Land registers in EU countries

Land registries in the Member States offer a wide range of services, which may vary from one country to another.

However, the core services provided by all registries are to register, examine and store land and property information, such as location and ownership, and to make this information available to the public and professional customers.

Please select the relevant country's flag to obtain detailed national information.

Last update: 17/11/2021

This page is maintained by the European Commission. The information on this page does not necessarily reflect the official position of the European Commission. The Commission accepts no responsibility or liability whatsoever with regard to any information or data contained or referred to in this document. Please refer to the legal notice with regard to copyright rules for European pages.

Jekk jogħġbok innota li l-verżjoni bil-lingwa oriġinali ta' din il-paġna il-Franċiż ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.
Jekk jogħġbok innota li dawn il-lingwi li ġejjin: l-Olandiż diġà ġew tradotti.

Reġistri tal-artijiet fil-pajjiżi tal-UE - Belġju

Din it-taqsima tagħtik deskrizzjoni ġenerali tar-reġistru tal-artijiet Belġjan.

X'għandu x'joffri r-reġistru tal-artijiet Belġjan?

L-informazzjoni dwar proprjetà immobbli fil-Belġju tinsab fid-dokumentazzjoni miżmuma minn uffiċċji ta’ tliet tipi: ir-reġistru tal-artijiet imsejjaħ (kadaster/cadastre), l-uffiċċji tar-reġistrazzjoni (registratiekantoren/bureaux de l’enregistrement) u d-depożitarju tal-ipoteki (hypotheekbewaringen/conservations d’hypothèques). Dawn it-tliet sorsi ta' informazzjoni ġew miġbura flimkien fiċ-ċentru tad-dokumentazzjoni nazzjonali tal-proprjetà tal-Ministeru Federali tal-Finanzi (Algemene Administratie van de Patrimoniumdocumentatie/Administration Générale de la Documentation Patrimoniale).

Il-kompiti tar-reġistru tal-artijiet proprja u tal-uffiċċji tar-reġistrazzjoni prinċipalment, iżda mhux esklussivament, huma relatati mat-taxxa. Id-depożitarji tal-ipoteki huma responsabbli għar-reġistrar tad-drittijiet tal-proprejtà in rem: il-ħolqien u t-trasferiment inter vivos ta' drittijiet in rem fuq proprjetà immobbli għandhom jiġu rreġistrati fid-depożitarju tal-ipoteki sabiex ikun inforzabbli kontra partijiet terzi li jaġixxu b'bona fidi.

L-aċċess għar-reġistru tal-artijiet Belġjan huwa mingħajr ħlas?

Le, hemm ħlas li jrid isir sabiex jinkiseb tagħrif mid-dokumentazzjoni fir-reġistru tal-artijiet, l-uffiċċji tar-reġistrazzjoni u d-depożitarju tal-ipoteki. L-ammont ivarja skont it-tip ta’ dokumentazzjoni kkonsultata u l-informazzjoni mitluba.

Kif tagħmel tiftixa fir-reġistru tal-artijiet Belġjani

B'mod ġenerali, l-informazzjoni dwar proprjetà immobbli u/jew id-detenturi tad-drittijiet in rem fuq proprjetà immobbli jistgħu jinstabu jew billi tidentifika proprjetà (l-indirizz u/jew in-numru ta' identifikazzjoni fir-reġistru tal-artijiet) jew billi jidentifika d-detentur tad-drittijiet in rem (isem u/jew numru tal-identità).

Iċ-ċentru ta' dokumentazzjoni tal-proprjetà nazzjonali kkonkluda ftehimiet ma’ ċerti gruppi professjonali (bħal nutara, servejers u aġenti immobiljari) dwar il-konsultazzjoni onlajn ta' ċerta dejta fid-dokumentazzjoni tar-reġistru tal-artijiet.

L-istorja tar-reġistru tal-artijiet Belġjan

Id-dokumentazzjoni miżmuma mir-reġistru tal-art, l-uffiċċji tar-reġistrazzjoni u d-depożitarju tal-ipoteki inżammu minn qabel il-fondazzjoni tal-istat Belġjan.

L-istorja mhix xi ħaġa statika: pjan biex jiġu integrati tliet sorsi tad-dejta f'post wieħed kważi wasal biex jitlesta u għandu jiġi implimentat fil-futur qrib.

L-aħħar aġġornament: 07/08/2019

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.
Jekk jogħġbok innota li dawn il-lingwi li ġejjin: il-Bulgaru diġà ġew tradotti.

Reġistri tal-artijiet fil-pajjiżi tal-UE - Bulgarija

Din it-taqsima tipprovdilek ħarsa ġenerali lejn ir-reġistru tal-proprjetà tal-Bulgarija.

X'joffri r-reġistru Bulgaru tal-proprjetà?

Ir-Il-link jinfetaħ f'tieqa ġdidareġistru Bulgaru tal-proprjetà jappartjeni u huwa ġestit mill-Il-link jinfetaħ f'tieqa ġdidaAġenzija dwar ir-Reġistru , fi ħdan il-qafas ta' dik magħrufa bħala s-'sistema personali ta' reġistru ta' informazzjoni'.  L-informazzjoni hija bbażata fuq il-fajls personali tal-partijiet li jagħmlu t-transazzjoni, jiġifieri l-individwi u l-persuni ġuridiċi. It-transazzjonijiet u d-dokumenti legali biss jiddaħħlu fir-reġistru.

Mill-iżvilupp u l-introduzzjoni tas-Sistema Integrata ta' Informazzjoni għall-Kadast u r-Reġistrazzjoni ta' Proprjetà (IKAR), l-informazzjoni kollha li tiddaħħal hija disponibbli pubblikament fuq is-sit elettroniku tal-Il-link jinfetaħ f'tieqa ġdidaAġenżija dwar ir-Reġistru tal-Artijiet.

Is-sistema IKAR tikkonsisti f'żewġ taqsimiet:

  1. Taqsima ta' amministrazzjoni, li hija disponibbli biss għall-użu ta' servizz
  2. Taqsima għall-klijent, li hija disponibbli biss għall-użu tal-klijent

Is-sistema IKAR toffri kemm informazzjoni semantika kif ukoll grafika, speċjalment f'każijiet fejn huma disponibbli mapep kadastrali diġitalizzati.

Is-sit elettroniku tar-Il-link jinfetaħ f'tieqa ġdidaReġistru Bulgaru tal-proprjetà  jipprovdi:

  • Informazzjoni dwar transazzjonijiet imdaħħla
  • Aċċess għal data dwar proprjetà immobbli u data dwar drittijiet rigward il-proprjetà
  • L-ordni sekwenzjali ta' dawn id-drittijiet

Huwa joffri wkoll it-tipi ta' servizz pubbliku li ġejjin:

  • Verifiki (referenzi)
  • Ċertifikati
  • Kopja ta' leġislazzjoni

Is-servizzi msemmija hawn fuq jagħtuk informazzjoni dwar:

  • Id-data tad-dħul
  • L-izvelar tal-att
  • Il-partijiet ikkonċernati
  • Id-deskrizzjonijiet tal-proprjetà immobiljari

Id-dokumenti kif jiddaħħlu fir-reġistru?

Il-kopji ta' transazzjonijiet u dokumenti legali huma ppreżentati fl-uffiċċju tar-reġistru.

Kull dokument jiġi rreġistrat fir-reġistru tad-dħul tas-sistema IKAR, fejn jirċievi numru li juri d-data u l-ħin eżatt tad-dħul.

Id-dokumenti huma mbagħad ippreżentati lill-imħallfin tad-dħul għall-verifika u r-riżoluzzjoni.

Wara l-approvazzjoni minn imħallef tad-dħul, l-uffiċjali tar-reġistru jdaħħlu l-informazzjoni manwalment fuq is-sistema.

Id-dokumenti kollha huma mbagħad skannjati u ssejvjati fuq is-sistema.

Il-proċedura għar-reġistrazzjoni, il-verifika u ddħul tal-informazzjoni tieħu medja ta' jum wieħed ta' ħidma.

L-aċċess għar-reġistru Bulgaru tal-proprjetà huwa bla ħlas?

L-aċċess għar-reġistru Bulgaru tal-proprjetà huwa bla ħlas u miftuħ għal kulħadd. Madankollu, huma l-utenti rreġistrati biss li jistgħu jiksbu informazzjoni mis-sit elettroniku.

Għandha tiġi mħallsa tariffa għall-verifika onlajn, f'konformità mal-kriterji legali.

Tfittxija fir-reġistru Bulgaru tal-proprjetà

Inti tista' tagħmel tfittxija fir-reġistru tal-proprjetà permezz ta': numru ta' indentifikazzjoni personali (PIN) ta' persuni ġuridiċi jew fiżiċi; bl-isem tal-proprjetarju; bid-deskrizzjoni dettaljata tal-proprjetà; bin- bin numru tal-grupp tal-proprjetà; bin-numru tar-reġistrazzjoni.

L-imgħoddi tar-reġistru Bulgaru tal-proprjetà

L-ewwel sistema elettronika nħolqot fl-1990. Minn dak iż-żmien, ġew introdotti diversi sistemi elettroniċi.

Ir-riforma ewlenija tar-reġistru tal-proprjetà seħħet meta hu ġie trasferit għall-ġurisdizzjoni tal-Aġenżija dwar ir-Reġistru, li nħolqot f'Lulju 2004. L-Aġenżija dwar ir-Reġistru amministrat u tejbet is-sistemi eżistenti ta' informazzjoni ta' data sal-ħolqien tas-sistema IKAR fit-8 ta' Settembru 2008.

L-implimentazzjoni tal-IKAR seħħet f'fażijiet. Id-data antika ddaħħlet fis-sistema IKAR il-ġdida. Is-sistema saret totalment operattiva (tkopri t-territorji kollha tal-Bulgarija) fis-26 ta' Jannar 2009, u hija totalment integrata mar-reġistru tal-Aġenżija dwar il-Ġeodesija, il-Kartografija u l-Kadast.

Il-prinċipji ta' pubbliċità, trasparenza u sigurtà tal-proċeduri huma garantiti.

L-aħħar aġġornament: 28/06/2023

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Iċ-Ċekja

Din it-taqsima tipprovdilek ħarsa ġenerali tar-reġistru tal-katast (tal-artijiet) tar-Repubblika Ċeka.

X’għandu x’joffri r-reġistru tal-katast Ċek?

Il-link jinfetaħ f'tieqa ġdidaIr-Reġistru tal-katast Ċek fih kemm informazzjoni fattwali u kemm legali dwar il-proprjetà. Tista’ ssib mapep tal-katast u informazzjoni dwar is-sidien tal-proprjetà fir-reġistru.

Ir-reġistru huwa proprjetà u huwa miżmum mill-Uffiċċju Ċek għas-Surveying, Tfassil ta’ Mapep u tal-Katast, li huwa istituzzjoni nazzjonali indipendenti.

L-aċċess għar-reġistru tal-katast Ċek huwa mingħajr ħlas?

L-ibbrawżjar u t-tiftix tal-mapep u l-informazzjoni bażika dwar il-propjetà fuq l-internet, inklużi l-ismijiet u l-indirizzi tal-proprjetarji, huwa bla ħlas.

Għal lista uffiċjali, jew f'verżjoni elettronika b'aċċess mill-bogħod jew fuq karta, li jkun fiha l-informazzjoni kollha dwar ir-relazzjonijiet ġuridiċi li jikkonċernaw il-proprjetà jitħallas dritt; id-drittijiet ta' ħlas ivarjaw skont il-kamp ta' applikazzjoni tal-elenkar, imma normalment ikun ta' CZK 100.

Tiftix fir-reġistru tal-katast Ċek

Ir-reġistru tal-katast Ċek jipprovdilek sistema tat-tiftix avvanzata għal tiftix bl-internet.

L-istorja tar-reġistru tal-katast Ċek

Is-sistema ta’ informazzjoni elettronika ilha tintuża mill-2001.

L-aħħar aġġornament: 15/06/2020

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Danimarka

Din it-taqsima tfornik b’ħarsa ġenerali lejn ir-reġistru tal-artijiet tad-Danimarka.

X'għandu x'joffri r-reġistru tal-artijiet?

Ir-Il-link jinfetaħ f'tieqa ġdidaReġistru tal-Artijiet Daniż huwa disponibbli onlajn (bid-Daniż biss). Jekk jogħġbok ikkonsulta s-sit elettroniku tar-reġistru għal aktar dettalji dwar l-aċċess, il-ħlas u t-tiftix.

Ir-reġistru tal-artijiet Daniż jista’ jiġi kkuntattjat permezz tal-posta elettronika fuq: Il-link jinfetaħ f'tieqa ġdidatinglysning@domstol.dk

L-aċċess għar-reġistru tal-artijiet huwa mingħajr ħlas?

Jekk jogħġbok ara s-sit elettroniku tar-reġistru.

Kif tagħmel tiftixa fir-reġistru tal-artijiet

Jekk jogħġbok ara s-sit elettroniku tar-reġistru.

L-istorja tar-reġistru tal-artijiet

Jekk jogħġbok ara s-sit elettroniku tar-reġistru.

L-aħħar aġġornament: 04/05/2022

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Jekk jogħġbok innota li l-verżjoni bil-lingwa oriġinali ta' din il-paġna il-Ġermaniż ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.
Jekk jogħġbok innota li dawn il-lingwi li ġejjin: l-Ingliż diġà ġew tradotti.

Reġistri tal-artijiet fil-pajjiżi tal-UE - Ġermanja

Din it-taqsima tagħtik deskrizzjoni ġenerali tar-reġistru tal-artijiet tal-Ġermanja.

X’informazzjoni joffri r-Reġistru tal-Artijiet Ġermaniż?

Ir-Reġistru tal-Artijiet Ġermaniż jipprovdi informazzjoni dwar relazzjonijiet ġuridiċi tal-liġi ċivili li jikkonċernaw il-proprjetà immobbli. Fih tinstab ukoll id-dejta dwar is-sidien u d-drittijiet tal-proprjetà tal-partijiet terzi fir-rigward tal-art. Ir-Reġistru tal-Artijiet jinżamm primarjament fil-format elettroniku.

Dan ir-Reġistru jistgħu jaċċessawh biss persuni li juru raġunijiet ta’ interess leġittmu għalfejn iridu jikkonsultawh (eż. b'mod partikolari għal raġunijiet legali jew ekonomiċi). Biex jagħmlu dan, l-ewwel iridu jikkuntattjaw l-Uffiċċju tar-Reġistrazzjoni tal-Artijiet fid-distrett fejn il-biċċa art tkun tinsab. Dawn il-persuni jistgħu wkoll japplikaw għal kopji stampati mir-Reġistru tal-Artijiet.

Barra minn hekk, grupp ristrett ta' utenti jista' jikkonsulta d-dejta tar-Reġistru tal-Artijiet permezz ta' portal elettroniku tal-Istat Federali partikolari. Dawn l-utenti jinkludu l-qrati Ġermaniżi, l-awtoritajiet pubbliċi, in-nutara, l-istituzzjonijiet ta’ kreditu u l-impriżi ta’ distribuzzjoni. L-awtoritajiet ġudizzjarji tal-Istati Federali huma responsabbli għar-regolazzjoni ta’ dawn it-talbiet ta’ aċċess.

L-aċċess għar-Reġistru tal-Artijiet Ġermaniż huwa mingħajr ħlas?

Il-konsultazzjoni tar-Reġistru tal-Artijiet Ġermaniż fl-Uffiċċju tar-Reġistrazzjoni tal-Artijiet hija mingħajr ħlas. Silta sempliċi mir-reġistru tiswa EUR 10, kopja ċċertifikata tiswa EUR 20. L-aċċess jew il-konsultazzjoni tar-Reġistru tal-Artijiet b’mod elettroniku jsiru wkoll bi ħlas.

Kif wieħed ifittex fir-Reġistru tal-Artijiet Ġermaniż

Fir-Reġistru tal-Artijiet Ġermaniż wieħed jista’ jfittex permezz ta’ dawn il-kriterji li ġejjin:

  • In-numru tal-paġna tar-Reġistru tal-Artijiet
  • L-unità kadastrali
  • L-indirizz
  • Isem il-Propjetarju

L-istorja tar-Reġistru tal-Artijiet Ġermaniż

Bl-għajnuna tar-Reġistru tal-Artijiet, wieħed normalment jista’ jsib l-istorja tas-sjieda tal-proprjetà mobbli sa mill-bidu tas-Seklu 20.

Min-nofs id-disgħinijiet ’l hawn, il-verżjoni tal-karta tar-Reġistru tal-Art Ġermaniż ġiet sostitwita minn verżjoni elettronika. Din il-migrazzjoni tlestiet fil-parti l-kbira tagħha.

L-aħħar aġġornament: 05/11/2020

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Estonja

Din it-taqsima tagħti ħarsa ġenerali lejn ir-reġistru tal-artijiet tal-Estonja.

X'informazzjoni jipprovdi r-reġistru tal-artijiet Estonjan?

Ir-Il-link jinfetaħ f'tieqa ġdidaReġistru tal-Artijiet Estonjan huwa rekord ta' interessi fi proprjetà u ta' drittijiet ristretti, li jipprovdi lil partijiet terzi b'informazzjoni dwar proprjetà immobbli rreġistrata.

Ir-reġistru tal-artijiet jiffoka fuq ċirkostanzi kemm legali kif ukoll fattwali. Il-proprjetà kollha tiddaħħal fir-reġistru tal-artijiet, sakemm ma jkunx previst mod ieħor mil-liġi. Kull proprjetà individwali għandha reġistrazzjoni indipendenti u hija mogħtija numru uniku (numru tal-proprjetà rreġistrata).

Ir-reġistru għandu erba' partijiet.

Il-Parti 1 fiha l-informazzjoni segwenti dwar kull proprjetà rreġistrata:

  • referenza tar-reġistru tal-artijiet;
  • l-iskop speċifiku;
  • il-post;
  • id-drittijiet ristretti stabbiliti għall-proprjetà rreġistrata;
  • l-erja (daqs);
  • l-amalgamazzjonijiet u diviżjonijiet;
  • l-amalgamazzjoni ma' proprjetà rreġistrata oħra, jew terminazzjoni ta' parti mill-proprjetà.

Il-Parti 2 fiha l-informazzjoni segwenti dwar kull proprjetà rreġistrata:

  • is-sid;
  • jekk il-proprjetà tkun bi sjieda konġunta, ikun hemm id-dettalji dwar dan; jekk il-proprjetà tkun bi sjieda konġunta jew sjieda komuni; l-ismijiet tas-sidien;
  • id-daqs kunċettwali tal-ishma tal-koproprjetarji (sjieda komuni);

Il-Parti 3 fiha l-informazzjoni segwenti dwar kull proprjetà rreġistrata:

  • id-drittijiet ristretti li jkunu ta' piż fuq il-proprjetà (ħlief ipoteki);
  • ir-restrizzjonijiet fuq is-sjieda;
  • notazzjonijiet rigward tali restrizzjonijiet;
  • ir-restrizzjonijietfuq id-dritt tas-sid li jiddisponi minnha;
  • notazzjonijiet oħra rigward is-sjieda (inkluż restrizzjonijiet dwar id-drittijiet tad-disponiment tal-persuni kkonċernati), u tħassir u emendi tar-reġistrazzjonijiet imsemmija hawn fuq.

Il-Parti 4 fiha l-informazzjoni segwenti dwar kull proprjetà rreġistrata:

  • id-detentur tal-ipoteka;
  • il-valur monetarju tal-ipoteka (somma pendenti);
  • notazzjonijiet rigward l-ipoteka;
  • emendi fir-reġistrazzjonijiet;
  • tħassir tar-reġistrazzjonijiet.

Id-diversi taqsimiet tar-reġistru tal-artijiet huma aċċessibbli għall-pubbliku u jistgħu jiġu aċċessati minn kulħadd. Fejn hemm dritt leġittimu, il-fajl dwar propjetà reġistrata partikolari jista' jiġi kkonsultat. Is-sidien tal-propjetà, in-nutara, l-uffiċjali ġudizzjarji, il-qrati u l-awtoritajiet ta' superviżjoni ma għandhomx għalfejn juri l-eżistenza ta' interess leġittimu.

L-aċċess għar-reġistru tal-artijiet Estonjan huwa mingħajr ħlas?

Ir-reġistru tal-artijiet jinżamm b'mod elettroniku.

Id-diversi taqsimiet tar-reġistru tal-artijiet u l-fajls tal-propjetajiet irreġistrati jistgħu jiġu konsultati f'Il-link jinfetaħ f'tieqa ġdidauffiċċju ta' nutar jew permezz tal-Il-link jinfetaħ f'tieqa ġdidamagna tat-tiftix. Trid titħallas tariffa għall-konsultazzjoni tar-reġistru tal-artijiet f'uffiċċju ta' nutar jew permezz tal-magna ta' tiftix.

Dawn li ġejjin jistgħu jikkonsultaw ir-reġistru tal-artijiet elettroniku mingħajr ħlas:

  • sidien ta’ proprjetà immobbli — kemm jekk persuna fiżika kif ukoll jekk persuna ġuridika li tirrappreżenta sid ta’ proprjetà immobbli
  • rappreżentanti legali u gwardjani tas-sidien ta’ proprjetà immobbli
  • sidien ta’ appartamenti konnessi ma’ proprjetà immobbli u rappreżentanti ta’ assoċjazzjonijiet tal-appartamenti.

