Sadržaj omogućio
Švedska
L-Artikolu 29(1)(a) - Qrati b’ġurisdizzjoni
Rikorsi għall-ordni ta’ pagament Ewropew ippreżentati fl-Iżvezja jiġu eżaminati mill-Amministrazzjoni tal-Eżekuzzjoni Żvediża (Kronofogdemyndigheten) (l-Artikolu 2 tal-Att dwar il-proċedura Ewropea għall-ordni ta’ pagament).
L-Artikolu 29(1)(b) - Proċedura ta' reviżjoni
Ir-rikorsi għar-reviżjoni jiġu eżaminati mill-qorti tal-appell (hovrätt) (Artikolu 13 tal-Att dwar il-proċedura Ewropea għall-ordni ta’ pagament). Jekk rikors jintlaqa', il-qorti tal-appell tiddeċiedi fl-istess ħin li jsir irrivalutar mill-Amministrazzjoni tal-Eżekuzzjoni Żvediża.
Għal aktar informazzjoni dwar dawn il-kwistjonjiet, jekk jogħġbok ikkuntattja l-Amministrazzjoni tal-Eżekuzzjoni Żvediża (https://www.kronofogden.se/du-har-ett-krav-mot-nagon/du-vill-fa-ditt-krav-faststallt/du-vill-fa-betalt-fran-nagon-i-annat-eu-land)
L-Artikolu 29(1)(c) - Mezzi ta' komunikazzjoni
Ir-rikorsi għall-proċedura Ewropea għall-ordni ta’ pagament għandhom bħala prinċipju jiġu ppreżentati bil-miktub. L-Amministrazzjoni tal-Eżekuzzjoni Żvediża tista' tiddeċiedi li r-rikorsi jiġu magħmula permezz ta' mezz li jippermetti l-użu tal-ipproċessar awtomatiku tal-informazzjoni (l-Artikolu 4 tar Regolament dwar proċedura Ewropea għall-ordni ta’ pagament).
L-Artikolu 29(1)(d) - Lingwi aċċettati
Fl-Iżvezja, fir-rikorsi tal-eżekuzzjoni għal proċedura Ewropea għall-ordni ta’ pagament li jiġu ddikjarati eżegwibblifi Stat Membru ieħor, l-ordni għall-pagament għandu jiġi tradott fl-Isvediż jew fl-Ingliż (l-Artikolu 10 tar-Regolament dwar dwar proċedura Ewropea għall-ordni ta’ pagament).
L-aħħar aġġornament:
07/03/2022
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.