul is-sħubija reġistrata.

4 Hemm restrizzjonijiet fuq il-libertà ta’ kif jiġi rregolat reġim tal-proprjetà?

Għar-reġimi tal-proprjetà tas-sħubijiet reġistrati japplikaw l-istess dispożizzjonijiet bħal dawk taż-żwieġ.

5 X’inhuma l-effetti legali tax-xoljiment jew l-annullament fuq il-konsegwenzi patrimonjali tas-sħubija rreġistrata?

Id-diviżjoni tal-proprjetà li tirriżulta mix-xoljiment ta’ sħubija reġistrata tiġi ttrattata bl-istess mod bħad-diviżjoni tal-proprjetà li tirriżulta minn divorzju.

Id-diviżjoni jew il-qsim tal-proprjetà jistgħu jsiru matul il-perjodu biex wieħed jaħsibha għax-xoljiment tas-sħubija reġistrata, malli l-każ jitressaq quddiem il-Qorti Distrettwali. Kwalunkwe wieħed mis-sħab fi sħubija reġistrata jista’ jitlob li ssir id-diviżjoni tal-proprjetà.

6 X’inhuma l-effetti legali tal-mewt fuq il-konsegwenzi patrimonjali tas-sħubija rreġistrata?

Id-diviżjonijiet fil-każ tal-mewt ta’ wieħed mis-sħab jiġu ttrattati bl-istess mod bħal fil-każ tal-mewt ta’ konjuġi, u s-sieħeb superstiti jkollu l-istess drittijiet bħal konjuġi armel/armla.

7 Liema awtorità għandha l-kompetenza li tiddeċiedi f’każ relatat mal-konsegwenzi patrimonjali tas-sħubija rreġistrata?

Fil-Finlandja, l-awtoritajiet ma jibdewx proċedimenti fuq inizjattiva proprja tagħhom. Jekk il-partijiet ma jaslux għal ftehim dwar id-diviżjoni, il-Qorti Distrettwali [Käräjäoikeus] taħtar, wara rikors, eżekutur biex jaqsam l-assi.

8 X’inhuma l-effetti tal-konsegwenzi patrimonjali tas-sħubija rreġistrata fuq ir-relazzjonijiet legali bejn sieħeb u parti terza?

L-effetti tar-reġimi tal-proprjetà ta’ sħubija reġistrata fuq ir-relazzjonijiet legali bejn sieħeb u parti terza huma l-istess bħar-reġimi tal-proprjetà ta’ żwieġ fuq tali relazzjonijiet legali.

9 Deskrizzjoni qasira tal-proċedura għad-diviżjoni, inklużi l-partizzjoni, id-distribuzzjoni u l-likwidazzjoni, tal-proprjetà tas-sħubija rreġistrata f’dan l-Istat Membru.

Id-diviżjonijiet li jitwettqu wara x-xoljiment ta’ sħubija reġistrata jieħdu l-istess forma bħal dawk li jitwettqu wara x-xoljiment ta’ żwieġ.

10 X’inhuma l-proċedura u d-dokumenti jew l-informazzjoni tipikament meħtieġa għall-finijiet tar-reġistrazzjoni tal-proprjetà immobbli?

Is-sjieda ta’ proprjetà tiġi rreġistrata permezz ta’ applikazzjoni għar-reġistrazzjoni tat-titolu. Ir-reġistrazzjoni tat-titolu tiddaħħal fir-reġistru pubbliku tat-titoli u l-ipoteki. Wara dan, is-sid jidher fuq iċ-ċertifikat tat-titolu.

Jekk is-sjieda ta’ proprjetà tinbidel minħabba d-diviżjoni jew il-qsim tagħha, il-kopja oriġinali tal-ftehim għad-diviżjoni jew il-qsim tal-proprjetà, spjegazzjoni tar-raġunijiet għad-diviżjoni (bħal notifika mill-Qorti Distrettwali li jkun tressaq quddiemha każ li jinvolvi x-xoljiment tas-sħubija), u kwalunkwe riċevuta ta’ ħlas tat-taxxa fuq it-trasferiment, iridu jintbagħtu lill-Istħarriġ Nazzjonali dwar l-Artijiet tal-Finlandja [Maanmittauslaitos] għall-iskopijiet ta' applikazzjoni għar-reġistrazzjoni tat-titolu.

Il-perjodu għar-reġistrazzjoni ta’ titolu ta’ proprjetà diviża minħabba x-xoljiment ta’ sħubija reġistrata jibda meta d-diviżjoni tidħol fis-seħħ. Il-perjodu ta’ reġistrazzjoni huwa ta’ sitt xhur.