L-informazzjoni fir-reġistru tal-artijiet tista' tiġi aċċessata mill-magna ta' tiftix online ipprovduta miċ-Ċentru tar-Reġistri u s-Sistemi tal-Informazzjoni. L-użu tal-magna tat-tiftix huwa bla ħlas. Ir-riżultat tat-tiftixa juri l-informazzjoni kollha mdaħħla fil-Parti1 tar-reġistru tal-artijiet (referenza tar-reġistru tal-artijiet, skop speċifiku, erja u indirizz). Trid titħallas tariffa għall-aċċess għal informazzjoni aktar speċifika fir-reġistru tal-artijiet.

It-tariffa hija ta’ EUR 1 għal kull tiftixa ta’ oġġett ta’ tiftix u EUR 3 għall-aċċess biex tara l-parti sħiħa tar-reġistru.

L-oġġett tat-tiftixa huwa wieħed minn din it-tip ta' informazzjoni f'parti tar-reġistru tal-artijiet miftuħ għal kull propjetà reġistrata:

  1. data diġitali fil-Parti1 (“Kompożizzjoni tal-propjetà”);
  2. data diġitali fil-Parti2 (“Is-Sid”);
  3. data diġitali fil-Partijiet 3 (“Gravami u restrizzjonijiet”) u 4 (“Ipoteki”).

It-tariffa għat-tiftixa tinkludi l-aċċess għall-fajls miftuħa tal-propjetà u l-ħruġ tad-dokumentazzjoni li tkun fihom.

Informazzjoni dettaljata dwar il-partijiet tar-reġistru tista’ tiġi kkonsultata flimkien Il-link jinfetaħ f'tieqa ġdidamat-tariffi għas-servizzi mniżżlin hawnhekk. Ma hemmx VAT fuq dawn it-tariffi.

Kif issir tiftixa fir-reġistru tal-artijiet Estonjan

Tista' tfittex fil-bażi tad-data permezz tal-kriterji tat-tiftix segwenti:

  • l-indirizz;
  • referenza tar-reġistru tal-artijiet;
  • isem tas-sid;
  • numru tal-identifikazzjoni personali/kodiċi tar-reġistru;
  • numru tal-proprjetà;

Huwa possibbli wkoll li wieħed ifittex għal informazzjoni dwar sidien mhux validi u persuni awtorizzati.

Storja tar-reġistru tal-artijiet Estonjan

Il-verżjoni elettronika tar-reġistru tal-artijiet fiha informazzjoni li tmur lura għall-1994. Il-bidla għall-verżjoni elettronika bdiet fis-sajf tal-2010. Mill-1 ta’ Jannar 2015, il-fajls tal-artijiet kollha kienu elettroniċi.

L-aħħar aġġornament: 13/12/2021

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Irlanda

Din it-taqsima tagħtik deskrizzjoni qasira tar-reġistru tal-artijiet tal-Irlanda.

X’għandu x’joffri r-reġistru tal-artijiet Irlandiż?

Ir-Il-link jinfetaħ f'tieqa ġdidaReġistru tal-Artijiet Irlandiż jigi operat u aġġornat mill-Il-link jinfetaħ f'tieqa ġdidaAwtorita' tar-Reġistrazzjoni tal-Proprjetà tal-Irlanda, il-korp statutorju responsabbli għar-reġistrazzjoni tal-artijiet fl-Irlanda.

Tista’ ssib dettalji kemm legali u fattwali fir-reġistru tal-artijiet Irlandiż.

Kull titolu ta’ reġistrazzjoni huwa maqsum fi tliet partijiet.

  1. Parti 1 tiddeskrivil il-lok ġeografiku tal-proprjetà, b’referenza għall-mappa diġitali u t-tip ta’ titolu. (liberu jew b’kera).
  2. Parti 2 fiha l-ismijiet u l-indirizzi tal-proprjetarji reġistrati u n-natura tat-titolu legali.
  3. Parti 3 tipprovdi l-piżijiet legali (ipoteki, drittijiet ta’ passaġġ, eċċ.) li jaffettwaw il-proprjetà.

L-aċċess għar-reġistru tal-artijiet Irlandiż huwa mingħajr ħlas?

Ir-reġistru tal-artijiet Irlandiż huwa reġistru ‘miftuħ’. Għalhekk m’hemm l-ebda restrizzjoni fl-użu tas-servizz u l-Awtorità tar-Reġistrazzjoni tal-Proprjetà (PRA) ma timponi l-ebda ħlasijiet għal tariffi ta’ abbonament.

Madankollu jintalab ħlas għall-użu attwali tas-servizz – bir-rati stabbiliti fl-ordni tad-drittijiet statutorji kurrenti. Id-drittijiet jistgħu jitħallsu jew b’mod elettroniku jew manwali.

Is-servizz ta’ abbonament għar-Reġistru tal-Artijiet Irlandiż jirrikjedi:

  • Kont imħallas minn qabel u miżmum bi kreditu
  • L-assenjazzjoni ta’ ID u password tal-utent
  • Konfigurazzjoni tal-aċċess ta’ sigurtà adattat.

Bħalissa, tista’ tabbona mar-Il-link jinfetaħ f'tieqa ġdidaReġistru tal-Artijiet Irlandiż direttament mill-Awtorità tar-Reġistrazzjoni tal-Proprjetà, jew permezz ta’ għadd ta’ fornituri li jipprovdu servizz intermedjarju għas-settur privat.

Bħalissa hemm iktar minn 14,000 abbonati mar- Il-link jinfetaħ f'tieqa ġdidaReġistru tal-Artijiet Irlandiż, u iktar minn tliet miljun transazzjoni fis-sena jitwettqu permezz tas-servizz onlajn.

Kif tagħmel tiftixa fir-reġistru tal-artijiet Irlandiż

Tista’ tfittex fir-reġistru tal-artijiet Irlandiż b’ħafna modi differenti, li jinkludu:

  • Numru tat-titolu uffiċjali
  • Indirizz postali tal-proprjetà
  • Billi tinnaviga fuq il-mappa onlajn
  • Billi tagħżel erja tal-mappa
  • Billi ddaħħal il-koordinati tal-mappa

L-istorja tar-reġistru tal-artijiet Irlandiż

Is-sistema preżenti tar-reġistrazzjoni tal-artijiet li qed topera fl-Irlanda ġiet imwaqqfa fl-1892. Is-sistema, li hija bbażata fuq reġistru ‘miftuħ’ sostnut b’garanzija tal-Istat, tfasslet biex gradwalment tissostitwixxi sistema ta’ reġistrazzjoni ta’ atti li kienet ilha tintuża mill-1707.

Links relatati

Il-link jinfetaħ f'tieqa ġdidaServizz ta' Informazzjoni dwar l-Artijiet tal-Ewropa, Il-link jinfetaħ f'tieqa ġdidaPortal għas-siti elettroniċi tal-Gvern Irlandiż, Il-link jinfetaħ f'tieqa ġdidaAwtorità tar-Reġistrazzjoni tal-Proprjetà tal-Irlanda, Il-link jinfetaħ f'tieqa ġdidaServizzi onlajn mir-reġistru tal-artijiet Irlandiż

L-aħħar aġġornament: 18/01/2024

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Jekk jogħġbok innota li l-verżjoni bil-lingwa oriġinali ta' din il-paġna il-Grieg ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.

Reġistri tal-artijiet fil-pajjiżi tal-UE - Greċja

Il-Greċja għandha reġistru elettroniku tal-artijiet magħruf bħala l-Katast (κτηματολόγιο) f’żoni fejn ir-reġistrazzjoni tal-artijiet hija lesta. Ir-reġistri tal-ipoteki lokali (υποθηκοφυλακεία) qed joperaw ukoll b’mod provviżorju bħala reġistri tal-artijiet (κτηματολογικά γραφεία).

Fiż-żoni tal-pajjiż fejn ir-reġistru Grieg tal-artijiet ilu jopera mill-2003, b’mod li jissostitwixxi s-sistema preeżistenti ta’ reġistrazzjoni ta’ trasferimenti ta’ proprjetà u ipoteki, id-data tar-reġistru tal-artijiet trid tinżamm u tiġi aġġornata biss b’mod elettroniku skont il-Liġi 2664/1998 dwar ir-reġistru nazzjonali tal-artijiet. Il-bażi tad-data tar-reġistri tal-artijiet tinżamm ċentralment għall-Greċja kollha minn KTIMATOLOGIO AE. (ir-reġistru tal-artijiet nazzjonali jew il-Katast) u aġġornati lokalment mir-reġistri tal-artijiet lokali abbażi tat-tranżazzjonijiet tagħhom.

Il-Liġi 4512/2018 stabbilixxiet entità ġuridika rregolata mid-dritt pubbliku msejħa l-Katast Elleniku, is-suċċessur universali ta’ KTIMATOLOGIO AE.

X’toffri s-sistema Griega ta’ ħażna tad-data u dokumenti relatati ma’ proprjetà?

F’kull distrett tal-qrati ċivili joperaw wieħed jew aktar reġistri (ειρηνοδικείο) u joffru s-servizzi li ġejjin kif trid il-liġi:

  1. ir-reġistrazzjoni, il-prenotazzjoni ta’ ipoteka jew il-qbid ta’ proprjetà immobbli fil-ġuriżdizzjoni tagħhom;
  2. it-trasferiment ta’ atti li jridu jiġu ttrasferiti bil-liġi; u
  3. r-reġistrazzjoni ta’ kawżi legali u kwalunkwe att jew nota oħra relatata ma’ proprjetà immobbli.

Hemm 15 il-reġistru tal-ipoteki bi ħlas u 258 mingħajr ħlas. In-numru qed jinbidel hekk kif għaddej il-proċess tat-tneħħija gradwali u l-inklużjoni tar-reġistri tal-ipoteki aboliti fil-Katast Elleniku.

Ir-reġistri ipotekarji stipendiarji huma uffiċċji tal-Ministeru tal-Ġustizzja.

F’Rodi u Kos, ir-reġistri tal-artijiet lokali ta’ Rodi u Kos-Leros huma uffiċċji tal-Ministeru tal-Ġustizzja, fejn is-sistema ta’ reġistrazzjoni hija ċentralizzata.

Ir-reġistri tal-ipoteki gratis (άμισθα υποθηκοφυλακεία) huma jew:

  1. reġistri speċjalizzati ġestiti minn reġistraturi maħtura mill-Ministru tal-Ġustizzja wara li jkunu għaddew minn eżami kompetittiv; jew
  2. reġistri mhux speċjalizzati ġestiti min-nutara maħtura għall-uffiċċju prinċipali tar-reġistru tal-ipoteki.

Tista’ ssib id-dettalji ta’ kuntatt tar-reġistri tal-ipoteki fuq is-sit web tal-Il-link jinfetaħ f'tieqa ġdidaMinisteru tal-Ġustizzja.

Il-Katast Elleniku huwa sistema unifikata li tirreġistra l-informazzjoni legali, teknika u informazzjoni addizzjonali oħra dwar il-proprjetà immobbli u d-drittijiet tal-proprjetà, garantiti mill-Istat u taħt ir-responsabbiltà tiegħu.

B’mod partikolari, il-Katast Elleniku:

  • jirreġistra l-atti kollha li joħolqu, jittrasferixxu, ibiddlu jew ineħħu drittijiet fuq il-proprjetà. Kull att jiġi rreġistrat biss wara eżaminazzjoni bir-reqqa, sabiex l-ebda att ma jiġi rreġistrat jekk il-persuna li tkun qed tittrasferixxi l-propjetà ma tkunx il-persuna mniżżla fir-reġistru tal-artijiet bħala sid il-propjetà;
  • tirreġistra d-deskrizzjoni ġeografika (l-għamla, il-post u d-daqs) tal-propjetà;
  • tirreġistra b’mod sistematiku l-proprjetà pubblika; u

tirreġistra d-drittijiet ta’ użufrutt.

Bażi ta’ data legali

Informazzjoni bażika dwar il-Il-link jinfetaħ f'tieqa ġdidaKatast Grieg tista’ tinsab fuq is-sit web tiegħu.

L-aċċess għas-servizzi Griegi tad-data dwar il-proprjetà immobbli huwa mingħajr ħlas?

F’żoni fejn ir-reġistri tal-artijiet qegħdin joperaw b’mod provviżorju, jistgħu jintużaw mingħajr ħlas kompjuters fl-uffiċċju kkonċernati biex issir riċerka elettronika tad-data.

L-istorja tas-sistema Griega ta’ ħażna tad-data u dokumenti relatati ma’ proprjetà

Sistema ta’ reġistrazzjoni tal-artijiet ġiet stipulata għall-ewwel darba permezz tal-Liġi 41/1836. L-awtoritajiet msemmija hawn qabel żammew rekords dwar l-artijiet minn mindu bdiet ir-reġistrazzjoni tal-artijiet.

F’żoni fejn qed titlesta r-reġistrazzjoni tal-artijiet, ir-reġistri tal-ipoteki lokali ilhom jaħdmu bħala reġistri tal-artijiet provviżorji minn meta l-Organizazzjoni tal-Kartografija u l-Katast tal-Greċja (Οργανισμός Κτηματολογίου και Χαρτογραφήσεων Ελλάδος – ΟΚΧΕ) iddeċidew li joħolqu l-Katast. Minn dak iż-żmien, it-tranżazzjonijiet fir-rekords tar-reġistru tal-artijiet jiġu rreġistrati biss b’mezzi elettroniċi.

Kif tfittex id-data

Is-sistema elettronika tar-reġistrazzjoni tal-artijiet tippermetti riċerki permezz ta’: (a) data personali, (b) il-kodiċi tal-Katast Elleniku, u/jew (c) l-indirizz tal-proprjetà.

Links relatati

Il-link jinfetaħ f'tieqa ġdidaIl-Katast Elleniku

L-aħħar aġġornament: 26/04/2023

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.
Jekk jogħġbok innota li dawn il-lingwi li ġejjin: l-Ispanjol diġà ġew tradotti.

Reġistri tal-artijiet fil-pajjiżi tal-UE - Spanja

Ir-Reġistru tal-Artijiet huwa reġistru li jaqa’ taħt il-Ministeru tal-Ġustizzja, bl-affarijiet tiegħu jaqgħu taħt ir-responsabbiltà tad-Dirección General de los Registros y del Notariado [direttorat ġenerali tar-reġistri u n-nutara]. Ir-Reġistru jintuża biex tiġi rreġistrata u ppubblikata s-sjieda tal-art u d-drittijiet marbuta mal-art u kwalunkwe deċiżjonijiet tal-qorti jew amministrattivi li jistgħu jaffettwawhom.

X’joffri r-reġistru tal-artijiet fi Spanja?

Is-sigurtà legali u ekonomika. U f’ħafna mill-każijiet din is-sigurtà ma tistax tinċaħad.

Uħud mill-aspetti l-iktar tipiċi tas-sistema tar-Reġistru tal-Artijiet Spanjol huma deskritti hawn taħt.

1. L-iskop tar-Reġistru tal-Artijiet

L-iskop tar-Reġistru tal-Artijiet huw li tiġi rreġistrata s-sjieda u drittijiet oħrajn in rem fir-rigward tal-proprjetà immobbli.

1.1. Id-drittijiet in rem li jistgħu jiġu rreġistrati

Id-drittijiet in rem li jistgħu jiġu rreġistrati huma: sjieda, usufrutt, drittijiet ta’ użu u ta’ abitazzjoni, piżijiet, kirjiet, ipoteki id-dritt tal-fidi and other rights in rem.

Ir-Reġistru tal-Artijiet Spanjol mhux lista magħluqa ta' drittijiet in rem, iżda huwa sistema ta’ "numerus apertus" fejn jistgħu jinħolqu drittijiet in rem. Madankollu, fil-prattika huwa diffiċli li jinħolqu tipi ġodda ta' drittijiet peress li jkun jeħtieġ li jissodisfaw ir-rekwiżiti strutturali tad-drittijiet in rem, bħal li jkunu immedjati u assoluti.

1.2. Drittijiet oħrajn li jistgħu jiġu rreġistrati

Jistgħu jiddaħħlu drittijiet oħrajn fir-Reġistru tal-Artijiet, minkejja li n-natura vera tagħhom mhux dejjem tkun ċara. Dawn li ġejjin jistgħu jiġu rreġistrati b’dan il-mod: atti ta’ proprjetà konġunta, kirjiet, sullokazzjoni, trasferimenti u surrogi ta’ kirjiet li jirrigwardaw proprjetà immobbli, irkupru ta’ proprjetà mikrija, konċessjonijiet amministrattivi u piżijiet ipotekarji fuqhom, atti relatati max-xiri obbligatorju jew ma’ proċeduri amministrattivi, projbizzjonijiet fuq l-aċċess permess mil-liġi, jew raġunijiet għat-terminazzjoni ta' drittijiet irreġistrati, fost oħrajn.

U fil-qasam tal-ippjanifikar urban: miżuri implimentattivi tal-ippjanar finali li jolqtu l-binjiet eżistenti, bejgħ lill-awtoritajiet muniċipali, trasferiment ta’ drittijiet ta’ użu fuq art urbana, kundizzjonijiet għall-permessi tal-ippjanar, proċeduri mibdija fil-qasam tal-ippjanifikar urban u appelli ppreżentati u d-deċiżjonijiet tal-qorti, fost oħrajn.

1.3. Miżuri oħrajn

Deċiżjonijiet tal-qorti li jaffetwaw il-kapaċità ta’ persuna fiżika jew ġuridika u d-deċiżjonijiet meħuda wara li jintlaħaq ftehim bejn il-kredituri jistgħu wkoll jiġu rreġistrati kull meta jkunu jirrigwardaw is-sjieda ta' proprjetà immobbli jew id-drittijiet in rem marbuta magħhom.

Barra minn hekk, permezz tar-reġistrazzjoni provviżorja, fir-Reġistru jistgħu jitniżżlu sitwazzjonijiet provviżorji li jaffetwaw id-drittijiet in rem marbuta mal-proprjetà immobbli. Pereżempju, proċeduri li jirrigwardaw drittijiet li jistgħu jiġu rreġistrati, konfiska, deċiżjonijiet li ma jkunux għadhom saru finali, ordnijiet tal-qorti li permezz tagħhom jiġi pprojbit l-aċċess għall-proprjetà, liġi tal-wirt u miżuri simili.

2. Ċertezza legali fir-Reġistru tal-Artijiet Spanjol

Żgur li s-sistema tar-Reġistru Spanjol hija wara mill-iktar sistemi fis-żgur fid-dinja.

Hija Reġistru ta’ drittijiet. Id-drittijiet li jitniżżlu fir-Reġistru jiġu protetti mill-qrati, li jfisser li ħadd ma jista’ jiċċaħħad minnhom sakemm ma jkunx hemm sentenza fi proċeduri legali li jinvolvu s-sid reġistrat li tiddeċiedi l-kuntrarju.

Barra minn hekk, is-sistema legali tistipula sensiela ta' preżunzjonijiet legali fir-rigward tad-drittijiet irreġistrati, li huma msejsa fuq il-prinċipju tal-awtorità tar-Reġistru.

F’każ ta’ kunflitt bejn is-sitwazzjoni attwali u dik imniżżla fir-Reġistru, id-dikjarazzjonijiet fir-Reġistru jitqiesu li huma affidabbli minħabba l-prinċipju tal-pubblikazzjoni.

Il-prinċipju tal-pubblikazzjoni huma magħmul minn żewġ elementi prinċipali :

L-element proċedurali – is-sidien irreġistrati jistgħu jiddefendu d-drittijiet irreġistrati tagħhom fil-qrati fejn ikunu qed jiġu kkontestati permezz ta’ ċertifikat mir-Reġistratur li jiddikjara l-validità bla kontradizzjoni tal-kwisjoni rilevanti. Għalhekk, l-oneru tal-prova jkun fuq il-persuna li tkun qed tikkontesta d-dritt irreġistrat.

L-element sostantiv – li għandu żewġ lati distinti:

  1. Negattiv- kull ħaġa li ma tkunx irreġistrata ma taffettwax lil dawk li jiffirmaw kuntratt, li jkunu qed jistrieħu fuq dak li jkun imniżżel fir-Reġistru.
  2. Pożittiv – ikun hemm preżunzjoni doppja fil-kontenut tar-reġistru:
  • Il-prinċipju tal-Leġittimità – il-preżunzjoni iuris tantum li l-informazzjoni ppubblikata fir-Reġistru hija veraċi.
  • Il-prinċipju tal-awtorità tar-Reġistru – il-preżunzjoni iuris et de iure li l-informazzjoni ppubblikata fir-Reġistru hija preċiża u kompleta, jiġifieri jekk jiġu sodisfatti dawn ir-rekwiżiti:
    1. Ir-reġistrazzjoni tas-sid li jkun qed jittrasferixxi l-proprjetà.
    2. L-akkwist isir b’titolu oneruż.
    3. Ix-xerrej ma jkunx jaf dwar iċ-ċirkostanza li minħabba fiha dak li jkun ippubblikat fir-Reġistru jkun invalidu (bi prinċipju jiġi preżunt li jkun hemm bona fide).
    4. Meta l-iskrizzjoni fir-reġistru ssir mix-xerrej; din ikollha l-effett legali li s-sid il-ġdid ikun protett kompletament mis-sistema ta’ reġistrazzjoni Spanjola, anki jekk is-sid irreġistrat li jkun trasferixxa d-dritt lilu ma jkunx il-veru sid tad-dritt.

