Il-kontenut ipprovdut minn
Latvja
KONTENUT TAL-PAĠNA
Sib informazzjoni għal kull reġjun
X’joffri r-reġistru tal-insolvenza Latvjan?
Ir-reġistru tal-insolvenza Latvjan jipprovdi informazzjoni dwar:
- amministraturi;
- proċedimenti ta’ insolvenza fir-rigward ta’ persuni fiżiċi u ġuridiċi;
- proċedimenti ta’ protezzjoni legali;
- proċedimenti mhux ġudizzjarji ta’ protezzjoni legali;
Ir-reġistru tal-insolvenza huwa aċċessibbli għal kulħadd u l-entrati fir-reġistru huma affidabbli. Huwa jaqa’ taħt l-awtorità tar-Reġistru tal-Intrapriżi tar-Repubblika tal-Latvja.
L-aċċess għar-reġistru tal-insolvenza Latvjan huwa mingħajr ħlas?
Iva, l-informazzjoni fir-reġistru tal-insolvenza Latvjan tista’ tiġi aċċessata mingħajr ħlas, iżda titħallas tariffa jekk membru tal-pubbliku jixtieq jirċievi informazzjoni fil-forma ta’ dokument.
Biex tirċievi mir-Reġistru tal-Intrapriżi dikjarazzjoni jew dokument ieħor li fih il-kodiċi ta’ identifikazzjoni personali ta’ debitur (persuna fiżika) jew amministratur, ikkuntattja r-Reġistru tal-Intrapriżi mat-talba tiegħek għal informazzjoni jew applika b’mod elettroniku permezz tal-portal Latvija.lv.
Kif tfittex fir-reġistru tal-insolvenza Latvjan
Amministraturi
Din it-taqsima fiha informazzjoni dwar l-amministraturi, jiġifieri:
- isem;
- kunjom;
- l-indirizz tal-uffiċċju u l-informazzjoni ta’ kuntatt;
- in-numru taċ-ċertifikat;
- id-data tal-iskadenza taċ-ċertifikat.
Informazzjoni dwar l-amministraturi li ċ-ċertifikati tagħhom ikunu skadew hija disponibbli mir-rekords storiċi taħt Vēsturiskie dati. Il-link “Izzaņa” tagħti aċċess għall-informazzjoni kollha li ġiet irreġistrata fir-reġistru tal-insolvenza Latvjan fuq kull amministratur individwali.
Tfittxija
Biex tfittex informazzjoni fir-reġistru tal-insolvenza dwar suġġett partikolari (persuna fiżika jew ġuridika), uża t-taqsima Meklēt. L-informazzjoni tista’ tiġi ffiltrata skont il-kriterji li ġejjin:
- in-numru ta’ reġistrazzjoni tad-debitur (għall-persuni ġuridiċi) jew in-numru ta’ identità (għall-persuni fiżiċi);
- l-isem jew it-titolu tad-debitur;
- il-perjodu meta nbeda l-proċediment;
- it-tip ta’ proċediment (proċediment ta’ insolvenza, proċediment ta’ protezzjoni legali, proċediment ta’ protezzjoni legali barra l-qorti);
- in-natura tal-proċediment (lokali, transkonfinali primarja, transkonfinali sekondarja).
- status ta’ proċediment (proċedimenti għaddejjin, proċedimenti kompluti, il-proċedimenti kollha).
Ir-riżultati tat-tiftix jintwerew b’link għal “Referenza tar-Reġistru tal-Intrapriżi” (“Uzņēmumu reģistra izziņa”), fejn tkun disponibbli l-informazzjoni kollha fir-reġistru tal-insolvenza dwar suġġett partikolari, inklużi dokumenti skennjati li jkun fihom avviżi tal-amministraturi dwar laqgħat tal-kredituri, l-aġenda tal-laqgħat tal-kredituri u n-notifiki lill-kredituri.
Ġurnal
Biex tara r-rekords imdaħħla fir-reġistru tal-insolvenza f’data speċifika, uża t-taqsima Žurnāls. Awtomatikament, ir-rekords murija huma dawk tal-ġurnata attwali. Uża l-kalendarju biex tara r-rekords irreġistrati f’dati oħra jew uża s-subtaqsima Mēneša žurnāls biex tiffiltra r-rekords skont ix-xahar. Kull reġistrazzjoni fiha link — ir-“Reġistru tal-Intrapriżi ta’ referenza” (“Uzņēmumu reģistra izziņu”) — għal informazzjoni dettaljata dwar proċeduri partikolari ta’ insolvenza.
Statistika
Din it-taqsima fiha diversi informazzjoni statistika relatata mal-proċedimenti ta’ insolvenza u ta’ protezzjoni legali, segwita minn link għal “Referenza tar-Reġistru tal-Intrapriżi” (“Izziņa”), fejn hija disponibbli l-informazzjoni kollha li tinsab fir-reġistru tal-insolvenza dwar suġġett partikolari.
L-Istorja tar-reġistru tal-insolvenza Latvjan
L-informazzjoni miżmuma fir-reġistru tmur lura għall-1 ta’ Jannar 2008.
Links
Informazzjoni addizzjonali dwar ir-reġistru tal-insolvenza Latvjan
L-aħħar aġġornament:
04/10/2021
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.