L-aħħar aġġornament: 15/02/2024

Il-verzjoni bil-lingwa nazzjonali ta’ din il-paġna tinżamm mill-punt ta’ kuntatt tan-NĠE rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. La l-NĠE u lanqas il-Kummissjoni Ewropea ma jaċċettaw ebda responsabbiltà fir-rigward ta' kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Il-Konsegwenzi Patrimonjali ta’ Sħubijiet Irreġistrati - Svezja

1 Hemm forom differenti ta’ “sħubijiet irreġistrati” f’dan l-Istat Membru? Spjega d-differenzi bejn il-forom differenti?

Le, hemm forma waħda biss ta’ sħubija reġistrata – għall-koppji tal-istess sess. Madankollu, il-possibbiltà li jiġu rreġistrati s-sħubijiet ġiet abolita fl-2009, wara emendi fil-Kodiċi taż-Żwieġ Żvediż li jippermettu lill-koppji tal-istess sess jiżżewġu bl-istess kundizzjonijiet bħall-koppji ta’ sess differenti. Id-dispożizzjonijiet tal-Kodiċi taż-Żwieġ japplikaw bl-istess mod għall-koppji tal-istess sess u għall-koppji ta’ sess differenti. Iżda s-sħubijiet irreġistrati qabel l-2009 jibqgħu validi sakemm jiġu xolti mill-partijiet jew, fuq talba tal-partijiet, jinqalbu fi żwieġ.

2 Hemm reġim ta’ proprjetà statutorju għas-sħubijiet irreġistrati f’dan l-Istat Membru? X’jipprevedi? Għal liema forom ta’ “sħubija rreġistrata” japplika?

Japplikaw l-istess regoli għas-sħubijiet reġistrati bħal fil-każ tal-koppji miżżewġa.

3 Is-sħab, kif jistgħu jirregolaw ir-reġim tal-proprjetà tagħhom? X’inhuma r-rekwiżiti formali f’dan il-każ?

Japplikaw l-istess regoli għas-sħubijiet reġistrati bħal fil-każ tal-koppji miżżewġa.

4 Hemm restrizzjonijiet fuq il-libertà ta’ kif jiġi rregolat reġim tal-proprjetà?

Japplikaw l-istess regoli għas-sħubijiet reġistrati bħal fil-każ tal-koppji miżżewġa.

5 X’inhuma l-effetti legali tax-xoljiment jew l-annullament fuq il-konsegwenzi patrimonjali tas-sħubija rreġistrata?

Japplikaw l-istess regoli għas-sħubijiet reġistrati bħal fil-każ tal-koppji miżżewġa.

6 X’inhuma l-effetti legali tal-mewt fuq il-konsegwenzi patrimonjali tas-sħubija rreġistrata?

Japplikaw l-istess regoli għas-sħubijiet reġistrati bħal fil-każ tal-koppji miżżewġa.

7 Liema awtorità għandha l-kompetenza li tiddeċiedi f’każ relatat mal-konsegwenzi patrimonjali tas-sħubija rreġistrata?

Japplikaw l-istess regoli għas-sħubijiet reġistrati bħal fil-każ tal-koppji miżżewġa.

8 X’inhuma l-effetti tal-konsegwenzi patrimonjali tas-sħubija rreġistrata fuq ir-relazzjonijiet legali bejn sieħeb u parti terza?

Japplikaw l-istess regoli għas-sħubijiet reġistrati bħal fil-każ tal-koppji miżżewġa.

9 Deskrizzjoni qasira tal-proċedura għad-diviżjoni, inklużi l-partizzjoni, id-distribuzzjoni u l-likwidazzjoni, tal-proprjetà tas-sħubija rreġistrata f’dan l-Istat Membru.

Japplikaw l-istess regoli għas-sħubijiet reġistrati bħal fil-każ tal-koppji miżżewġa.

10 X’inhuma l-proċedura u d-dokumenti jew l-informazzjoni tipikament meħtieġa għall-finijiet tar-reġistrazzjoni tal-proprjetà immobbli?

Japplikaw l-istess regoli għas-sħubijiet reġistrati bħal fil-każ tal-koppji miżżewġa.

L-aħħar aġġornament: 06/11/2020

Il-verzjoni bil-lingwa nazzjonali ta’ din il-paġna tinżamm mill-punt ta’ kuntatt tan-NĠE rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. La l-NĠE u lanqas il-Kummissjoni Ewropea ma jaċċettaw ebda responsabbiltà fir-rigward ta' kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.