3. Il-Proċedura ta’ Reġistrazzjoni

Skont il-prinċipju ġenerali huwa meħtieġ li ssir ċertifikazzjoni pubblika biex isiru iskrizzjonijiet fir-Reġistru tal-Artijiet. Id-dokumenti jistgħu jingħataw validità minn Nutara, qrati jew awtoritajiet amministrattivi. Id-dokumenti privati jiġu aċċettati biss f’każijiet eċċezzjonali, pereżempju bħall-applikazzjoni biex jiġi rreġistrat wirt minn werriet wieħed, biex jiġu korretti xi difetti jew biex jiġi rreġistrat b’mod provviżorju self biex jinbnew jew jissewwew xi assi fissi.

Il-proċedura trid tintalab. Hlief f’ċirkostanzi eċċezzjonali, dan ifisser li trid tinbeda mill-persuna li tkun tixtieq li ssir l-iskrizzjoni.

Il-preżentazzjoni tad-dokument issir fir-Reġistru u ssir iskrizzjoni tal-preżentazzjoni fil-ġurnal, li tkun valida għal sittin jum tax-xogħol.

Id-dokument jista’ jiġi ppreżentat b’wieħed minn ħames modi: elettronikament, personalment, bil-posta, fil-faks jew permezz ta’ Reġistru tal-Artijiet ieħor. Fil-każ tal-aħħar żewġ modi, id-dokument irid ikun ippreżentat personalment fi żmien għaxart ijiem tax-xogħol.

Ir-Reġistratur jieħu r-responsabbiltà li jikklassifika d-dokument fi żmien ħmistax-il jum tax-xogħol.

Jekk jiddeċiedi li jirreġistrah, issir l-iskrizzjoni. Imbagħad, id-dokument jintradd lura lill-persuna li tkun ippreżentatu, flimkien ma' nota ta' qiegħ il-paġna, iffirmata mir-Reġistratur b'dikjarazzjoni li l-istess dokument ġie pproċessat.

Jekk ir-Reġistratur jinnota li jkun hemm difett fid-dokument huwa jiddeċiedi li ma jirreġistrahx. Id-deċiżjoni tar-Reġistratur għandha tindika fil-Fatti u Prinċipji Legali, ir-raġunijiet għaliex id-dokument ma jkunx ġie rreġistrat. Id-deċiżjoni għandha tiġi nnotifikata lill-persuna li tippreżenta d-dokument u lin-nutar li jkun awtorizza l-d-dokument, jew lill-qrati jew lill-awtorità amministrattiva li jkunu ħarġuh. Ir-Reġistratur jestendi awtomatikament l-iskrizzjoni tal-preżentazzjoni b’sittin jum ieħor mill-aħħar jum li fih ikunu saru n-notifiki msemmija hawn fuq.

Jekk ir-Reġistratur jiddeċiedi li ma jirreġistrax dokument, il-persuna kkonċernata tista’ tikkoreġi d-difett, jekk ikun possibbli, jew tappella mid-deċiżjoni tar-Reġistratur. Hemm il-possibilità li jsiru tliet tipi ta’ appelli differenti:

  • Talba biex issir klassifikazzjoni minn Reġistratur ieħor.
  • Preżentazzjoni ta’ appell mid-deċiżjoni tar-Reġistratur mad-Direttorat Ġenerali tar-Reġistraturi u tas-Servizzi Notarili. Għandha tingħata deċiżjoni dwar l-appell fi żmien tliet xhur u fin-nuqqas ta’ dan jitqies li l-appell inċaħad. Jista’ jsir appell quddiem il-qrati mid-deċiżjoni jew mid-deċiżjoni preżunta.
  • Issir talba għal proċedura orali lill-Qorti tal-Prim’ Istanza fil-belt kapitali tal-provinċja fejn ikun jinsab ir-Reġistru tal-Artijiet.

L-aċċess għar-Reġistru tal-Artijiet fi Spanja huwa mingħajr ħlas?

Dan jinsab stipulat fl-atti leġiżlattivi li ġejjin: it-tielet dispożizzjoni addizzjonali tal-Liġi 8/1989 dwar it-Tariffi; L-Artikolu 294 tal-Liġi dwar l-Ipoteki u l-Artikoli 589-619 tar-Regolament dwar l-Ipoteki.

Dawn it-tariffi huma pubbliċi, jiġifieri jinsabu f’att leġiżlattiv ippubblikat fil-Gazzetta Uffiċjali tal-Istat. Fir-Reġistri tal-Artijiet kollha hemm ukoll kopja kompleta tat-tariffi kollha disponibbli għall-pubbliku. Il-link jinfetaħ f'tieqa ġdidaIt-Tariffi tar-Reġistraturi tal-Artijiet.

Kif tfittex fir-Reġistru tal-Artijiet fi Spanja

1. Interess leġittimu

Ir-Reġistru tal-Artijiet huwa pubbliku għal dawk b’interess magħruf li jinvestigaw l-istat tal-proprjetà rreġistrata jew id-drittijiet in rem.

Jitqies li kwalunkwe awtorità, impjegat jew uffiċjal pubbliku li jkunu qed jaġixxu fil-qadi ta’ dmirijiethom, ikollhom interess leġittimu.

2. Taqsira tal-estratt mir-reġistru

It-taqsira tal-estratt mir-reġistru ("nota simple") għandha skop purament informattiv u mhix rappreżentazzjoni awtentika tal-kontenut tal-iskrizzjoni, mingħajr preġudizzju għar-responsabbiltà tar-Reġistratur.

Kif tikseb taqsira tal-estratt. Hemm żewġ metodi:

  • Bil-miktub. Billi titlobha personalment mir-Reġistru tal-Artijiet rilevanti. Ħlas: EUR 3.01 + il-VAT għal kull proprjetà.
  • Bl-internet. Permezz tal-ewwel link fil-qiegħ ta’ din il-paġna. Ħlas: EUR 9.02 + il-VAT għal kull proprjetà.

3. Ċertifikazzjoni

Ċertifikat huwa kopja, traskrizzjoni jew trasferiment, f’forma kompleta jew f’forma ta’ taqsira, tal-kontenut tal-informazzjoni miżmuma fir-Reġistru, li wara li jiġi pproċessat mir-Reġistratur jikkostitwixxi l-mezz li bih tintwera n-natura awtentika tas-sitwazzjoni ipotekarja tal-proprjetajiet u tad-drittijiet.

Kif tikseb ċertifikat. Iċ-ċertifikati jinkisbu biss permezz ta’ talba bil-miktub. Din it-talba tista' tagħmilha personalment fir-Reġistru tal-Artijiet rilevanti. Ħlas: EUR 30.01 + il-VAT għal kull proprjetà.

Madankollu, bħalissa f’xi Reġistri tal-Artijiet (iżda mhux f’kollha) qed tiġi introdotta l-possibilità li l-applikazzjoni għal ċertifikat issir b’mezzi elettroniċi, permezz ta’ firma elettronika li tintagħraf mir-Reġistratur.

4. Kif tikkonsulta r-Reġistru tal-Artijiet permezz tal-Internet

Il-proċedura hija sempliċi ħafna – jeħtieġ li ssegwi l-istruzzjonijiet fuq il-websajt li tidher hawn taħt:

Link: Il-link jinfetaħ f'tieqa ġdidahttps://www.registradores.org/registroVirtual/init.do

  • Il-websajt toffri l-possibilità ta' ħlas permezz ta' karta tal-kreditu jekk ma tkunx abbonat jew ma jkollokx ċertifikat rikonoxxut maħruġ mill-Assoċjazzjoni tar-Reġistraturi:
    - “ħlas permezz ta' karti bankarji”. Jeħtieġ li ddaħħal id-dettalji tal-karta tal-kreditu tiegħek u tagħfas fuq "Enter".
  • F’din il-paġna tista’ tagħżel bejn: ir-Reġistru tal-Artijiet, ir-Reġistru Kummerċjali, ir-Reġistru tal-Proprjetà Immobbli jew ir-Reġistru tal-Kundizzjonijiet Kuntrattwali Ġenerali. Għandek tagħżel "Dokumentazzjoni pubblika dwar l-artijiet" (Publicidad Propiedad).
  • Wara agħżel il-qasam li jinteressak.

Storja tar-Reġistru tal-Artijiet fi Spanja

1. Leġiżlazzjoni preċedenti

Storikament, qabel il-leġiżlazzjoni attwali dwar il-piżijiet ipotekarji, fi Spanja kien hemm:

  • Digriet ta’ Juana I u Karlu I tal-1539 li permezz tiegħu ġew introdotti mingħajr suċċess kbir, ir-Reġistri taċ-ċensimenti u tat-taxxi ipotekarji.
  • Digriet ta’ Karlu III tal-1768. Digriet liberali li ħoloq l-elenki tal-ipoteki. Kienu jintużaw ħafna iżda kellhom żewġ żvantaġġi       prinċipali: kienu biss reġistri ta’ piżijiet fuq il-proprjetà, mhux tas-sjieda, u kienu miżmuma b'mod kronoloġiku.

2. Il-leġiżlazzjoni attwali dwar l-ipoteki

Minħabba l-bidliet ekonomiċi li seħħu fis-seklu 19 kien meħtieġ urġentement li tinħoloq sistema li setgħet tipprovdi ċertezza f’dak li jirrigwarda s-sjieda u t-trasferimenti ta’ proprjetà immobbi, tippromwovi l-affidabilità reġjonali u tevita l-użura u l-kawżi fil-qorti.

Il-Liġi tal-1861 dwar l-Ipoteki. Din il-liġi kienet ġiet mgħoddija bħala miżura legiżlattiva speċjali u urġenti minħabba li l-kodiċijiet unitarji kienu fallew. Il-ħsieb kien li tiġi integrata fil-Kodiċi Ċivili li kien se jsir fil-futur. Madankollu, il-Kodiċi Ċivili tal-1888 kien jirrispetta l-lat sostantiv tal-liġi tal-proprjetà, li ħafna minnha għadha tinsab fil-Liġi dwar l-Ipoteki.

Riformi komprensivi - Saru riformi komprensivi fil-Liġi dwar l-Ipoteki fl-1869, fl-1909 u fl-1944-46, flimkien ma’ għadd ta’ riformi parzjali.

Dispożizzjonijiet ta’ implimentazzjoni

  • Regolament dwar l-ipoteki. Digriet tal-14 ta’ Frar 1947 li ħafna minnu ġie emendat.
  • Digriet Irjali 1093/1997 tal-4 ta’ Lulju 1997 dwar ir-reġistrazzjoni tal-ippjanifikar dwar l-użu tal-art.

3. Organizzazzjoni

Fi Spanja, ir-Reġistri tal-Artijiet jaqgħu taħt il-Ministeru tal-Ġustizzja. Il-kwistjonijiet kollha marbuta magħhom jiġu riferuti lid-Direttorat Ġenerali tar-Reġistri u tas-Servizzi Notarli.

Spanja hija maqsuma f’żoni msejħa distretti ipotekarji (Distritos Hipotecarios). Kull Distrett Ipotekarju għandu Reġistru tal-Artijiet tiegħu miżmum minn Reġistratur tal-Artijiet.

All Registrars in Spain are members of the Association of Land, Business and Movable Property Registrars of Spain.

Ir-Reġistraturi jżommu r-reġistri li ġejjin:

  • Reġistri tal-Proprjetà u tal-Beni Immobbli, imsejħa b’mod ġeneriku "Reġistri tal-Proprjetà" (Registros de la Propiedad). Din il-paġna titratta biss ir-Reġistri tal-Artijiet.
  • Reġistri tal-Proprjetà Mobbli.
  • Reġistri Kummerċjali.
  • Ir-Reġistru tal-Kundizzjonijiet Kuntrattwali Ġenerali.

Links utli

L-aħħar aġġornament: 26/02/2024

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Franza

Għal raġunijiet storiċi, Franza għandha żewġ sistemi ta’ reġistrazzjoni tal-art (publicité foncière): is-sistema tal-liġi ġenerali u dik stabbilita fid-dipartimenti ta’ Bas-Rhin, Haut-Rhin u Moselle.

F’dawn it-tliet dipartimenti, l-art hija rreġistrata fir-reġistru tal-artijiet (livre foncier) miżmum mill-uffiċċji tar-reġistru tal-artijiet (bureaux fonciers) filwaqt li, fil-bqija ta’ Franza, l-awtoritajiet tar-reġistrazzjoni tal-artijiet (services de publicité foncière (SPF)) huma responsabbli għar-reġistrazzjoni tal-artijiet fl-indiċi tar-reġistru tal-artijiet (fichier immobilier).

X’joffri r-reġistru tal-artijiet Franċiż?

L-indiċi tar-reġistru tal-artijiet jippubblika strumenti legali u deċiżjonijiet.

Dawn jinkludu, bħala eżempju, strumenti li jittrasferixxu s-sjieda ta’ proprjetà immobbli (immeuble) bħal atti ta’ bejgħ (acte de vente) jew diviżjoni (acte de partage), anke jekk huma kundizzjonali, strumenti li jittrasferixxu jew joħolqu dritt in rem (droit réel) bħal donazzjonijiet jew trasferimenti ta’ użufrutt (donation ou cession d’usufruit) fuq proprjetà immobbli, deċiżjonijiet tal-qorti li jaffettwaw proprjetà immobbli, deċiżjonijiet mill-awtoritajiet amministrattivi li jillimitaw id-dritt li tiddisponi minn proprjetà immobbli (droit de disposer), kiri fit-tul (baux de longue durée), klawżoli li jillimitaw id-drittijiet ta’ sjieda bħal klawżoli ta’ inaljenabbiltà (clause d’inaliénabilité) jew garanzija meħuda fuq proprjetà immobbli (suretés) bħal ipoteki (hypothèques) u privileġġi (privilèges).

Ir-reġistru tal-artijiet ta’ Alsace-Moselle jippubblika dokumenti li jagħti prova tad-drittijiet.

Id-drittijiet ta’ sjieda fuq proprjetà immobbli li jirriżultaw minn strument legali jew sitwazzjoni fattwali (akkwist ta' drittijiet ta’ sjieda bi tgawdija (usucapion) jew adeżjoni (accession)) huma rreġistrati fir-reġistru tal-artijiet. Id-drittijiet tas-sid tal-bini (droit de superficie) u d-drittijiet l-oħra kollha in rem li jirriżultaw minn kiri (bail), l-użufrutt (usufruit), id-dritt ta’ użu (droit d’usage), id-dritt ta’ abitazzjoni (droit d’habitation), is-servitujiet (servitudes), il-privileġġ(privilège), l-ipoteka (hypothèque), id-drittijiet tal-kerrejja u tal-bdiewa (droits des locataires et du fermier) fir-rigward ta’ kera ta’ 12-il sena u d-drittijiet li jirriżultaw minn ċerti deċiżjonijiet tal-qorti, eċċ. huma rreġistrati wkoll.

Kif tagħmel tiftix fir-reġistru tal-artijiet Franċiż

Fi Franza, bl-eċċezzjoni tad-départements ta’ Bas-Rhin, Haut-Rhin u Moselle, l-indiċi tar-reġistru tal-artijiet huwa ġestit mill-awtoritajiet tar-reġistrazzjoni tal-artijiet. Dawn l-awtoritajiet huma indipendenti minn xulxin. Franza qed tnaqqas gradwalment l-għadd ta’ awtoritajiet tar-reġistrazzjoni tal-artijiet. Filwaqt li sa ftit ilu kien hemm 354, bħalissa hemm biss 120.

Kull min jixtieq jikseb informazzjoni dwar is-sitwazzjoni legali ta’ proprjetà għandu jagħmel talba lill-awtorità tar-reġistrazzjoni tal-artijiet tal-post fejn tinsab il-proprjetà. Tista’ tikseb l-ismijiet ta’ sidien suċċessivi u l-prezzijiet miksuba mal-bejgħ tal-proprjetà għall-finijiet ta’ informazzjoni. B’talba, kull awtorità tipprovdi informazzjoni u kopji tal-atti (copies des actes) mill-indiċi tar-reġistru tal-artijiet relatat ma’ proprjetà jew ma’ persuna fil-pussess ta’ proprjetà fil-ġuriżdizzjoni tagħha. Din l-informazzjoni tingħata bi ħlas. L-ispiża tvarja skont it-tip u l-għadd ta’ talbiet. L-informazzjoni bħalissa mhix ċentralizzata. Konsegwentement, sabiex tikseb informazzjoni dwar proprjetajiet li jinsabu f’ġuriżdizzjonijiet differenti, trid tagħmel talba separata lil kull awtorità tar-reġistrazzjoni tal-artijiet rilevanti.

Din l-informazzjoni issa hija kompletament diġitalizzata u kompjuterizzata. Xi nutara (notaires) Franċiżi għandhom aċċess simultanju għad-data miżmuma mill-awtoritajiet tar-reġistru tal-artijiet kollha fi Franza permezz ta’ server ġestit mill-Kunsill Għoli tan-Nutara (Conseil supérieur du notariat), minħabba li bħalissa qed tiġi implimentata għodda tal-IT ġdida. Dan l-aċċess dirett għall-indiċi tar-reġistru tal-artijiet mhuwiex disponibbli għal professjonisti legali oħra jew individwi.

Fid-dipartimenti ta’ Bas-Rhin, Haut-Rhin u Moselle, ir-reġistru tal-artijiet ilu kompletament kompjuterizzat mill-2008. Ir-reġistru tal-artijiet u r-reġistru tal-ipoteki (registre des dépôts) jistgħu jiġu kkonsultati liberament personalment jew b’mod remot. Kull min jikkonsulta din id-data jista’ jikseb kopja maħruġa mir-reġistru (greffe) jew mill-istituzzjoni pubblika (établissement public) rilevanti. Il-kopji jinħarġu minn istituzzjonijiet pubbliċi għall-finijiet ta’ informazzjoni biss. Dawn is-servizzi huma bi ħlas.

Id-drittijiet ta’ konsultazzjoni jvarjaw skont l-istatus tar-rikjedent. Ċerti professjonisti, bħan-nutara, għandhom drittijiet usa’ ta’ konsultazzjoni (jistgħu jagħmlu tiftix fid-data kollha tar-reġistru tal-artijiet dwar persuni kif ukoll proprjetajiet). Konsultazzjoni abbażi ta’ isem ta’ persuna hija miftuħa għal professjonisti oħra, bħal avukati, jew għal kwalunkwe persuna b’titolu eżekuttiv (titre exécutoire) jew awtorizzazzjoni minn imħallef. Konsultazzjoni abbażi ta’ proprjetà hija miftuħa għal kulħadd.

L-aħħar aġġornament: 01/03/2023

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - il-Kroazja

Is-sistema tal-Kroazja għar-reġistrazzjoni tal-proprjetà immobbli u tat-titoli assoċjati hija bbażata fuq żewġ reġistri – ir-reġistru tal-artijiet ġestit mill-qrati muniċipali (općinski sudovi) (qrati ordinarji), u l-katast ġestit mill-Amministrazzjoni Ġeodetika tal-Istat (Državna geodetska uprava). Madankollu, fil-każ tar-reġjun tal-Belt ta’ Zagreb, il-katast huwa ġestit mill-Uffiċċju tal-Belt għall-Katast u għall-Attivitajiet Ġeodetiċi (Gradski ured za katastar i geodetske poslove). Fil-katast, il-proprjetà immobbli hija deskritta f’termini tal-karatteristiċi tekniċi tagħha, filwaqt li fir-reġistri tal-artijiet, id-data dwar l-irqajja’ katastali hija kkombinata ma’ data dwar id-detenturi tad-drittijiet ta’ sjieda u drittijiet oħra in rem. Ir-reġistri tal-artijiet jintużaw ukoll biex jiġu rreġistrati drittijiet u fatti oħra rilevanti għat-tranżazzjonijiet tal-proprjetà immobbli, kif previst f’liġijiet speċifiċi.

Is-sistema tal-Kroazja għar-reġistrazzjoni tal-proprjetà immobbli u tat-titoli assoċjati għandha diversi objettivi, li l-aktar importanti fosthom huma li tiġi żgurata s-sigurtà tat-tranżazzjonijiet tal-proprjetà immobbli u li jiġu protetti t-titoli rreġistrati fir-reġistri. Bħala tali, il-katast u r-reġistru tal-artijiet huma pilastri fundamentali li fuqhom huwa bbażat l-istat tad-dritt.

Riforma tar-reġistrazzjoni tal-artijiet

Il-Gvern tar-Repubblika tal-Kroazja ilu sa mill-2003 jimplimenta l-programm nazzjonali biex itejjeb l-organizzazzjoni tar-reġistri tal-artijiet u tal-katast (imsejjaħ fil-qosor “Art Organizzata” (Uređena zemlja)) permezz tal-Ministeru tal-Ġustizzja (Ministarstvo pravosuđa) u l-Amministrazzjoni Ġeodetika tal-Istat.

Dan il-programm jinkludi l-attivitajiet kollha mwettqa mill-ministeru responsabbli għal materji ġudizzjarji u mill-Amministrazzjoni Ġeodetika tal-Istat biex tiġi mmodernizzata u mtejba l-organizzazzjoni tar-reġistrazzjoni tal-proprjetà immobbli fil-Kroazja. Minbarra l-attivitajiet regolari u diversi proġetti bilaterali, wieħed mill-komponenti ewlenin tar-riforma huwa proġett għat-titjib tal-organizzazzjoni tar-reġistri tal-artijiet u tal-katasti.

Il-proġett tnieda bl-għan ewlieni li tiġi stabbilita sistema effettiva tal-amministrazzjoni tal-artijiet li tikkontribwixxi għall-iżvilupp ta’ suq tal-proprjetà immobbli li jiffunzjona tajjeb.

Ir-riforma fir-reġistrazzjoni tal-artijiet ħolqot il-prekundizzjonijiet għall-implimentazzjoni ta’ sistema effettiva tar-reġistrazzjoni tal-proprjetà immobbli. Taħt din is-sistema, ġiet żviluppata Sistema ta’ Informazzjoni Konġunta dwar ir-Reġistri tal-Artijiet u l-Katast (Zajednički informacijski sustav zemljišnih knjiga i katastra – ZIS). L-għan ta’ din is-sistema ta’ informazzjoni huwa li tiġi stabbilita bażi tad-data unika u applikazzjonijiet għall-ġestjoni u l-manutenzjoni tad-data katastali u tar-reġistru tal-artijiet. Iz-ZIS ilha titħaddem b’mod sħiħ fil-107 uffiċċju tar-reġistru tal-artijiet kollha tal-Kroazja u fil-112-il uffiċċju katastali u fl-Uffiċċju tal-Belt għall-Katast u għall-Attivitajiet Ġeodetiċi tal-Belt ta’ Zagreb mill-21 ta’ Novembru 2016.

Ħafna mir-riżultati tar-riforma diġà huma evidenti. L-immodernizzar taż-żewġ sistemi (il-katast u r-reġistri tal-artijiet) ħaffef u ssimplifika l-proċess tar-reġistrazzjoni tal-proprjetà immobbli u tat-titoli assoċjati. L-informazzjoni tista’ tinkiseb minnufih mill-katast u mir-reġistri tal-artijiet; id-data kollha katastali u tar-reġistru u tal-artijiet ġiet diġitalizzata u tista’ tiġi kkonsultata fuq l-internet 24 siegħa kuljum.

Il-“Punt Uniku ta’ Servizz” jipprovdi aċċess aħjar, aktar mgħaġġel u aktar sempliċi għad-data katastali u tar-reġistru tal-artijiet, li jwassal, min-naħa tiegħu, għal titjib fil-livell tal-kwalità u l-provvista ta’ servizzi aktar rapidu, fi kliem ieħor, reġistrazzjoni aktar rapida ta’ tranżazzjonijiet ta’ proprjetà immobbli bis-saħħa ta’ involviment akbar ta’ utenti esterni ewlenin, u jiffaċilita l-aċċess għad-data, li hija disponibbli f’post wieħed.

Din is-sistema tagħmilha possibbli li estratti mir-reġistri tal-artijiet jinħarġu b’mod elettroniku (permezz tal-pjattaforma taċ-Ċittadini elettroniċi (eGrađani), avukati u nutara) u li jsiru talbiet elettroniċi lill-utenti awtorizzati (avukati, nutara u prosekuturi) għad-dħul f’reġistru tal-artijiet.

Din is-sistema hija waħda mill-pedamenti ewlenin għall-istabbiliment ta’ gvern mingħajr karti fil-Kroazja (e-Hrvatska), u għall-iżgurar tal-fiduċja pubblika fir-reġistri tal-Kroazja.

Reġistri tal-artijiet – karatteristiċi essenzjali

  • Ir-reġistri tal-artijiet huma reġistri pubbliċi għar-reġistrazzjoni ta’ data dwar l-istatus legali tal-proprjetà immobbli li tkun rilevanti għat-tranżazzjonijiet legali.
  • Ir-reġistri tal-artijiet huma ġestiti mill-qrati muniċipali tal-Kroazja.
  • Ir-reġistri tal-artijiet jinżammu f’format elettroniku.
  • Reġistru tal-artijiet huwa pubbliku u kulħadd jista’ jitlob aċċess għalih.
  • Ir-reġistri tal-artijiet jikkonsistu f’reġistru ewlieni u f’ġabra ta’ dokumenti.
  • L-estratti jistgħu jittieħdu mir-reġistru ewlieni u kopji jew kopji stampati jistgħu jittieħdu mill-ġabra ta’ dokumenti.
  • Ir-reġistri tal-artijiet, l-estratti, u l-kopji stampati u t-traskrizzjonijiet mir-reġistri tal-artijiet huma oġġetti ta’ fiduċja pubblika u għandhom il-valur probatorju tad-dokumenti pubbliċi.

Il-proċedura li għandha tiġi segwita fl-uffiċċji tar-reġistri tal-artijiet hija stabbilita:

fl-Att dwar ir-Reġistru tal-Artijiet (Zakon o zemljišnim knjigama) (Narodne Novine (NN; Gazzetta Uffiċjali tar-Repubblika tal-Kroazja) Nru 63/19);

fir-Regoli dwar l-istruttura interna u l-operat tar-reġistri tal-artijiet u t-twettiq ta’ kompiti oħra fil-qrati tar-reġistrazzjoni tal-artijiet (ir-Regoli ta’ Proċedura għar-Reġistrazzjoni tal-Artijiet) (Pravilnik o unutarnjem ustroju, vođenju zemljišne knjige i obavljanju drugih poslova u zemljišnoknjižnim sudovima (Zemljišnoknjižni poslovnik)) (NN 81/97, 109/92, 123/02, 153/02, 14/05 u 60/10) u f’regolamenti oħra.

X’inhu estratt minn reġistru tal-artijiet?

Estratt minn reġistru tal-artijiet huwa evidenza ta’ sjieda jew ta’ xi titolu ieħor li jista’ jkun suġġett għar-reġistrazzjoni f’reġistru tal-artijiet. L-estratti, jiġifieri l-kopji stampati u t-traskrizzjonijiet mir-reġistri tal-artijiet huma oġġetti ta’ fiduċja pubblika u għandhom il-valur probatorju tad-dokumenti pubbliċi.

Mit-2 ta’ Novembru 2015, in-nutara, l-avukati u l-prosekuturi pubbliċi, bħala utenti awtorizzati, u persuni fiżiċi u ġuridiċi oħra, bħala utenti, setgħu jiksbu estratti mir-reġistri tal-artijiet b’mod elettroniku permezz tal-pjattaforma e-Citizens.

Kif jaħdmu l-uffiċċji tar-Reġistru tal-Artijiet tal-qrati muniċipali?

L-uffiċċji tar-reġistri tal-artijiet tal-qrati muniċipali jisimgħu proċedimenti biss abbażi ta’ mozzjoni minn persuna awtorizzata biex tagħmel proposta jew abbażi ta’ sottomissjoni għar-reġistrazzjoni tal-art minn awtorità kompetenti (eż. uffiċċju ta’ korp tal-amministrazzjoni tal-Istat, bħall-katast, qorti oħra, jew simili).

Mill-15 ta’ Marzu 2017, sar possibbli, fuq il-bażi ta’ mozzjoni minn persuna jew minn awtorità kompetenti, li tali proposta jew sottomissjoni tiġi ppreżentata b’mod elettroniku minn nutar, avukat jew prosekutur pubbliku.

L-aħħar aġġornament: 15/05/2023

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Jekk jogħġbok innota li l-verżjoni bil-lingwa oriġinali ta' din il-paġna it-Taljan ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.

Reġistri tal-artijiet fil-pajjiżi tal-UE - Italja

Din it-taqsima tagħti ħarsa ġenerali lejn ir-reġistru tal-artijiet tal-Italja.

X’għandu x’joffri r-reġistru tal-Artijiet Taljan?

Ir-Il-link jinfetaħ f'tieqa ġdidaReġistru tal-Artijiet Taljan jinżamm mill-Agenzia del Territorio, entità pubblika mhux ekonomika li topera taħt il-kontroll tal-Ministeru tal-Ekonomija u l-Finanzi, kif ukoll twettaq funzjonijiet katastali (proprjetà).

Ir-reġistri jfornu informazzjoni dwar kuntratti ta’ trasferiment ta’ pussess u dwar drittijiet oħra dwar l-art, kif ukoll dwar l-istabbiliment u t-tħassir ta’ ipoteki.

Barra minn hekk, il-Il-link jinfetaħ f'tieqa ġdidaProvinċja ta’ Trento u Bolzano, li hija awtonoma, iżomm ir-reġistru tagħha stess. Din tforni l-aktar informazzjoni katastali (proprjetà).

L-aċċess għar-reġistru tal-artijiet Taljan huwa mingħajr ħlas?

L-aċċess għar-reġistri huwa soġġett għall-ħlas ta’ taxxa. Għaldaqstant, il-proċedura għall-aċċess onlajn teħtieġ ir-reġistrazzjoni minn qabel mas-servizzi finanzjarji onlajn tal-Poste Italiane (is-Sistema Postali Taljana).

Ir-reġistru tal-Provinċja ta’ Trento u Bolzano huwa aċċessibbli biss għall-utenti reġistrati.

Kif tagħmel tiftixa fir-reġistru tal-artijiet Taljan

L-informazzjoni li tinżamm fir-reġistri tal-artijiet hija organizzata skont is-suġġett (persuna fiżika jew legali). Tista’ tfittex l-informazzjoni skont il-persuna, il-proprjetà jew il-kuntratt.

L-istorja tar-reġistru tal-artijiet Taljan

Il-kompjuterizzazzjoni tal-informazzjoni reġistrata bdiet fl-1986. Wara riorganizzazzjoni kbira fil-Ministeru tal-Finanzi, il-katast u r-reġistri tal-artijiet tal-Italja ġew integrati taħt amministrazzjoni waħda, u t-trasferiment elettroniku beda fl-1995. L-aħħar riforma komprensiva fl-amministrazzjoni finanzjarja stabbiliet erba’ aġenziji fiskali awtonomi (inkluż l-Agenzia del Territorio, li ilha topera mill-1 ta’ Jannar 2001). Il-kompjuterizzazzjoni tas-servizzi żdiedet, li wasslet għas-sistema ta’ informazzjoni elettronika li hemm bħalissa, li tnediet fil-bidu tal-2007.

L-aħħar aġġornament: 18/01/2022

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Ċipru

X'għandu x'joffri r-reġistru tal-artijiet?

L-amministrazzjoni tar-reġistri tal-artijiet hija r-responsabbiltà tad-Il-link jinfetaħ f'tieqa ġdidaDipartiment tal-Artijiet u tas-Servejs (Τμήμα Κτηματολογίου και Χωρομετρίας) tal-Il-link jinfetaħ f'tieqa ġdidaMinisteru tal-Intern (Υπουργείο Εσωτερικών). Partijiet kbar mir-reġistri tal-artijiet ġew ikkompjuterizzati waqt l-iżvilupp tas-Sistema ta’ Informazzjoni dwar l-Artijiet (SIA) (Σύστημα Πληροφοριών Γης (ΣΠΓ), li bdiet f’Settembru 1995. Is-SIA tinkludi erba’ bażijiet tad-dejta: bażi tad-dejta legali (κτηματολογική βάση), bażi tad-dejta fiskali (εκτιμητική βάση), bażi tad-dejta diġitali/katastali (γεωγραφική/κτηματική βάση) u bażi tad-dejta tas-servejs (χωρομετρική βάση).

Ir-Reġistru tal-Artijiet ta’ Ċipru jinkludi informazzjoni dwar l-identità ta’ kull biċċa art irreġistrata jew ta’ kull unità ta’ proprjetà immobbli rreġistrata. Iktar importanti minn hekk, jinkludi r-referenza għas-servej tal-biċċa art jew tal-unità, il-post fejn tinsab, deskrizzjoni, l-erja tas-superfiċje, il-valur fiskali u kwalunkwe ħlasijiet in rem, ipoteki jew djun fuq il-proprjetà, kuntratti ta’ bejgħ, servitujiet, kirjiet, ftehimiet restrittivi jew informazzjoni relatata oħra. Ir-reġistru jinkludu wkoll dettalji tal-proprjetarju jew tal-proprjetarji, is-sehem ta’ kull proprjetarju kif ukoll kif u meta kienet akkwistata l-proprjetà.

Fl-14 ta’ Lulju 2009, fil-bażi tad-dejta legali ġie rreġistrat total ta’ 1,082,660,000 proprjetà f’Ċipru ħieles u fil-parti okkupata (jiġifieri 85.25%).

L-aċċess għar-reġistru tal-artijiet huwa mingħajr ħlas?

M’hemm l-ebda aċċess pubbliku għar-reġistru tal-artijiet u għas-Sistema ta’ Informazzjoni dwar l-Artijiet. Il-partijiet interessati biss jistgħu jitolbu informazzjoni dwar il-proprjetà li jkollhom interess leġittimu fiha.

Il-ħlasijiet li jsiru sabiex jinkiseb ċertifikat ta’ tiftix mid-Dipartiment tal-Artijiet u tas-Servejs ivarjaw skont l-informazzjoni mitluba.

Ċertifikat ta’ tiftix

(a) għal proprjetà rreġistrata lil persuna msemmija, għal kull villaġġ jew parroċċa

€ 1.71

(b) għal proprjetà rrekordjata lil persuna msemmija, għal kull villaġġ jew parroċċa

€ 0.85

(c) għal isem il-proprjetarju rreġistrat ta’ proprjetà rreġistrata speċifikata, għal kull proprjetà

€ 0.85

(d) għall-istorja ta’ jew għall-ħlasijiet in rem fuq proprjetà speċifikata jew għal kwalunkwe informazzjon oħra fejn m’hemm l-ebda ħlas preskritt, għal kull siegħa tiftix

€ 8.54


Kif tagħmel tiftixa fir-reġistru tal-artijiet

F’Ċipru, skont il-leġiżlazzjoni kurrenti, il-partijiet interessati biss għandhom aċċess għar-reġistri tal-artijiet. L-informazzjoni tingħata fil-forma ta’ ċertifikat imsejjaħ “ċertifikat ta’ tiftix” (πιστοποιητικό έρευνας). Ċertifikat ta’ tiftix jinħareġ darba biss ladarba tkun ġiet ippreżentata applikazzjoni u jsir il-ħlas preskritt lid-Dipartiment tal-Artijiet u tas-Servejs. L-applikazzjonijiet jiġu ppreżentati permezz tal-formola Ν.50 u jistgħu jiġu ppreżentati fi kwalunkwe Uffiċċju tal-Artijiet (Κτηματολογικό Γραφείο) minn kwalunkwe parti interessata jew mill-aġent jew mill-avukat tagħha. Skont l-Artikolu 51A fil-Kapitolu 224 tal-Liġi dwar il-Proprjetà Immobbli (Dritt għall-Proprjetà ta’ Art, Reġistrazzjoni u Valutazzjoni) (O περί Ακίνητης Ιδιοκτησίας (Διακατοχή, Εγγραφή και Εκτίμηση) Νόμος), “parti interessata” tfisser il-proprjetarju, is-suċċessuri fid-dritt universali jew speċifiċi tiegħu, il-proprjetarju ta’ kwalunkwe siġra, bini jew oġġett ieħor fuq l-art li tappartjeni lil persuna oħra u viċe versa, persuna bi kwalunkwe dritt jew interess fil-proprjetà immobbli, persuna li tissodisfa lid-Direttur li hija xerrejja prospettiva jew persuna li tissellef flus b’kuntratt ta’ ipoteka, l-attur fi kwalunkwe rikors kontra l-proprjetarju tal-proprjetà, valutatur professjonali li jeħtieġ ċerta informazzjoni sabiex jivvaluta ċerta proprjetà immobbli b’konnessjoni ma’ bejgħ mandatorju u kwalunkwe persuna li ma ġietx speċifikata diġà li d-Direttur jordna li għandha tingħatalha dik l-informazzjoni.

Ċertifikat ta’ tiftix jinħareġ fuq il-formola Ν.51 mill-Uffiċċju tal-Artijiet responsabbli mir-reġistru jew mill-ktieb fejn l-informazzjoni tkun irreġistrata, iffirmat u ttimbrat bis-siġill tad-Dipartiment u mgħoddi jew impostat lill-applikant.

L-istorja tar-reġistru tal-artijiet

Il-bażi tad-dejta li kienet il-prekursur għar-reġistru tal-artijiet kurrenti nbdiet fl-aħħar snin tal-Imperu Ottoman fil-21 ta’April 1858, bl-adozzjoni tal-Kodiċi Ottoman dwar l-Artijiet (Οθωμανικός Κώδικας περί Γαιών). L-iskop prinċipali tar-reġistru tal-artijiet f’dak iż-żmien kien li tiġi rreġistrata l-art, speċjalment l-art li kienet proprjetà tal-Istat ipprovduta lill-bdiewa kerrejja, u li jiġu rreġistrati l-bejgħ u t-trasferimenti ta’ u l-ipoteki fuq il-proprjetà immobbli.

Dan ta lok għall-ewwel reġistri, fejn bdew jiġu rreġistrati l-atti kollha ta’ kuljum.

Fl-1860 għaddiet leġiżlazzjoni ġdida li kienet teħtieġ valutazzjoni u reġistrazzjoni mandatorji u sistematiċi tal-forom kollha ta’ proprjetà u l-provvista tal-kuntratti rilevanti tad-drittijiet għall-artijiet (‘Γιοκλάμα’). L-art f’kull villaġġ kienet suġġetta għal servej approssimattiv u tniżżlet f’reġistri separati u l-persuni interessati kellhom jagħmlu ħlasijiet ta’ reġistrazzjoni sabiex jiksbu dokument li juri li kellhom dritt għal art. Il-persuni li ma ħallsux ma ngħatawx dan id-dokument u l-annotazzjonijiet korrispondenti fir-reġistri tħallew bla data u skadew mill-1943 ’il quddiem.

Fl-4 ta’ Ġunju 1878, meta t-Torok ċewdew drittijiethom fuq Ċipru lill-Brittanja, il-Brittaniċi żammew is-sistema fis-seħħ kif kienet u min-naħa tagħhom użaw ir-“reġistru tal-artijiet” bħala mezz biex jimponu u jiġbru t-taxxi.

Madankollu, fl-1890, minħabba d-diffikultajiet ikkawżati minn daqstant reġistri differenti kien deċiż li kien hemm ħtieġa urġenti li jiġu tradotti għall-Ingliż u kkonsolidati f’reġistru wieħed ġdid. L-annotazzjonijiet kollha fir-reġistri l-antiki kienu ttrasferiti eżattament kif kienu fid-data tat-trasferiment f’dan ir-reġistru l-ġdid li kien ippreparat f’kull villaġġ separatament.

Fl-1904, ingħata bidu għal servej ta’ Ċipru fuq il-bażi tad-dispożizzjonijiet tal-Liġi dwar is-Servej għal Fini ta’  Dħul (Ο περί Χωρομετρήσεως για σκοπούς προσόδων Νόμος) Nru. 5 tal-1890, sabiex is-sistema ta’ reġistrazzjoni ssir iktar affidabbli u effiċjenti.

Filwaqt li kienu għaddejjin is-servejs u l-iddisinjar tal-mapep ta’ Ċipru (kif inbdew fl-1904), ġiet mgħoddija l-Liġi dwar ir-Reġistrazzjoni u l-Valutazzjoni tal-Proprjetà Immobbli (Ο περί Εγγραφής και Εκτιμήσεως Ακινήτου Ιδιοκτησίας Νόμος) Nru. 12 tal-1907 sabiex ikunu rreġistrati u jsiru servejs tal-proprjetajiet immobbli kollha sal-1929.

Ladarba ntemmew is-servejs u l-mapep, ġiet ivvalutata u rreġistrata l-proprjetà immobbli fir-reġistru tal-artijiet. Ir-reġistru kien jinkludi l-informazzjoni kollha li kienet tiddefinixxi kull proprjetà immobbli separata u l-isem u l-interess ta’ kull proprjetarju. Wara r-reġistrazzjoni, l-Istat ħareġ lill-proprjetarju dokument uffiċjali li juri li kellu dritt għall-art.

Ir-reġistrazzjoni tal-proprjetà immobbli f’Ċipru ntemmet fl-1929. Din il-proċedura tat lok għal tliet reġistri, li għadhom jintużaw sal-lum:

  1. Tip aħjar ta’ reġistru tal-artijiet (Μητρώο Εγγραφής) li jinkludi d-dettalji u l-identità tal-proprjetà kollha.
  2. Reġistru Fiskali (Φορολογικό Μητρώο), fejn il-proprjetà immobbli ta’ kull persuna kienet irreġistrata skont iż-żona ġeografika, flimkien mal-valur totali tal-proprjetà għall-finijiet tat-taxxa fuq l-art.
  3. Skeda ta’ Valur (Δελτίο Εκτιμητών), magħrufa bħala l-formola Ν115, li tiddeskrivi l-proprjetà skont iż-żona ġeografika u l-paġna/pjan (erja tas-superfiċje, post, benefiċjarju u valur tal-proprjetà).

Meta ġie mgħoddi l-Kapitolu 224 tal-Liġi dwar il-Proprjetà Immobbli (Dritt għall-Proprjetà tal-Art, Reġistrazzjoni u Valutazzjoni) u tniżżel fil-ktieb tal-istatuti fl-1 ta’ Settembru 1946, il-liġijiet Ottomani u ħafna mil-liġijiet kolonjali sussegwenti kienu rrevokati, inkluża l-Liġi Nru. 12 tal-1907 (li kienet għadha fil-ktieb tal-istatuti), u ġiet introdotta bażi ġdida u moderna għar-reġistrazzjoni, għad-dritt għall-proprjetà tal-art u għall-valutazzjoni tal-proprjetà immobbli.

Il-kompjuterizzazzjoni tar-reġistru tal-artijiet inbdiet fl-1995 u għaddejja b’ritmu tajjeb.

Links relatati

Il-link jinfetaħ f'tieqa ġdidaDipartiment tal-Artijiet u tas-Servejs

Il-link jinfetaħ f'tieqa ġdidaMinisteru tal-Intern

L-aħħar aġġornament: 11/03/2024

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Latvja

Din it-taqsima tipprovdi ħarsa ġenerali lejn ir-Reġistru tal-Artijiet Unifikat Kompjuterizzat tal-Istat Latvjan (Zemesgrāmata) u s-sistema ta’ informazzjoni katastali (Kadastrs).

Hemm żewġ reġistri fil-Latvja:

  • Is-Il-link jinfetaħ f'tieqa ġdidasistema ta’ informazzjoni katastali miżmuma mis-Servizz tal-Artijiet tal-Istat (Valsts zemes dienests), li tirreġistra u taġġorna data dwar proprjetajiet immobbli, gravami, unitajiet tal-art, bini (strutturi), gruppi ta’ bini, partijiet ta’ unitajiet tal-art u d-dettalji karatteristiċi tagħhom, kif ukoll dwar is-sidien, id-detenturi, l-utenti u l-kerrejja tagħhom;
  • Ir-Il-link jinfetaħ f'tieqa ġdidaReġistru tal-Artijiet Unifikat Kompjuterizzat tal-Istat miżmum mir-Reġistru tal-Artijiet tal-Amministrazzjoni tal-Qorti, li jirreġistra data dwar id-drittijiet tal-proprjetà rreġistrati mar-Reġistru tal-Artijiet u dwar il-piżijiet tal-proprjetà immobbli.

Ir-Reġistru tal-Artijiet

X’joffri r-Reġistru tal-Artijiet Unifikat Kompjuterizzat tal-Istat?

L-Il-link jinfetaħ f'tieqa ġdidaAmministrazzjoni tal-Qorti hija l-maniġer u d-detentur tar-Il-link jinfetaħ f'tieqa ġdidaReġistru tal-Artijiet Unifikat Kompjuterizzat tal-Istat.

Il-proprjetajiet immobbli jiddaħħlu fir-Reġistri tal-Artijiet, u d-drittijiet relatati magħhom huma kkorroborati fihom. Ir-Reġistri tal-Artijiet huma disponibbli għall-pubbliku, u l-entrati tagħhom huma pubblikament affidabbli. Ir-Reġistri tal-Artijiet huma taħt il-ġuriżdizzjoni tal-qrati distrettwali (tal-belt) (rajona (pilsētastiesas).

Ir-Reġistru tal-Artijiet Unifikat Kompjuterizzat tal-Istat huwa bażi ta’ data elettronika li fiha r-Reġistri tal-Artijiet, il-ġurnali ta’ korroborazzjoni u l-indiċijiet alfabetiċi jinħażnu fuq bażi fit-tul mingħajr tibdil fil-kontenut tagħhom, b’mod li tiġi żgurata r-rappreżentazzjoni ta’ din id-data fuq skrin tal-kompjuter u f’kopji stampati tal-kompjuter.

Ir-Reġistru tal-Artijiet Unifikat Kompjuterizzat tal-Istat fih informazzjoni dwar proprjetà immobbli, inkluża informazzjoni dwar:

  • is-servitù u l-gravami ta’ proprjetà immobbli,
  • art maqlugħa,
  • is-sidien,
  • il-bażi legali għat-titolu,
  • notifiki dwar l-insolvenza,
  • pretensjonijiet tal-kredituri,
  • restrizzjonijiet,
  • ħatra ta’ werrieta sekondarji u kuntratti ta’ wirt,
  • drittijiet in rem li jxekklu l-proprjetà, u drittijiet ta’ rahan.

Ir-Reġistri tal-Artijiet jikkonsistu f’portafolli maqsuma f’erba’ partijiet.

L-ewwel parti tintuża biex tiġi rreġistrata informazzjoni dwar:

  • il-proprjetà immobbli inkwistjoni,
  • is-servitù u l-gravami tal-proprjetà immobbli stabbilita għall-benefiċċju ta’ proprjetà,
  • il-plottijiet ta’ art marbuta mal-proprjetà immobbli,
  • l-erja koperta minn proprjetà immobbli u l-art marbuta magħha,
  • art maqlugħa u ż-żona tagħha,
  • emendi għas-servitujiet u l-gravami mdaħħla fl-ewwel parti u t-tħassir tagħhom.

It-tieni parti tintuża biex tiġi rreġistrata informazzjoni dwar

  • is-sid tal-proprjetà immobbli,
  • il-bażi għad-drittijiet ta’ proprjetà u l-ammont li għalih ġiet akkwistata l-proprjetà immobbli, fejn dan huwa pprovdut,
  • notifiki li jiggarantixxu pretensjonijiet għal drittijiet ta’ proprjetà u rekords ta’ dawn id-drittijiet,
  • restrizzjonijiet fuq id-disponiment tal-proprjetà immobbli u l-gravami fuqha bi drittijiet in rem,
  • il-ħatra ta’ werrieta sekondarji,
  • kuntratti ta’ wirt.

It-tielet parti tintuża biex tiġi rreġistrata informazzjoni dwar

  • drittijiet in rem li huma ta’ gravami fuq il-proprjetà immobbli,
  • notifiki li jservu biex jiġu stabbiliti d-drittijiet in rem imsemmija hawn fuq.

Ir-raba’ parti tintuża biex tiġi rreġistrata informazzjoni dwar

  • drittijiet ta’ rahan stabbiliti fir-rigward tal-proprjetà immobbli u l-ammont tar-rahan,
  • notifiki li jistabbilixxu d-drittijiet ta’ rahan imsemmija hawn fuq,
  • emendi għal dawn ir-rekords u tħassir.

L-aċċess għar-Reġistru tal-Artijiet Unifikat Kompjuterizzat tal-Istat huwa mingħajr ħlas?

Il-funzjoni ta’ tiftix għal proprjetà immobbli rreġistrata fir-Reġistru tal-Artijiet Unifikat Kompjuterizzat tal-Istat hija mingħajr ħlas. Madankollu, hemm imposta ta’ EUR 5,00 biex wieħed jara portafoll.

L-imposta għall-abbonament kuntrattwali ta’ kull xahar huwa ta’ EUR 55,00, u biex wieħed jara portafoll il-ħlas huwa ta’ EUR 3,50.

Kif twettaq tiftix fir-Reġistru tal-Artijiet Unifikat Kompjuterizzat tal-Istat?

Tista’ tfittex informazzjoni dwar Il-link jinfetaħ f'tieqa ġdidaproprjetà immobbli rreġistrata fir-Reġistru tal-Artijiet Unifikat Kompjuterizzat tal-Istat:

  • bin-numru tal-portafoll,
  • bit-titolu tal-proprjetà,
  • bin-numru katastali,
  • bl-indirizz tal-proprjetà.

Informazzjoni dwar il-proprjetà immobbli hija disponibbli mill-Amministrazzjoni tal-Qorti li żżomm ir-Reġistru tal-Artijiet Unifikat Kompjuterizzat tal-Istat, mill-qrati distrettwali (tal-belt) u fuq l-internet.

L-awtoritajiet nazzjonali u l-uffiċjali li lilhom l-Amministrazzjoni tal-Qorti tipprovdi informazzjoni mill-kotba tar-rekords kompjuterizzati, kawżi dwar proprjetà immobbli u l-indiċi tal-persuni huma stipulati mir-Il-link jinfetaħ f'tieqa ġdidaRegolament tal-Kabinett.

L-Istorja tar-Reġistru tal-Artijiet Unifikat Kompjuterizzat tal-Istat

Perjodu sinifikanti fl-iżvilupp operattiv tar-Reġistri tal-Artijiet kien iċ-ċaqliq miftiehem għar-Reġistru tal-Artijiet kompjuterizzat u l-ħolqien tar-Reġistru tal-Artijiet Unifikat Kompjuterizzat tal-Istat. Kien hemm tranżizzjoni gradwali u mmirata lejn Reġistru tal-Artijiet elettroniku modern. Dan seħħ mill-akkwist tal-ewwel kompjuters, li ntużaw bħala tajprajters, sal-ħolqien tas-sistema ta’ reġistrazzjoni tal-proprjetà immobbli, il-konverżjoni tal-informazzjoni kollha tar-Reġistru tal-Artijiet minn format stampat għal format elettroniku, u l-unifikazzjoni tal-bażijiet tad-data tas-27 Uffiċċju tar-Reġistru tal-Artijiet tal-qorti distrettwali (tal-belt) fil-bażi tad-data tar-Reġistru tal-Artijiet tal-Istat Unifikat, li hija l-unika waħda li fiha informazzjoni rikonoxxuta legalment.

Fir-rigward tal-proċess ta’ kompjuterizzazzjoni, is-sena 1998 kienet sinifikanti, b’emendi li rriżultaw fiż-żieda ta’ kapitolu ġdid dwar ir-“Reġistru tal-Artijiet Kompjuterizzat” mal-Il-link jinfetaħ f'tieqa ġdidaLiġi dwar ir-Reġistru tal-Artijiet. Wara dawn il-bidliet, kien meħtieġ ammont sostanzjali ta’ xogħol sakemm, fl-ewwel nofs tal-2001, l-uffiċċji tal-fergħat kollha kienu ġew inkorporati gradwalment fir-Reġistru tal-Artijiet Unifikat Kompjuterizzat tal-Istat. B’mod parallel għall-introduzzjoni tas-sistema ta’ reġistrazzjoni tar-Reġistru tal-Artijiet, saret ħidma biex jiġi żviluppat it-tixrid u jittejjeb is-sit web.

Ir-reġistru tal-Artijiet Kompjuterizzat jinżamm bl-objettiv li r-Reġistru tal-Artijiet kollu jinħażen f’bażi ta’ data ċentrali unika, magħrufa skont il-liġi bħala r-Reġistru tal-Artijiet Unifikat Kompjuterizzat tal-Istat. Id-data li tinsab f’din il-bażi tad-data unifikata biss għandha forza legali, u l-persunal tal-Uffiċċji tar-Reġistru tal-Artijiet biss għandu aċċess għal din id-data. Il-prinċipji li bihom huma organizzati r-Reġistri tal-Artijiet baqgħu l-istess matul il-kompjuterizzazzjoni — il-ġuriżdizzjoni territorjali nżammet u, bħal qabel, l-Uffiċċji tar-Reġistru tal-Artijiet jaċċettaw talbiet biex idaħħlu rekords u jadottaw deċiżjonijiet dwar ir-reġistrazzjoni tal-proprjetà u dwar ir-reġistrazzjoni tad-drittijiet tal-proprjetà relatati fir-Reġistru tal-Artijiet.

Id-data tat-tnedija tar-Reġistru tal-Artijiet Kompjuterizzat kienet l-5 ta’ Lulju 2001. Kien f’dan il-jum li r-Reġistru tal-Artijiet Unifikat Kompjuterizzat tal-Istat beda jopera u s-sit web Il-link jinfetaħ f'tieqa ġdidahttps://www.zemesgramata.lv/ kien disponibbli għall-pubbliku ġenerali. Is-sit web jagħti aċċess għal informazzjoni dwar l-istatistika tal-Uffiċċji tar-Reġistru tal-Artijiet, l-aħbarijiet u l-pubblikazzjonijiet dwar ix-xogħol tar-Reġistru tal-Artijiet, il-ħinijiet tal-ftuħ u l-indirizzi tal-Uffiċċji, it-tariffi, l-aktar dokumenti importanti meħtieġa meta wieħed iżur l-Uffiċċju tar-Reġistru tal-Artijiet, u l-aktar importanti, informazzjoni dwar kull proprjetà mdaħħla fir-Reġistru tal-Artijiet, is-sid tagħha, piżijiet u ipoteki.

L-amministrazzjoni tal-Qorti ilha kompletament responsabbli għall-manutenzjoni organizzattiva u teknika tar-Reġistru tal-Artijiet Unifikat Kompjuterizzat tal-Istat mill-1 ta’ April 2004.

Mill-2022, l-għadd ta’ portafolli ta’ proprjetà immobbli miftuħa fir-Reġistri tal-Artijiet kien ta’ aktar minn 1.3 miljun. Fl-2021 kien hemm medja ta’ 216 000 talba elettronika għal aċċess għall-bażi tad-data tar-Reġistru tal-Artijiet Unifikat Kompjuterizzat tal-Istat kull xahar.

Is-sistema ta’ informazzjoni katastali

X’toffri s-sistema ta’ informazzjoni katastali Latvjana?

Is-Il-link jinfetaħ f'tieqa ġdidasistema ta’ informazzjoni katastali hija sistema kontabilistika unifikata li tipprovdi, iżżomm u tapplika data testwali u ġeografika uffiċjali aġġornata dwar proprjetajiet immobbli li jinsabu fir-Repubblika tal-Latvja, il-komponenti katastali kostitwenti tagħhom – unitajiet tal-art, bini (strutturi), gruppi ta’ bini, partijiet ta’ unitajiet tal-art u d-dettalji karatteristiċi tagħhom, kif ukoll dwar il-proprjetarji, id-detenturi, l-utenti u l-kerrejja tagħhom.

Huwa miżmum mis-Il-link jinfetaħ f'tieqa ġdidaServizz Statali tal-Artijiet.

Il-proprjetà fil-Latvja hija magħmula mill-erba’ tipi li ġejjin:

  • proprjetà immobbli komposta minn art;
  • proprjetà immobbli magħmula minn art u strutturi;
  • proprjetà immobbli magħmula biss minn struttura;
  • appartamenti, magħmula minn gruppi ta’ bini u partijiet nozzjonali tal-bini u tal-art.

Bħala kategorija ta’ proprjetà immobbli, l-art tkopri proprjetà immobbli fl-aktar sens wiesa’, jiġifieri art flimkien mal-istrutturi li jappartjenu lilhom, kif ukoll proprjetà li tikkonsisti biss f’art mhux żviluppata. Proprjetà fil-forma ta’ struttura hija proprjetà immobbli li tinkorpora biss struttura li tinsab fuq art li tappartjeni lil sid differenti. Proprjetà fil-forma ta’ appartament f’bini li jikkonsisti f’numru ta’ abitazzjonijiet li jappartjenu lil diversi sidien hija l-proprjetà ta’ kull sid individwalment, flimkien ma’ parti nozzjonali tal-proprjetà komuni rispettiva.

L-informazzjoni katastali tikkonsisti fi:

  • data testwali - informazzjoni dwar proprjetajiet immobbli, unitajiet ta’ art, bini (strutturi), gruppi ta’ bini, partijiet ta’ unitajiet tal-art u d-dettalji karatteristiċi tagħhom, kif ukoll dwar is-sid, id-detentur, l-utent u l-kerrej tagħhom;
  • data ġeografika - mappa katastali u data ġeografika għal stħarriġ katastali ta’ komponent katastali.
  • mappa katastali - fil-Latvja nħolqot bħala mappa ta’ ħarsa ġenerali diġitali, bl-użu ta’ data diġitali f’forma ta’ vettur miksuba mill-istħarriġ katastali tal-proprjetà immobbli. Dan ikopri t-territorju kollu tar-Repubblika tal-Latvja u jservi bħala ħarsa ġenerali lejn il-pożizzjoni relattiva tal-oġġetti murija fit-territorju. Il-grilja ta’ koordinati b’angolu ta’ lemin tal-mappa katastali tikkorrispondi mas-sistema ta’ koordinati ġeodeżika Latvjana LKS-92 TM (1992). Il-mappa katastali tinżamm b’mod preċiż li tikkorrispondi mad-data tal-istħarriġ katastali. Id-data tal-mappa katastali tinħażen fis-sistema tal-fajls.

Dan jindika d-deżinjazzjoni katastali tal-komponent katastali u juri d-data ġeografika li ġejja:

  • il-konfini ta’ unità tal-art u parti minnha;
  • il-punti ta’ konfini ta’ unità ta’ art u parti minnha;
  • il-kontorni esterni tal-istruttura u l-pożizzjoni fuq unità tal-art;
  • il-limitu u l-identifikatur taż-żona ta’ servitù tat-triq.

Id-data katastali tintuża għall-finijiet li ġejjin:

  • ir-reġistrazzjoni ta’ drittijiet ta’ proprjetà immobbli;
  • l-istabbiliment ta’ tranżazzjonijiet ta’ proprjetà immobbli;
  • l-użu u l-ippjanar tal-proprjetà immobbli għall-iżvilupp tagħha;
  • valwazzjoni katastali;
  • l-amministrazzjoni tat-taxxa fuq il-proprjetà immobbli;
  • l-iżvilupp ekonomiku nazzjonali, reġjonali u muniċipali u l-ippjanar territorjali;
  • operazzjonijiet ta’ użu tal-art u pjanijiet ta’ protezzjoni ambjentali;
  • it-tħejjija ta’ informazzjoni statistika nazzjonali;
  • it-tfassil tal-valur kontabbli tal-art;
  • il-ħolqien u ż-żamma ta’ sistemi ta’ informazzjoni ġeografika;
  • jipprovdu għall-interessi tas-sidien ta’ reġistri u sistemi ta’ informazzjoni oħrajn;
  • objettivi oħra.

L-aċċess għas-sistema ta’ informazzjoni katastali Latvjana huwa mingħajr ħlas?

Il-parti Pubblika u l-Parti Awtorizzata huma disponibbli fuq il-portal tal-SLS għall-pubblikazzjoni tad-data u s-servizzi elettroniċi Il-link jinfetaħ f'tieqa ġdidahttps://www.kadastrs.lv/.

Fil-Parti Pubblika, l-informazzjoni li ġejja mis-sistema ta’ informazzjoni katastali hija disponibbli mingħajr ħlas għal kwalunkwe parti interessata:

  • Data testwali
    • Proprjetà immobbli
    • Kompożizzjoni ta’ proprjetà immobbli
      • Għan-negozji
      • Unitajiet tal-art
      • Gruppi ta’ bini (li juru biss gruppi ta’ bini li jappartjenu għal proprjetajiet ta’ appartamenti)
  • Data ġeografika
    • Fuq il-mappa bażi ta’ skala 1: 50 000, ikona timmarka pożizzjoni approssimattiva tal-komponent katastali
  • Data testwali mir-reġistru nazzjonali tal-indirizzi
    • Indirizz
    • Indirizz storiku
  • Servizzi elettroniċi
    • Applika għal kont ta’ entità ġuridika fuq kadastrs.lv;
    • Id-data tiegħi fil-kataster;
    • Mapep tematiċi.

Bbrawżjar aktar dettaljat ta’ data katastali fil-Parti Pubblika tal-portal SLS għall-pubblikazzjoni tad-data u s-servizzi elettroniċi Il-link jinfetaħ f'tieqa ġdidahttps://www.kadastrs.lv/ huwa servizz imħallas, filwaqt li l-użu tal-verżjoni awtorizzata jirrikjedi kredenzjali li jistgħu jinkisbu permezz ta’ ftehimiet ta’ kooperazzjoni mas-SLS.Il-link jinfetaħ f'tieqa ġdidaData testwali katastali aktar dettaljataIl-link jinfetaħ f'tieqa ġdidadata katastali ġeospazjaliIl-link jinfetaħ f'tieqa ġdidadata ġeospazjali tar-Reġistru tal-Indirizzi NazzjonaliIl-link jinfetaħ f'tieqa ġdidainformazzjoni topografika dettaljata ħafna huma aċċessibbli fil-Parti Awtorizzata.

Fuq il-portal kadastrs.lv, huwa possibbli li taċċessa online d-data dwar il-valur katastali storiku tal-proprjetà immobbli, tagħżel u tistampa data testwali bażika dwar komponenti katastali u tuża diversi saffi ta’ mapep u mapep tematiċi disponibbli maħluqa mis-SLS. Fuq il-portal, huwa possibbli li tapplika għas-servizzi elettroniċi tal-SLS u tagħmel użu mit-taqsima “Il-Kont Tiegħi”, jiġifieri timmaniġġja l-ordnijiet kollha fuq il-post u elettroniċi, tħallas il-fatturi u tirċievi materjali tas-servizz mingħajr ma jkollok għalfejn iżżur iċ-ċentru tas-servizzi għall-klijenti personalment.

Servizzi elettroniċi mħallsa fuq il-portal:

  • ibbrawżjar ta’ siegħa ta’ data ġeospazjali (mingħajr obbligi kuntrattwali);
  • data testwali katastali dettaljata (mingħajr obbligi kuntrattwali);
  • valur katastali storiku;
  • informazzjoni standard dwar il-valur tal-proprjetà immobbli;
  • informazzjoni standard dwar il-projbizzjonijiet fuq l-aljenazzjoni rreġistrata għal proprjetà immobbli;
  • informazzjoni standard dwar il-valur katastali ta’ unità ta’ art;
  • informazzjoni standard dwar parti minn unità ta’ art;
  • informazzjoni standard dwar il-valur katastali ta’ struttura;
  • informazzjoni standard dwar struttura (data bażika);
  • informazzjoni standard dwar grupp ta’ bini;
  • aġġornamenti tad-data katastali;
  • reġistrazzjoni ta’ parti minn unità ta’ art;
  • bidliet fil-kompożizzjoni tal-proprjetà immobbli;
  • l-għażla tad-data;
  • tniżżil ta’ data ġeospazjali;
  • materjal għall-arkivjar;
  • applikazzjoni għall-wasla ta’ pjanijiet tal-art tal-bini u pjanijiet ta’ grupp ta’ bini.

Servizzi oħra mħallsa:

  • stħarriġ katastali fuq il-post ta’ bini u gruppi ta’ bini;
  • il-kisba ta’ data dwar id-dettalji karatteristiċi tal-istrutturi u l-gruppi ta’ bini mingħajr stħarriġ fuq il-post;
  • id-determinazzjoni tal-obsolexxenza ta’ struttura jew oġġett tal-inġinerija ċivili.
  • ir-reġistrazzjoni ta’ data dwar komponent katastali ġdid, jew ir-rifjut tiegħu;
  • l-aġġornament tad-data dwar komponent katastali, jew ir-rifjut tiegħu;
  • it-tħassir ta’ data ta’ komponent katastali;
  • il-forniment ta’ volum standardizzat u t-tip ta’ data mis-sistema ta’ informazzjoni katastali;
  • il-forniment ta’ volum mhux standardizzat u t-tip ta’ data mis-sistema ta’ informazzjoni katastali;
  • informazzjoni katastali standard;
  • l-għoti ta’ informazzjoni mir-reġistru nazzjonali tal-indirizzi;
  • l-għoti ta’ informazzjoni mid-database ċentrali ta’ informazzjoni topografika dettaljata ħafna;
  • l-għoti ta’ informazzjoni mis-Sistema ta’ Informazzjoni tat-Territorji Kbarkati;
  • l-għoti ta’ informazzjoni mill-arkivji tal-SLS;
  • kalkolu tal-valur katastali tal-komponenti katastali;
  • determinazzjoni ta’ valuri speċjali;
  • it-teħid ta’ deċiżjonijiet fil-qafas tar-riforma tal-art fil-każijiet previsti fil-leġiżlazzjoni;
  • l-għoti ta’ opinjoni fil-każijiet previsti mil-leġiżlazzjoni;
  • tfassil ta’ ċertifikati u dikjarazzjonijiet.

Kif tfittex fis-sistema ta’ informazzjoni katastali Latvjana?

Is-sistema ta’ informazzjoni katastali tista’ tintuża biex jinstabu proprjetà, unitajiet tal-art, strutturi u gruppi ta’ bini. Aktar informazzjoni dwar l-użu tal-funzjoni tat-tiftix hija disponibbli Il-link jinfetaħ f'tieqa ġdidahawnhekk.

L-applikazzjoni mobbli Kadastrs.lv

Informazzjoni dwar kwalunkwe proprjetà immobbli, unità ta’ art, struttura jew appartament tista’ tinkiseb permezz tal-applikazzjoni mobbli; fittex indirizz eżistenti jew ta’ qabel; Ibbrawżja data kadastrali u testwali bla ħlas, uża servizzi elettroniċi biex taċċessa aktar data meta tħallas.

Minbarra li tibbrawżja l-informazzjoni katastali, l-applikazzjoni tippermetti lill-utenti jilloggjaw u jaċċessaw iċ-ċentru ta’ servizz virtwali għall-klijenti permezz ta’ “Il-Kont Tiegħi”, jibbrawżjaw il-proprjetajiet proprji, kif ukoll jissejvjaw, jibagħtu u jikkondividu l-fajls PDF riċevuti fis-servizzi pprovduti. Dan jippermetti wkoll lill-utenti jiddeterminaw il-post tagħhom u jibbrawżjaw fid-dettalji katastali u tal-indirizzi tagħhom.

L-applikazzjoni mobbli hija disponibbli mingħajr ħlas fuq apparati intelliġenti b’sistemi operattivi Il-link jinfetaħ f'tieqa ġdidaAndroidIl-link jinfetaħ f'tieqa ġdidaWindows PhoneIl-link jinfetaħ f'tieqa ġdidaiOS.

L-istorja tas-sistema ta’ informazzjoni katastali Latvjana

L-istorja reċenti tas-sistemi ta’ informazzjoni katastali tal-Latvja tmur lura għall-1992, wara r-restawr tal-indipendenza tal-Latvja fl-1992, flimkien mar-riforma tal-art u t-tranżizzjoni għal ekonomija tas-suq. Id-drittijiet tal-individwi li jippossjedu l-art ġew restawrati uffiċjalment fl-1993. Is-sistema ta’ informazzjoni katastali Latvjana ġiet miżjuda f’diversi stadji. Fl-ewwel erba’ snin tiegħu ġew irreġistrati biss unitajiet tal-art, azjendi tal-art u użu tal-art, mill-1996 id-data dwar l-istrutturi wkoll bdiet tiġi rreġistrata u, mill-2000, bdiet ir-reġistrazzjoni tal-appartamenti.

Il-kontenut tas-sistema ta’ informazzjoni katastali Latvjana żdied gradwalment: Jekk kienu biss l-unitajiet tal-art, l-azjendi tal-art u l-użu tal-art li ġew irreġistrati fl-ewwel erba’ snin wara l-istabbiliment mill-ġdid tagħhom fil-bidu tas-snin 1990, id-data dwar l-istrutturi bdiet ukoll tiġi rreġistrata fl-1996 u mill-2000 bdiet ir-reġistrazzjoni fuq skala sħiħa tal-appartamenti.

100 % tat-territorju nazzjonali huwa rreġistrat fis-sistema ta’ informazzjoni katastali u r-reġistrazzjonijiet huma ġestiti f’forma diġitali.

L-aħħar aġġornament: 18/12/2023

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Litwanja

Din it-taqsima tipprovdilek ħarsa ġenerali lejn ir-reġistru tal-artijiet tal-Litwanja.

X’għandu x’joffri r-reġistru tal-artijiet Litwan?

Tista’ ssib proprjetà immobbli – inkluż art, bini u fondi separati – fir-Il-link jinfetaħ f'tieqa ġdidareġistru ta' proprjeta' immobbli tal-Litwanja (Lietuvos nekilnojamojo turto registras). Hija disponibbli kemm dejta fattwali kif ukoll legali.

Id-dejta fattwali dwar il-proprjetà tikkonsisti fit-tip ta’ informazzjoni li ġejjin:

  • L-erja
  • L-għoli
  • Il-volum
  • Is-sena ta’ kostruzzjoni
  • L-isem tas-sid

Id-dejta legali dwar il-proprjetà tinkludi:

  • Ftehim ta’ proprjetà konġunta
  • Deċiżjonijiet tal-qorti
  • Servitù
  • Ipoteki

Ir-reġistru huwa miżmum mill-intrapriża tal-istat ċentru tar-reġistri (Registrų centras) u huwa superviżjonat mill-Ministeru tal-Ġustizzja.

Tista’ ssib aktar informazzjoni fuq is-siti elettroniċi tal-Il-link jinfetaħ f'tieqa ġdidaAmministratur tar-reġistru tal-proprjeta' immobbli tal-Litwanja (Nekilnojamojo turto registro tvarkytojas) u r-Il-link jinfetaħ f'tieqa ġdidareġistru tal-proprjeta' immobbli (Nekilnojamojo turto registras).

L-aċċess għar-reġistru tal-artijiet tal-Litwanja huwa mingħajr ħlas?

Id-dejta dwar ir-reġistru tal-proprjetà immobbli hija disponibbli bi ħlas biss.

Kif tagħmel tiftixa fir-reġistru tal-artijiet tal-Litwanja

Tista’ tfittex fir-reġistru skont il-kriterji li ġejjin:

  • L-indirizz tal-proprjetà
  • In-numru uniku tal-proprjetà
  • Il-kodiċi ta’ persuna legali (sid)
  • Il-kodiċi personali ta’ persuna naturali (sid). It-tiftix skont il-kodiċi personali ta’ persuna naturali (sid) huwa ristrett.

L-istorja tar-reġistru tal-artijiet tal-Litwanja

Ir-reġistru fih innifsu ġie stabbilit  fl-1998, filwaqt li d-dejta mill-1958 hija miġbura fir-reġistru.

Links relatati

Il-link jinfetaħ f'tieqa ġdidaIntrapriża tal-istat Ċentru tar-reġistri (valstybės įmonė Registrų centras)

Il-link jinfetaħ f'tieqa ġdidaInformazzjoni dwar l-Artijiet Ewropea (Europos žemės informacijos tarnyba)

L-aħħar aġġornament: 07/04/2023

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.
Jekk jogħġbok innota li dawn il-lingwi li ġejjin: il-Franċiż diġà ġew tradotti.

Reġistri tal-artijiet fil-pajjiżi tal-UE - Lussemburgu

Din it-taqsima tal-Portal tagħtik introduzzjoni fil-qosor għar-reġistru tal-artijiet tal-Lussemburgu. Għad m’hemmx verżjoni elettronika tar-reġistru tal-artijiet.

X’għandu x’joffri r-reġistru tal-artijiet tal-Lussemburgu?

Ir-reġistru tal-artijiet tal-Lussemburgu huwa l-proprjetà ta’ u jinżamm aġġornat mill-Il-link jinfetaħ f'tieqa ġdidaAwtorità tar-Reġistru tal-Artijiet u tat-Topografija tal-Istat tal-Lussemburgu.

Ir-reġistru jipprovdi t-tipi ta’ informazzjoni li ġejjin:

  1. Mappa katastali;
  2. Bażi tad-dejta li tinkludi kontenut alfanumeriku dwar:
  • biċċiet ta’ artijiet,
  • proprjetarji,
  • użu tal-art, u
  • erja (daqs).

L-informazzjoni hija disponibbli bil-Lussemburgiż, bil-Franċiż u bil-Ġermaniż.

L-aċċess għar-reġistru tal-artijiet tal-Lussemburgu huwa mingħajr ħlas?

L-ewwel nett, għad m’hemmx verżjoni elettronika tar-reġistru tal-artijiet. It-tieni nett, l-aċċess għall-verżjoni kartaċeja huwa bil-ħlas.

L-istorja tar-reġistru tal-artijiet tal-Lussemburgu

Ir-reġistru tal-artijiet kien stabbilit fl-1820.

L-aħħar aġġornament: 10/01/2020

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Ungerija

Din it-taqsima tipprovdi ħarsa ġenerali qasira lejn ir-reġistru tal-artijiet tal-Ungerija.

X’servizzi joffri r-Reġistru tal-Artijiet Ungeriż?

Ir-Reġistru tal-Artijiet Ungeriż huwa ġestit mill-Ministeru għall-Agrikoltura (Földművelésügyi Minisztérium) u mill-Uffiċċji tal-Artijiet (Földhivatal) tal-Ungerija.

Is-sit web uffiċjali tal-Il-link jinfetaħ f'tieqa ġdidaUffiċċji tal-Artijiet tal-Ungerija (magyarországi földhivatalok) jipprovdi informazzjoni dwar in-network mifrux mal-pajjiż kollu ta’ uffiċċji tal-artijiet Ungeriżi, u jagħti aċċess għan-network kollu ta’ istituzzjonijiet ta’ amministrazzjoni tal-artijiet, b’dettalji dwar:

  • il-kompiti tagħhom;
  • id-dmirijiet tagħhom u s-servizzi li jipprovdu;
  • proġetti ġodda u importanti.

Tista’ tniżżel formoli amministrattivi u taqra dwar is-servizzi elettroniċi tagħna u l-kundizzjonijiet biex tidħol fis-sistema fuq is-sit web. Hawnhekk, tista’ ssib ukoll il-leġiżlazzjoni rilevanti.

L-aċċess għar-Reġistru tal-Artijiet Ungeriż huwa mingħajr ħlas?

L-utenti reġistrati (il-korpi amministrattivi pubbliċi, il-banek, l-avukati, in-nutara pubbliċi, l-awtoritajiet muniċipali, l-aġenti tal-proprjetà immobbli, eċċ.) setgħu jaċċessaw is-servizzi online (TAKARNET) tal-Il-link jinfetaħ f'tieqa ġdidaUffiċċji tal-Artijiet tal-Ungerija mill-2003. Id-data hija pprovduta bi ħlas, f’konformità mal-leġiżlazzjoni rilevanti.

F’Ġunju 2011 tnieda s-servizz tal-Uffiċċju Online tal-Artijiet (Földhivatal Online), li ċ-ċittadini jistgħu jaċċessaw direttament mill-Portal tal-Gvern billi jdaħħlu l-ID tagħhom tal-“gateway tal-klijenti” (ügyfélkapu) ċentrali. Is-sit jipprovdi l-istess servizzi online bi ħlas liċ-ċittadini kif ukoll lill-utenti reġistrati.

L-utenti tal-Uffiċċju Online tal-Artijiet jistgħu jaċċessaw firxa limitata ta’ data mingħajr ħlas. Is-servizz mingħajr ħlas ikopri biss data deskrittiva dwar il-proprjetajiet (l-ewwel taqsima tal-folja dwar il-proprjetà (tulajdoni lap)). It-tiftix fil-bażi tad-data jista’ jsir bin-numru tal-plott topografiku (helyrajzi szám) jew bl-indirizz tal-proprjetà. L-utenti reġistrati u ċ-ċittadini jistgħu jaċċessaw dawn is-servizzi online 24 siegħa kuljum.

Kif tagħmel tiftixa fir-Reġistru tal-Artijiet Ungeriż

B’mod ġenerali, tista’ tagħmel tiftixa abbażi ta’:

  • in-numru tal-plott topografiku;
  • medda ta’ numri ta’ plottijiet topografiċi; jew
  • l-indirizz tal-proprjetà.

L-utenti bi drittijiet speċjali (il-pulizija, l-awtoritajiet investigattivi, l-eżekuturi tal-qrati, in-nutara pubbliċi f’kawżi ta’ wirt) jistgħu jfittxu skont l-isem u d-data personali tal-proprjetarju u/jew tal-persuna awtorizzata.

L-Istorja tar-Reġistru tal-Artijiet Ungeriż

L-isem uffiċjali tas-sistema legali u amministrattiva li timmaniġġja r-reġistru tal-proprjetà immobbli fl-Ungerija huwa s-“sistema unifikata tar-reġistrazzjoni tal-artijiet” (egységes ingatlan-nyilvántartási rendszer).  Din is-sistema hija meqjusa “unifikata” għaliex id-data tal-immappjar tal-artijiet u d-data legali (telekkönyvGrundbuch) ġiet irreġistrata f’format integrat kemm mil-lat legali kif ukoll istituzzjonali sa mill-1971. Network istituzzjonali uniku li jkopri l-uffiċċji tal-artijiet kollha huwa responsabbli mir-reġistrazzjoni tat-tranżazzjonijiet legali u mill-bidliet fil-mapep tar-reġistru tal-artijiet, jipprovdi data u jwettaq kompiti oħra relatati mal-artijiet u mal-proprjetà. Is-sistema unifikata tar-reġistrazzjoni tal-artijiet abbażi tat-titoli tal-Ungerija kienet l-ewwel tax-xorta tagħha fl-Ewropa.

Is-sistema Ungeriża għandha diversi skopijiet, minħabba li apparti l-attivitajiet tagħha li jkopru l-ispettru sħiħ ta’ attivitajiet ta’ reġistrazzjoni tal-artijiet, hija twettaq għadd ta’ kompiti oħra, bħall-ħolqien u l-ġestjoni tan-network tal-punti ta’ kontroll ġeodetiku, l-immappjar topografiku, il-konservazzjoni tal-artijiet, ir-reġistrazzjoni tal-kiri tal-artijiet u ż-żamma tal-fruntieri amministrattivi.

Din il-bażi tad-data pubblika komprensiva li fiha informazzjoni dwar art agrikola u proprjetà, jiġifieri wħud mill-komponenti l-aktar importanti tal-ħajja ekonomika, l-agrikoltura u s-self, hija ġestita mill-amministrazzjoni tal-artijiet b’mod integrat u tkopri t-territorju amministrattiv kollu tal-Ungerija.  L-għan tas-sistema huwa li tgħin biex jissaħħaħ id-dritt għall-proprjetà, għal ambjent b’saħħtu, għal-libertà ta’ intrapriża u l-kompetizzjoni, u li tirreġistra uffiċjalment postijiet naturali u artifiċjali magħrufa billi tipprovdi sistema ta’ reġistrazzjoni tal-artijiet unifikata, awtentikata pubblikament u infrastruttura ta’ data spazjali.

L-għan ġenerali huwa r-reġistrazzjoni u l-immaniġġjar uffiċjali tad-data dwar l-artijiet kollha u proprjetà oħra, filwaqt li tiżgura s-sigurtà tad-drittijiet tas-sjieda u intitolamenti oħra relatati mal-proprjetà billi tipprovdi sistema u infrastruttura tar-reġistrazzjoni tal-artijiet uniformi u awtentikata pubblikament.
Barra minn hekk, is-sistema ta’ reġistrazzjoni tal-artijiet unifikata għandha żewġ għanijiet speċifiċi.  L-għan legali tar-reġistru tal-artijiet huwa li jipproteġi d-drittijiet relatati mal-proprjetà u d-dokumenti uffiċjali, filwaqt li fl-istess ħin jipprovdi ċertezza għal sidien u detenturi bona fide u jippromwovi l-użu profittabbli tal-proprjetà.  L-għan ekonomiku tar-reġistru huwa li jipprovdi bażi uniformi għall-ippjanar u għall-istabbiliment tal-obbligi finanzjarji, li jiffaċilita l-governanza u l-investiment fil-proprjetà billi joffri data statistika, u li jipprovdi servizzi lis-soċjetà kollha.

Links relatati

Il-link jinfetaħ f'tieqa ġdidaPortal tal-Gvern

Il-link jinfetaħ f'tieqa ġdidaIs-sit web uffiċjali tal-Uffiċċji tal-Artijiet tal-Ungerija

L-aħħar aġġornament: 06/01/2022

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Malta

Din it-taqsima tagħtik deskrizzjoni ġenerali tar-reġistru tal-artijiet ta’ Malta.

X'għandu x'joffri r-reġistru tal-artijiet Malti?

Ir-reġistru elettroniku tad-Dipartiment Malti tar-Reġistru tal-Artijiet huwa aċċessibbli biss għall-impjegati tar-Reġistru tal-Artijiet u għall-membri ta’ żewġ dipartimenti oħrajn tal-gvern  li għandhom drittijiet ta’ qari biss.

L-informazzjoni inkluża fir-reġistru għadha ma tkoprix il-Gżejjer Maltin kollha u għadha qed tiġi kompilata, bil-possibbiltà li tkun provduta on line fil-ġejjieni. Madankollu, il-klijenti jistgħu jitolbu tiftix tar-reġistru billi jimlew il-formola rilevanti. Il-mistoqsijiet ġenerali jistgħu jiġu indirizzati wkoll lid-Direttur tar-Reġistru tal-Artijiet ta’ Malta, Casa Bolino, 116 Triq il-Punent, Valletta VLT 1535.

Tista’ anki ċċempel fuq +35621239777 jew tuża l-posta elettronika (email): Il-link jinfetaħ f'tieqa ġdidaland.registry@gov.mt

L-aċċess għar-reġistru tal-artijiet Malti huwa mingħajr ħlas?

Le, l-aċċess għar-reġistru tal-artijiet Malti huwa bi ħlas. Kull tiftixa tqum €4.66.

Kif tfittex fir-reġistru tal-artijiet Malti?

Il-klijenti jistgħu jitolbu tiftix tar-reġistru billi jimlew il-formola rilevanti.

L-istorja tar-reġistru tal-artijiet Malti

Ir-reġistru nħoloq fl-1982 skont l-Att dwar ir-Reġistrazzjoni ta’ Artijiet, Kapitolu 296 tal-Liġijiet ta’ Malta.

L-aħħar aġġornament: 04/05/2021

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Jekk jogħġbok innota li l-verżjoni bil-lingwa oriġinali ta' din il-paġna l-Olandiż ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.

Reġistri tal-artijiet fil-pajjiżi tal-UE - Olanda

Din it-taqsima tagħtik deskrizzjoni ġenerali tar-reġistru tal-artijiet Olandiż.

X'għandu x'joffri r-reġistru tal-artijiet Olandiż?

Ir-Il-link jinfetaħ f'tieqa ġdidaReġistru tal-Artijiet Olandiż huwa l-proprjetà ta’ u jinżamm aġġornat mill-Kadaster (Katast, l-Aġenzija tar-Reġistru tal-Artijiet u tat-Tfassil tal-Mapep), awtorità pubblika responsabbli mid-drittijiet ta’ reġistrazzjoni u mill-interessi li jaffetwaw kwalunkwe proprjetà (inklużi l-art u l-bini) u l-ispeċifikazzjonijiet tagħhom (eż. id-daqs).

L-aċċess għar-reġistru tal-artijiet Olandiż huwa mingħajr ħlas?

Le, l-aċċess huwa bi ħlas. Għal iktar informazzjoni, jekk jogħġbok żur is-sit elettroniku tal-Il-link jinfetaħ f'tieqa ġdidaKadaster.

Kif tagħmel tiftixa fir-reġistru tal-artijiet Olandiż

Il-professjonisti fl-Olanda li għandhom abbonament mar-Reġistru tal-Artijiet Olandiż jistgħu jagħmlu tiftix fih billi jużaw il-parametri ta’ tiftix li ġejjin:

  • Isem il-proprjetarju jew il-persuna konnessa mal-proprjetà
  • Indirizz
  • Kodiċi postali
  • Identifikatur katastali
  • Mappa
  • Mappa tal-posta
  • Numru tal-ftehim iffirmat
  • Isem il-proprjetà.

L-informazzjoni kollha tintwera bl-Olandiż u l-kontijiet jintbagħtu darba fix-xahar.

L-utenti professjonali abbonati fil-pajjiżi parteċipanti fl-Il-link jinfetaħ f'tieqa ġdidaEULIS (is-Servizz Ewropew dwar Informazzjoni dwar l-Artijiet) jistgħu jagħmlu tiftix fir-Reġistru tal-Artijiet Olandiż billi jużaw il-parametri li ġejjin:

  • Indirizz
  • Kodiċi Postali
  • Identifikatur katastali
  • Mappa
  • Mappa tal-post.

L-informazzjoni kollha tintwera bl-Ingliż; il-kontijiet jintbagħtu permezz tar-reġistru nazzjonali tal-artijiet ikkonċernat.

L-individwi jistgħu jfittxu fir-Reġistru tal-Artijiet Olandiż billi jużaw il-parametri li ġejjin:

  • Indirizz
  • Kodiċi postali

L-informazzjoni kollha (għalkemm inqas minn dik ipprovduta lill-utenti professjonali) tintwera bl-Olandiż u l-ħlas jista’ jsir b’Mastercard, b’Visa Electron, b’Visa, b’American Express, b’Diners Club, b’iDEAL jew b’ċekk minn fuq l-Internet.

L-istorja tar-reġistru tal-artijiet Olandiż

Tista’ ssib informazzjoni dwar il-proprjetà kollha mid-data meta twaqqaf il-Kadaster Olandiż (1832).

Bejn l-1981 u l-1985, il-Kadaster Olandiż qiegħed l-informazzjoni kollha li kellu dak iż-żmien f’sistemi kompjuterizzati. L-informazzjoni mill-1985 ’il quddiem hija disponibbli onlajn. L-impjegati tal-Kadaster għandhom aċċess għall-informazzjoni storika (1832-1985) li tinsab fl-arkivji diġitali.

Links relatati

Il-link jinfetaħ f'tieqa ġdidaServizz Ewropew dwar Informazzjoni dwar l-Artijiet, Il-link jinfetaħ f'tieqa ġdidaKatast (Aġenzija tar-Reġistru tal-Artijiet u tat-Tfassil tal-Mapep )

L-aħħar aġġornament: 06/02/2015

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Awstrija

Din il-paġna tagħtik ħarsa ġenerali lejn ir-reġistru tal-artijiet fl-Awstrija.

X'joffri r-reġistru tal-artijiet Awstrijak?

Ir-reġistru tal-artijiet (Grundbuch) jipprovdi tweġibiet għal mistoqsijiet kemm legali kif ukoll fattwali. Fih informazzjoni dokumentata dwar it-tranżazzjonijiet kollha tal-proprjetà li huma legalment vinkolanti fl-Awstrija.

Ir-reġistru tal-artijiet u l-arkivju tad-dokumenti elettroniċi tiegħu jistgħu jiġu kkonsultati permezz tal-qrati, in-nutara, l-avukati u ċerti ditti deżinjati magħrufa bħala Verrechnungsstellen.

L-aċċess għar-reġistru tal-artijiet huwa mingħajr ħlas?

L-aċċess jinvolvi ħlas ċkejken lill-qorti, lin-nutar, lill-avukat jew lil waħda mill-Verrechnungsstellen. Il-Verrechnungsstellen huma elenkati fil-paġna ewlenija tal-Il-link jinfetaħ f'tieqa ġdidaĠustizzja Awstrijaka taħt Service -> Datenbanken -> Grundbuch -> Grundstücksdatenbank.

Kif tagħmel tiftix fir-reġistru tal-artijiet

Meta ddaħħal in-numru tal-muniċipalità katastali (Katastralgemeinde) u n-numru tal-entrata (l-Einlagezahl jew “EZ”) jew in-numru tal-plott (Grundstücksnummer), tista’ tikseb l-informazzjoni li ġejja mill-bażi tad-data:

  • Estratti kurrenti u storiċi mir-reġistru tal-artijiet
  • Estratti mill-indiċi awżiljarji (Hilfsverzeichnisse)

Din l-informazzjoni tinkludi r-rekords validi kollha. Fuq talba, tista’ tikseb anki d-data li tkun tħassret sakemm din tkun iddaħħlet wara l-bidla tar-reġistru għall-verżjoni elettronika. Id-data l-antika hija disponibbli fuq il-karta biss.

Ir-reġistru ewlieni, il-ġabra tar-rekords u l-indiċi awżiljarji huma pubbliċi. Hemm restrizzjonijiet stretti fuq l-aċċess għall-informazzjoni meta tfittex biss għal sidien individwali. Jekk tista’ tipprova li għandek interess ġuridiku, tista' twettaq tali tfittxija permezz tad-dipartiment tar-reġistru tal-artijiet tal-qorti distrettwali (Bezirksgericht).

L-Istorja tar-reġistru tal-artijiet

Minn madwar l-1870 sal-1992, ir-reġistri tal-artijiet inżammu fuq il-karta. Bejn l-1980 u l-1992, ir-rekords ġew ittrasferiti fil-bażi tad-data tar-reġistru tal-artijiet. Saret migrazzjoni tar-reġistru tal-artijiet lejn programm ġdid fis-7 ta’ Mejju 2012 u minn dakinhar ġie żviluppat u awtomatizzat aktar.

L-aħħar aġġornament: 26/10/2023

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Jekk jogħġbok innota li l-verżjoni bil-lingwa oriġinali ta' din il-paġna il-Pollakk ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.

Reġistri tal-artijiet fil-pajjiżi tal-UE - Polonja

Din it-taqsima tagħti ħarsa ġenerali lejn ir-reġistru tal-artijiet tal-Polonja.

X'joffri r-reġistru tal-artijiet Pollakk?

Ir-reġistru tal-artijiet Pollakk (rejestr ksiąg wieczystych) huwa miżmum skont l-Att dwar ir-Reġistri tal-Artijiet u l-Ipoteki.

Skont l-Att, ir-reġistri tal-artijiet jinżammu sabiex jiġi stabbilit l-istat ġuridiku tal-propjetà. Ir-reġistri fihom din l-informazzjoni essenzjali:

  • il-konnotati tal-propjetà (inklużi l-porzjonijiet diviżi tal-art li jiffurmaw il-propjetà kollha);
  • id-dettalji tas-sid(ien) tal-propjetà jew id-detentur tal-użufrutt perpetwu;
  • informazzjoni dwar drittijiet oħra tal-partijiet in rem;
  • it-tip u l-ammont tal-ipoteka rreġistrata fuq il-propjetà.

Ir-reġistri tal-artijiet huma dokumenti pubbliċi aċċessibbli mill-pubbliku. Mill-1 ta' Ġunju 2010 l-aċċess għal Il-link jinfetaħ f'tieqa ġdida reġistru tal-artijiet huwa possibbli elettronikament billi jiddaħħal in-numru tiegħu.

Barra minn hekk, tista' tinġieb kopja mir-reġistru tal-artijiet jew ċertifikat li jindika li r-reġistru ngħalaq.

L-aċċess għar-reġistru tal-artijiet Pollakk huwa mingħajr ħlas?

Il-konsultazzjoni tar-reġistri tal-artijiet hija mingħajr ħlas.

Madanakollu, kopja mir-reġistru tal-artijiet jew ċertifikat li jindika li r-reġistru ngħalaq huma bi ħlas.

L-aħħar aġġornament: 07/12/2023

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Jekk jogħġbok innota li l-verżjoni bil-lingwa oriġinali ta' din il-paġna il-Portugiż ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.

Reġistri tal-artijiet fil-pajjiżi tal-UE - Portugall

Din il-paġna tagħti ħarsa ġenerali lejn ir-reġistru tal-artijiet Portuġiż.

Ir-Reġistru tal-Artijiet (Registo Predial)

Ir-reġistru tal-artijiet jinżamm mill-Uffiċċji tar-Reġistru tal-Artijiet, taħt id-direzzjoni tar-Reġistraturi tal-Artijiet, li huma parti mill-Instituto dos Registos e do Notariado (Istitut tar-Rekords u n-Nutara). Dawn l-uffiċji huma mifruxa mal-Portugall kollu, f'kull muniċipalità iżda l-ġuriżdizzjoni tagħhom mhix limitata skont il-post ġeografiku tagħhom u jistgħu jieħdu kwalunkwe miżura marbuta ma' kwalunkwe propjetà fil-Portugall.

L-għan prinċipali tar-reġistru tal-artijiet huwa li jipprovdi informazzjoni fuq l-istat ġuridiku tal-propjetà u jiżgura s-sigurtà tat-trasferiment tal-propjetà. Bħala regola ġenerali, ir-reġistru huwa obbligatorju għal kull kwistjoni marbuta mat-titoli sa mill-21 ta' Lulju 2008.

Ir-reġistru finali jikkostitwixxi preżunzjoni tal-eżistenza ta' dritt fuq il-propjetà li tappartjeni lill-possessur irreġistrat skont it-termini preċiżi stabbiliti fir-reġistru.

Każijiet li għalihom jinħtieġ annotament fir-reġistru tal-artijiet:

a) fatti ġuridiċi li jistabbilixxu l-eżistenza, ir-rikonoxximent, l-akkwist jew tibdil fid-dritt ta' propjetà, użufrutt, użu u l-abitazzjoni, jew servitujiet;

b) fatti ġuridiċi li jistabbilixxu l-eżistenza jew it-tibdil fis-sidien ta' appartamenti (propriedade horizontal) u d-dritt ta' residenza perjodika;

c) fatti legali li jħassru (convenções anuláveis) jew jikkanċellaw (convenções resolúveis) id-drittijiet imsemmija fil-paragrafu a);

d) modifika fl-artijiet minħabba diviżjoni f'porzjonijiet, it-twaqqif tal-kopropjetà u d-diviżjoni mill-ġdid tal-art f'porzjonijiet, kif ukoll tibdil relatat;

e) is-sempliċi pussess;

f) wegħda ta' ċessjoni (alienação) jew ipoteka (oneração), ftehim ta' preferenza (pactos de preferência) u dispożizzjonijiet testamentarji, meta dawn jidħlu fis-seħħ, kif ukoll ċessjoni tal-pożizzjoni kuntrattwali minħabba l-fatti kkonċernati;

g) ċessjoni (cessão) ta' propjetà lill-kredituri:

h) ipoteka, ċessjoni jew modifika tagħha, ċessjoni tal-prijorità tad-dritt li għandha l-ipoteka u l-assenjazzjoni tal-kera (consignação de rendimentos);

i) it-trasferiment tad-debiti garantiti mill-ipoteka jew mill-assenjazzjoni tal-kera, fejn il-garanzija teħtieġ li tiġi trasferita;

j) l-għoti tal-propjetà immobbli bħala garanzija għar-riservi tekniċi tal-kumpaniji tal-assigurazzjoni, kif ukoll il-garanzija tar-responsabbiltà ta' min iħaddem;

l) il-kera finanzjarja u t-trasferiment tal-propjetà;

m) lokazzjoni li ddum aktar minn sitt snin u trasferiment tal-propjetà jew sullokazzjoni, ħlief għall-qbiela tar-raba';

n) sekwestru u dikjarazzjoni tal-insolvenza;

o) pleġġ, sekwestru, qbid u inventarju tal-assi garantiti b'ipoteka jew assenjazzjoni tal-kera u atti jew miżuri oħra li jaffettwaw dawn l-assi;

p) stabbiliment ta' 'fedekommessi' (apanágio) u l-emendi tagħhom;

q) obbligu (ónus) ta' kull tnaqqis f'donazzjoni soġġetta għar-rifużjoni;

r) piżijiet ta' dar għall-abitazzjoni bil-kera kontrollata (casa de renda limitada) jew l-introjtu fuq bini ta' din il-kategorija;

s) obbligu tal-ħlas tar-renta għall-każijiet tal-għajnuna lill-bdiewa;

t) rinunzja għall-kumpens, f'każ ta' esproprijazzjoni, għaż-żieda fil-valur tal-propjetà minħabba x-xogħol fuq l-immobbli f'żoni ħdejn toroq nazzjonali jew żoni koperti minn pjanijiet muniċipali ta' titjib;

u) restrizzjonijiet oħra fuq id-dritt ta' propjetà, piżijiet oħra u sitwazzjonijiet oħra li bil-liġi jridu jitniżżlu fir-reġistru;

v) konċessjoni tal-propjetà lill-gvern u t-trasferiment tal-propjetà, fejn trid tiġi reġistrata l-ipoteka fuq id-dritt konċess;

x) fatti legali li jaffetwaw it-terminazzjoni tad-drittijiet reġistrati, il-piżijiet jew l-obbligi.

z) it-titolu li jistabbilixxi impriża tat-turiżmu u l-emendi tiegħu.

L-atti li ġejjin ukoll iridu jiġu rreġistrati fir-reġistru tal-artijiet, kif ukoll id-deċiżjonijiet finali wara l-għoti ta' sentenza finali, li l-għan prinċipali jew alternattiv tiegħu huwa:

a) ir-rikonoxximent, l-istabbiliment, l-emenda jew it-terminazzjoni ta' wħud mid-drittijiet msemmija fil-paragrafu ta' qabel, kif ukoll l-atti revokatorji;

b) ir-riorganizzazzjoni, id-dikjarazzjoni ta' nullità jew l-invalidità ta' reġistrazzjoni jew il-kanċellament tagħha;

c) proċeduri li l-għan tagħhom huwa li jiddikjaraw l-anness u l-inventarju, kif ukoll miżuri oħra li jaffettwaw it-trasferiment ħieles tal-propjetà, u l-miżuri rispettivi ddikjarati.

Il-prinċipji tar-reġistru tal-artijiet

Il-prinċipju tal-infurzar kontra terzi

Il-fatti li jridu jitniżżlu fir-reġistru, anke jekk mhux reġistrati, jistgħu jitqajmu bejn il-partijiet jew l-eredi tagħhom, bl-eċċezzjoni tal-iskrizzjoni ta' ipoteka, li għandha effett bejn il-partijiet biss jekk tiġi rreġistrata fir-reġistru.

Madankollu, każijiet li jridu jitniżżlu fir-reġistru għandhom effett kontra terzi mid-data tal-iskrizzjoni.

Il-prinċipju tal-prijorità

L-ewwel dritt irreġistrat jieħu preċedenza fuq drittijiet irreġistrati aktar tard fuq l-istess propjetà, fl-ordni tad-data tar-reġistrazzjonijiet, u, fl-istess jum, skont il-ħin li fih saru s-sottomissjonijiet korrispondenti.

Il-prinċipju tal-legalità

Il-possibilità li tintlaqa' rikjesta għar-reġistrazzjoni tiġi eżaminata kontra d-dispożizzjonijiet ġuridiċi applikabbli, id-dokumenti preżentati u r-reġistrazzjoni ta' qabel. Tingħata attenzjoni speċjali fil-verifika tal-indirizz tal-bini, il-leġittimità tal-interess tal-partijiet interessati, il-validità formali tat-titoli u l-validità tal-atti li jagħtu t-titolu.

Il-prinċipju tal-katina tat-titolu

L-aħħar reġistrazzjoni li toħloq il-piżijiet permezz ta' atti ġuridiċi tiddependi fuq ir-reġistrazzjoni ta' qabilha fuq il-propjetajiet li l-piż japplika għalihom.

F'każ illi hemm reġistrazzjoni dwar il-propjetà għall-akkwist jew rikonoxximent ta' dritt li jista' jiġi trasferit jew għal sempliċi pussess, id-detentur rispettiv ta' kull titolu jrid jaġixxi sabiex issir reġistrazzjoni ġdida u finali, sakemm din is-sitwazzjoni mhix konsegwenza ta' reġistrazzjoni oħra minn qabel.

Regola ġenerali għall-preskrizzjoni biex issir reġistrazzjoni

Bħala regola ġenerali, ir-reġistrazzjoni trid tintalab fi żmien 30 ġurnata mid-data li fiha ġew irreġistrati l-fatti jew mid-data tal-ħlas tat-taxxa fejn il-pagament irid isir wara l-istabbiliment tat-titolu (titulação) (f'każ ta' konsenja jew donazzjonijiet).

Karatteristiċi oħra tal-proċedura ta' reġistrazzjoni

Il-prinċipju tal-interess leġittimu (princípio da instância) japplika għar-reġistru tal-artijiet, jiġifieri li r-reġistrazzjoni ssir fuq talba ta' persuna li qiegħda f'pożizzjoni leġittima biex titlob hekk. Dawn li ġejjin għandhom interess leġittimu biex jitolbu reġistrazzjoni fir-reġistru: is-soġġetti attivi u passivi tar-relazzjoni ġuridika kkonċernata, u, b'mod ġenerali, kull min għandu interess jew għandu obbligu li jippromwovi dan l-interess.

It-talba tista' ssir personalment, elettronikament, bil-feks jew bil-posta.

Ir-reġistrazzjonijiet isiru biss fejn jiġu ppreżentati wkoll dokumenti. Il-fatti marbuta mal-bini, bħala regola ġenerali, jitniżżlu f'kuntratt iċċertifikat minn uffiċjal pubbliku (escritura pública) jew minn dokument speċifiku u awtentikat (dokument awtentikat minn nutar, avukat, prokuratur legali jew reġistratur tal-artijiet u ppubblikat fuq is-sit elettroniku Predial Online).

Hemm mekkaniżmu obbligatorju li jipprovdi l-informazzjoni li tkun nieqsa, jew, jekk ir-reġistrazzjoni ma tistax issir kif mitlub, ir-reġistratur jikkuntattja lill-persuna li titlob ir-reġistrazzjoni biex tiġbor id-dokumenti kollha meħtieġa, sabiex ir-reġistrazzjoni ma tiġix miċħuda jew tingħata temporanjament.

Ir-reġistratur jirreġistra t-talba fi żmien għaxart ijiem mid-data tat-talba.

Jekk ir-reġistrazzjoni tiġi miċħuda jew ssir provviżorjament, minħabba xi dubji, il-persuna li tagħmel it-talba tiġi infurmata bir-raġunijiet u tista' tippreżenta appell amministrattiv kontenzjuz quddiem is-superjur tar-reġistru skont il-ġerarkija jew tappella l-qorti.

Tariffi

Ir-Regolament dwar it-tariffi għar-rekords u n-nutara (Regulamento Emolumentar dos Registos e do Notariado - Dekret-Liġi Nru 322-A/2001 tal-14 ta' Diċembru 2001) jistabbilixxi t-tariffi għar-reġistru tal-artijiet.

L-aċċess għall-informazzjoni fir-reġistru

Minbarra kopji stampati taċ-ċertifikati, l-informazzjoni tista' tiġi aċċessata faċilment onlajn fuq http://www.predialonline.pt/ permezz ta' ċertifikat elettroniku. Hemm informazzjoni aġġornata fuq is-sitwazzjoni ġuridika tal-bini u dwar l-applikazzjonijiet pendenti għar-reġistrazzjoni. L-aċċess huwa bbażat fuq pjan ta’ abbonament annwali, u jiswa €15. L-applikazzjoni trid issir permezz tan-numru deskrittiv tal-bini jew in-numru tat-taxxa tiegħu. Wara li jsir il-ħlas, kodiċi ta' ċertifikazzjoni jippermetti l-aċċess għall-informazzjoni.

Servizzi oħra

Fil-Portugall, huma disponibbli żewġ reġistri relatati mal-artijiet: Predial Online u Casa Pronta.

Predial Online

Kemm dokumenti awtentikati li jkunu proprjetà privata u li jixhdu atti legali kif ukoll dokumenti ta’ kanċellazzjoni tal-ipoteki jistgħu jittellgħu fis-sit. L-avviżi dwar it-trasferiment tal-bini lil entitajiet bi dritt legali ta’ preferenza (biex dawn ikunu jistgħu jħabbru l-intenzjoni tagħhom jeżerċitawx tali drittijiet jew le) jiġu aċċettati wkoll. Huwa wkoll possibbli li tikkonsulta dokumenti ppubblikati rigward il-bini skont il-proċeduri speċjali għal ġustifikazzjoni u korrezzjoni.

Jistgħu jintalbu wkoll reġistrazzjonijiet, fejn il-partijiet iridu jawtentikaw lilhom infushom permezz ta' ċertifikat diġitali.

L-aċċess għal Predial Online huwa mingħajr ħlas?

Il-parti l-kbira tas-sit elettroniku Predial Online huwa disponibbli mingħajr ħlas. Madanakollu, Regulamento Emolumentar dos Registos e do Notariado (Dekret-Liġi Nru 322-A/2001 tal-14 ta' Diċembru 2001) jistabbilixxi t-tariffi għall-aċċess għal ċerti taqsimiet tas-sit elettroniku, li huma riżervati għall-użu minn utenti awtentikati. L-awtentikazzjoni ssir permezz ta’ ċertifikat diġitali, u tirrigwarda b’mod partikolari r-reġistri onlajn (applikazzjoni u konsultazzjoni tal-istat tal-applikazzjoni) u d-depożitu tad-dokumenti (depożitu u konsultazzjoni).

Informazzjoni disponibbli fir-reġistru ta' Predial Online

Is-sit elettroniku jagħti aċċess għall-informazzjoni u ċ-ċertifikati marbuta mal-propjetà immobbli rreġistrata fir-reġistru tal-artijiet Portugiż

Casa Pronta

Is-servizz Casa Pronta joffri servizz sħiħ, sabiex isiru l-formalitajiet kollha relatati mal-akkwist u l-bejgħ, id-donazzjoni, l-iskambju, datio in solutio (dação pagamento), ta' fondi urbani, rurali jew imħallta, bi jew mingħajr self mill-bank, sat-trasferiment ta' self mill-bank għax-xiri ta' dar għall-abitazzjoni minn bank għall-ieħor jew l-għoti ta' self bl-iskrizzjoni ta' ipoteka fuq id-dar. Is-servizz ta' Casa Pronta jista' jintuża wkoll sabiex jiġi stabbilit id-dritt ta' propjetà tal-appartamenti (propriedade horizontal).

L-ewwel pass f'dawn il-proċeduri isir mar-reġistru tal-artijiet (conservatória) jew ma' bank, li għandhom aċċess għas-sit elettroniku permezz ta' username u password. Dan il-proċess jista’ jiġi segwit fi kwalunkwe ħin.

Is-sit elettroniku joffri lil kwalunkwe individwu l-opportunità li javża dwar it-trasferiment ta’ bini, sabiex l-entitajiet bid-drittijiet legali ta’ preferenza jkunu jistgħu jħabbru l-intenzjoni tagħhom li jeżerċitaw dawn id-drittijiet.

L-aċċess għal Casa Pronta huwa mingħajr ħlas?

Regulamento Emolumentar dos Registos e do Notariado (Dekret-Liġi Nru 322-A/2001 tal-14 ta' Diċembru 2001) jistabbilixxi t-tariffi ta' aċċess għal din il-proċedura.

B'tariffa ta' €15, is-sit elettroniku ta' Casa Pronta joffri lil kull individwu ċ-ċans li javża lil terzi bi trasferiment tal-bini.

Dan jagħti l-possibbiltà lill-entitajiet li jkollhom id-dritt legali ta’ preferenza biex iħabbru l-intenzjoni tagħhom li jeżerċitaw dak id-dritt. Madankollu, f’dan it-tieni każ, l-aċċess għas-sit huwa ristrett.

Barra minn hekk, l-entitajiet li ġejjin biss għandhom aċċess għas-sit elettroniku ta' Casa Pronta:

  • Banek
  • Reġistri tal-artijiet
  • Entitajiet li jirċievu drittijiet legali ta’ preferenza

L-aċċess jinkiseb billi jiddaħħlu isem l-utent u password.

Ma tapplika l-ebda restrizzjoni għall-aċċess fir-rigward tad-dikjarazzjonijiet biex jiġu eżerċitati d-drittijiet legali ta’ preferenza, li jistgħu jsiru mingħajr ħlas.

Ħoloq utli

Il-link jinfetaħ f'tieqa ġdidaPredial Online

Il-link jinfetaħ f'tieqa ġdidaCasa Pronta

L-aħħar aġġornament: 28/03/2023

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Jekk jogħġbok innota li l-verżjoni bil-lingwa oriġinali ta' din il-paġna ir-Rumen ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.

Reġistri tal-artijiet fil-pajjiżi tal-UE - Rumanija

Fir-Rumanija, bħalissa m’hemm l-ebda reġistru tal-artijiet nazzjonali disponibbli elettronikament.

Madankollu, tista’ ssib informazzjoni dwar ir-reġistrazzjoni tal-artijiet mis-sit elettroniku tal-Il-link jinfetaħ f'tieqa ġdidaAġenzija Nazzjonali tal-Katast u tar-Reġistrazzjoni tal-Artijiet.

L-aħħar aġġornament: 10/06/2013

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Slovenja

Din it-taqsima tipprovdilek ħarsa ġenerali lejn ir-reġistru tal-artijiet tas-Slovenja.

X'joffri r-Reġistru tal-Artijiet Sloven?

Ir- Il-link jinfetaħ f'tieqa ġdidaReġistru tal-Artijiet Sloven fih il-fatti ġuridiċi marbuta mal-proprjetajiet, bħalma huma s-sidien, l-ipoteki, u s-servitù.

Huwa disponibbli wkoll Il-link jinfetaħ f'tieqa ġdidail-Katast tal-Artijiet li jiffoka fuq iċ-ċirkostanzi fattwali tal-propjetajiet.

Ir-Reġistru tal-Artijiet huwa ta’ u jiġi ġestit mill-Qorti Suprema tar-Repubblika tas-Slovenja..

L-aċċess għar-reġistru tal-artijiet Sloven huwa mingħajr ħlas?

L-aċċess pubbliku elettroniku għar-Reġistru tal-Artijiet huwa disponibbli fuq il-portal e-SodstvoIl-link jinfetaħ f'tieqa ġdidahttps://evlozisce.sodisce.si/esodstvo/index.html. L-aċċess għad-dejta huwa mingħajr ħlas iżda tinħtieġ reġistrazzjoni minn qabel.

L-aċċess pubbliku għar-Reġistru tal-Artijiet huwa disponibbli wkoll fil-qrati lokali kollha tas-Slovenja, in-nutara u l-unitajiet amminisitrattivi, fejn l-individwi jistgħu jġibu kopja ċertifikata ta' estratt mir-Reġistru tal-Artijiet. L-estratti ċertifikati mir-Reġistru tal-Artijiet isiru bi ħlas.

Kif tagħmel tiftixa fir-Reġistru tal-Artijiet Sloven

Jista’ jkollok aċċess għad-dejta billi ddaħħal il-kriterji tat-tiftix li ġejjin:

  • il-muniċipalità katastali, u n-numru tal-porzjoni diviża tal-art
  • il-muniċipalità katastali, in-numru tal-bini u n-numru individwali tal-porzjoni tal-art
  • in-numru ta' identifikazzjoni tal-propjetà (l-ID tal-propjetà)
  • in-numru ta' identifikazzjoni tad-dritt (l-ID tad-dritt)

L-istorja tar-Reġistru tal-Artijiet Sloven

Il-portal elettroniku l-ġdid ilu aċċessibbli mill-2011. Qabel din is-sena, l-informazzjoni kienet aċċessibbli fir-‘reġistru tal-artijiet’ il-qadim.

Ħoloq relatati

Il-link jinfetaħ f'tieqa ġdidahttp://www.sodisce.si/javne_knjige/zemljiska_knjiga/

L-aħħar aġġornament: 27/03/2018

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Jekk jogħġbok innota li l-verżjoni bil-lingwa oriġinali ta' din il-paġna is-Slovakk ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.

Reġistri tal-artijiet fil-pajjiżi tal-UE - Slovakkja

Din it-taqsima tagħtik deskrizzjoni ġenerali tar-reġistru tal-artijiet tas-Slovakkja.

X'għandu x'joffri r-Reġistru tal-Artijiet Slovakk?

Il- Il-link jinfetaħ f'tieqa ġdidaPortal tar-Reġistru tal-Artijiet Slovakk (Slovenský katastrálny portál) huwa ġestit mill-Il-link jinfetaħ f'tieqa ġdidaAwtorità tal-Ġeografija, l-Kartografija u l-Katast tar-Repubblika Slovakka (Úrad geodésie, kartografie a katastra Slovenskej republiky), u awtorità tal-gvern ċentrali għar-reġistri tal-artijiet. Il-portal jiġi operat u mantnut mill-Istitut tal-Ġeografija u l-Kartografija ta' Bratislava (Geodetický a kartografický ústav Bratislava).

Il-Portal jipprovdi informazzjoni ġuridika u fattwali dwar is-sidien tal-propjetà immobbli. Il-Portal huwa aġġornat darba fil-ġimgħa b'dejta mogħtija mill-uffiċċji tar-reġistri tal-artijiet rispettivi. Ir-riċerka tista' ssir bl-Islovakk u bl-Ingliż. Il-Portal jipprovdi:

  • għażla ta' dejta mill-fajl ta' informazzjoni ġeografika - mapep tal-katast,
  • għażla ta' dejta mill-fajl ta' informazzjoni deskrittiva - informazzjoni dwar porzjonijiet ta' art mhux maqsuma, appartamenti, bini mhux residenzjali u dokumenti dwar is-sidien,
  • reġistru tal-muniċipalitajiet, reġistru tad-distretti tal-katast,
  • rapporti statistiċi,
  • valuri aggregati skont it-tip ta' art,
  • informazzjoni dwar l-istatus tal-proċedimenti quddiem ir-reġistru tal-artijiet,
  • notifiku ta' applikazzjonijiet għar-reġistrazzjoni proposti.

Id- dokument tas-sidien (list vlastníctva) jipprovdi informazzjoni dwar il-propjetà, is-sidien tagħha u d-drittijiet marbuta mal-propjetà, kif ukoll informazzjoni addizzjonali dwar drittijiet relatati mal-propjetà. B'mod aktar speċifiku, id-dokument fih:

  • numru uniku,
  • l-isem tad-distrett fejn tinstab il-propjetà partikolari,
  • l-isem tal-muniċipalità rilevanti,
  • l-isem tad-distrett tal-katast.

Id-dokumenti huwa maqsum fi tliet partijiet:

Part A – Assi tanġibbli, li fiha jiġu mniżżla l-propjetajiet kollha soġġett għal drittijiet ta' propjetà, bid-dettalji dwar:

  • in-numru ta' ettari,
  • it-tip ta' porzjonijiet ta' art mhux maqsuma,
  • kodiċi li juri l-użu permess tal-art,
  • ir-rilevanza għaż-żona mibnija tal-muniċipalità,
  • dettalji ta' spjegazzjoni oħra fuq kwistjonijiet relatati mal-Parti A.

Parti B – Is-sidien jew persuni intitolati oħra, bid-dettalji dwar:

  • l-isem,
  • il-kunjom,
  • il-kunjom ta' xebba, jew isem tas-sid (persuna ġuridika) jew persuni intitolati oħra,
  • id-data ta' twelid,
  • in-numru ta' reġistrazzjoni tat-twelid, jew in-numru ta' reġistrazzjoni tal-organizzazzjoni,
  • l-ishma f'propjetà konġunta,
  • il-kuntratt notarili: l-akkwist permezz ta' dokument pubbliku jew dokument ieħor,
  • l-indirizz tar-residenza permanenti jew l-uffiċċju reġistrat,
  • dettalji ta' spjegazzjoni oħra fuq kwistjonijiet relatati mal-Parti B.

Part C – Piżijiet, dettalji dwar:

  • servitujiet (x'tinvolvi s-servitù, l-istatus tal-persuna li tgawdi mis-servitù, inkluż l-entrata tas-servitù fid-dokument ta' propjetà ta' din il-persuna),
  • drittijiet ipotekarji (id-dettalji tal-kreditur tal-ipoteka) u tal-ewwel għażla, jekk dawn irid ikollhom l-effett ta' drittijiet reali (l-identifikazzjoni tal-benefiċjarji tal-ewwel għażla),
  • drittijiet oħra, jekk ikun hemm ftehim fuqhom bħala drittjiet reali,
  • dettalji ta' spjegazzjoni oħra fuq kwistjonijiet relatati mal-Parti C,
  • żiediet/korrezzjonijiet imniżżlin.

Il-Parti C ma tinkludix dejta dwar l-ammonti tad-dejn.

L-aċċess għar-Reġistru tal-Artijiet Slovakk huwa mingħajr ħlas?

L-informazzjoni disponibbli fuq il-portal tar-Reġistru tal-Artijiet hija pprovduta mingħajr ħlas għal kulħadd.

L-Istorja tar-Reġistru tal-Artijiet Slovakk

Il-portal tar-Reġistru tal-Artijiet ilu disponibbli mill-2004. Minn Settembru tal-2007, l-informazzjoni pprovduta mill-portal bil-liġi hija mingħajr ħlas.

Ħoloq relatati

Il-link jinfetaħ f'tieqa ġdidais-sit elettroniku tal-portal tar-Reġistru tal-Artijiet, Il-link jinfetaħ f'tieqa ġdidais-sit elettroniku tal-Awtorità Slovakka tal-Ġeografija, il-Kartografija u l-Katast

L-aħħar aġġornament: 27/02/2023

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Finlandja

Din it-taqsima tagħtik deskrizzjoni ġenerali tar-reġistru tal-artijiet Finlandiż.

X'għandu x'joffri r-reġistru tal-artijiet?

Ir-Il-link jinfetaħ f'tieqa ġdidaReġistru tal-Artijiet Finlandiż huwa l-proprjetà ta’ u jinżamm aġġornat mill-Istħarriġ Nazzjonali tal-Artijiet.

Ir-reġistru jiffoka kemm fuq iċ-ċirkustanzi legali tal-proprjetà, bħas-sistema legali, kif ukoll fuq iċ-ċirkustanzi fattwali, bħal isem sid il-proprjetà. Is-Sistema Nazzjonali tal-Informzzjoni dwar l-Artijiet tinkludi l-informazzjoni kollha li tiddaħħal fir-reġistru katastali u fir-reġistru tal-artijiet Finlandiżi, b’dan tal-aħħar jirreġistra l-jeddijiet għall-proprjetà, l-ipoteki u djun oħrajn.

Id-dejta tal-mapep katastali tiġi pprovduta mill-Istħarriġ Nazzjonali tal-Artijiet tal-Finlandja, u 86 muniċipalità jżommu aġġornati r-reġistri tal-mapep katastali għaż-żoni koperti mill-pjanijiet urbani tagħhom. L-aġġornament tar-reġistru tal-artijiet se jkun ir-responsabbiltà tal-qrati distrettwali sal-31 ta’ Diċembru 2009, filwaqt li mill-1 ta’ Jannar 2010 se jaqa’ taħt ir-responsabbiltà tal-Istħarriġ Nazzjonali tal-Artijiet tal-Finlandja. Is-sistema tintuża minn dawk kollha li jeħtieġu dejta katastali aġġornata fuq bażi regolari, bħall-banek, diversi awtoritajiet, l-aġenziji immobbiljari u n-nutara.

L-aċċess għar-reġistru tal-artijiet huwa mingħajr ħlas?

Le, trid tħallas biex ikollok aċċess.

Kif tagħmel tiftixa fir-reġistru tal-artijiet Finlandiż

It-tiftix disponibbli

Tiftixa skont il-mappa, skont l-identifikatur tal-unità tar-reġistru jew skont l-identifikatur tal-isem, tal-indirizz, tal-unità amministrattiva (muniċipali, subborg/raħal) u tal-intrapriża.

Informazzjoni disponibbli

Tista’ ssib informazzjoni dwar:

  • Sjieda
  • Jedd għall-proprjetà
  • Ipoteki u djun,
  • Kiri
  • Servitujiet
  • Informazzjoni dwar l-Istħarriġ tal-artijiet.

Dejta attribwita tal-unità tar-reġistru, is-sid irreġistrat u l-indirizz tas-sid, u r-restrizzjonijiet possibbli għad-dritt għall-proprjetà kif ukoll is-sidien tat-trasferimenti ta’ partijiet irreġistrati; l-ipoteki, is-servitujiet u d-djun fuq unità rreġistrata, kiri rreġistrat.

Prodotti disponibbli

  • Silta mill-katast
  • Ċertifikat tal-jedd għall-proprjetà
  • Ċertifikat ta’ ipoteki u ta’ djun
  • Ċertifikat tal-proprjetà mogħtija b’kiri
  • Silta mit-trasferiment ta’ parti u kopji stampati differenti tal-mapep.

Tingħata informazzjoni dwar kif l-utenti jistgħu jfittxu fir-reġistru (eż. l-indirizz tal-proprjetà).

L-istorja tar-reġistru tal-artijiet Finlandiż

Ir-reġistru ilu jinżamm aġġornat sa mill-1700.

Links relatati

Il-link jinfetaħ f'tieqa ġdidaStħarriġ Nazzjonali tal-Artijiet tal-Finlandja, Il-link jinfetaħ f'tieqa ġdidaSit elettroniku tal-EULIS

L-aħħar aġġornament: 05/11/2020

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - Svezja

Din it-taqsima tagħtik ħarsa ġenerali lejn ir-reġistru tal-artijiet Żvediż, li fih ħames partijiet integrati.

X’joffri r-reġistru tal-artijiet Żvediż?

Ir-reġistru tal-artijiet, li jikkonsisti f’diversi partijiet differenti, huwa reġistru nazzjonali użat għal diversi skopijiet. Jipprovdi informazzjoni dwar:

  • proprjetà immobbli u unitajiet ta’ proprjetà konġunta
  • diviżjonijiet amministrattivi
  • indirizzi tal-post
  • erja ġeometrika tal-proprjetajiet – mapep katastali
  • sjieda
  • piżijiet u reġistrazzjonijiet
  • ipoteki
  • servitujiet u użufrutt
  • regoli tal-pjanti u l-użu tal-art
  • monumenti antiki
  • miżuri ta’ tqassim tal-art eċċ.
  • drittijiet ta’ emfitewżi
  • kronoloġija
  • bini
  • informazzjoni dwar it-taxxa fuq il-proprjetà
  • eċċ.

Ir-reġistru tal-artijiet huwa ġestit minn Il-link jinfetaħ f'tieqa ġdidaLantmäteriet (l-Istħarriġ Żvediż dwar l-Artijiet)

L-aċċess għar-reġistru tal-artijiet huwa mingħajr ħlas?

L-informazzjoni mogħtija waqt żjarat personali jew permezz tat-telefon tingħata bla ħlas. L-informazzjoni tista’ wkoll tintalab skont il-prinċipju tal-aċċess għad-dokumenti pubbliċi. Hemm tariffa għall-aċċess elettroniku għar-reġistru, minbarra s-servizz Il-link jinfetaħ f'tieqa ġdidaMin fastighet (Il-proprjetà tiegħi), li huwa bla ħlas.

Kif tagħmel tiftix fir-reġistru tal-artijiet

Għadd ta’ servizzi ta’ tiftix elettroniku huma disponibbli direttament permezz tas-sit web tal-Istħarriġ dwar l-Artijiet jew permezz tal-Il-link jinfetaħ f'tieqa ġdidaLantmäteriets återförsäljare (l-aġenti tal-Istħarriġ dwar l-Artijiet - elenkati fuq is-sit web tiegħu). Il-biċċa l-kbira tas-servizzi jeħtieġu abbonament minn qabel. L-aċċess isir permezz ta’ servizzi online u diretti jew permezz tal-għażla u l-ipproċessar. Is-sit web tal-Istħarriġ dwar l-Artijiet joffri wkoll is-servizz

  • Il-link jinfetaħ f'tieqa ġdidaIl-proprjetà tiegħi: fiha informazzjoni dettaljata. Is-servizz huwa disponibbli biss għas-sid tal-proprjetà.

L-istorja tar-reġistru tal-artijiet Żvediż

L-istabbiliment tar-reġistru elettroniku beda fis-snin 1970, u l-ħażna sħiħa tal-informazzjoni tlestiet fl-1995. L-ambjent tekniku u, sa ċertu punt, il-kontenut tar-reġistru tal-artijiet evolvew gradwalment, kif ukoll il-mezzi ta’ aċċess għalih. Hemm pjanijiet biex tiġi introdotta pjattafoma teknika ġdida fjamanta għar-reġistru tal-artijiet. Din il-ħidma bdiet u se tkompli fis-snin li ġejjin.

Links

Il-link jinfetaħ f'tieqa ġdidaIs-sit web tal-Istħarriġ Żvediż dwar l-Artijiet bl-Ingliż

L-aħħar aġġornament: 30/05/2023

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Reġistri tal-artijiet fil-pajjiżi tal-UE - L-Ingilterra u Wales

Din it-taqsima tipprovdik b’introduzzjoni għar-reġistru tal-artijiet tal-Ingilterra u Wales.

X’joffri r-reġistru tal-artijiet tal-Ingilterra u Wales?

Nirreġistraw is-sjieda tal-artijiet u tal-propjetà fl-Ingilterra u Wales. Il-viżjoni tagħna hija “Id-drittijiet tal-art u tal-proprjetà tiegħek: garantiti u protetti”.

Il-valuri tagħna huma:

  • nagħtu garanzija
  • għandna l-integrità
  • nixprunaw l-innovazzjoni
  • nimxu b’mod professjonali.

Ir-Reġistru tal-Artijiet jipprovdi funzjoni vitali fejn tingħata assigurazzjoni u fiduċja lis-suq tal-proprjetà, billi fih hemm sjieda ta’ propjetà b’valur ta’ aktar minn £4 triljun madwar l-Ingilterra u Wales li tinkludi l’fuq minn £1 triljun f’ipoteki. Ir-Reġistru tal-Artijiet għandu l’fuq minn 150 sena ta’ esperjenza fiż-żamma tar-Reġistru u evolva biex sar dejjem aktar effiċjenti, b’99% tal-informazzjoni tagħna u 73% tas-servizzi ta’ reġistrazzjoni jiġu sottomessi onlajn. Għaddejjin minn proġett ta’ trasformazzjoni biex jinħoloq Reġistru kompletament diġitali bi pjattaforma diġitali kontemporanja għall-artijiet u l-proprjetà biex tappoġġja lir-Reġistru u biex nipprovdu servizz modern u effiċjenti lill-klijenti tagħna.

L-aċċess għar-reġistru tal-artijiet tal-Ingilterra u Wales huwa mingħajr ħlas?

Għal kull servizz trid titħallas tariffa statutorja. Ma hemm l-ebda tariffa ta’ iskrizzjoni biex ikollok aċċess onlajn u fil-parti l-kbira s-servizzi onlajn huma orħos mis-servizzi bil-posta.

Kif tfittex fir-reġistru tal-artijiet tal-Ingilterra u Wales

Aċċess onlajn:

Permezz tas-Servizzi Elettroniċi tan-Negozju l-utenti tan-negozju jistgħu jissottomettu applikazzjonijiet biex jirreġistraw l-artijiet u l-propjetà, jew jitolbu għal riċerka tal-mappa tal-indiċijiet onlajn. L-utenti tas-servizzi elettroniċi tan-negozju jistgħu jużaw ukoll il-Mapsearch tagħna mingħajr ħlas biex mill-ewwel:

  • jiċċekkjaw hijiex irreġistrata l-art u l-propjetà fl-Ingilterra u Wales
  • jiksbu n-numru tat-titoli
  • jsiru jafu jekk il-propjetà hiex libera u franka jew hiex soġġetta għal ċens

L-utenti tas-servizzi elettroniċi tan-negozju jridu jissodisfaw il-kundizzjonijiet tal-użu, jirreġistraw bħala utenti u jkollhom kont ta’ debitu dirett varjabbli ma’ bank jew ma’ kumpanija kreditizja immobbiljari fir-Renju Unit.Il-link jinfetaħ f'tieqa ġdida Illoggja għas-servizzi elettroniċi tan-negozju.

Is-servizz Sib il-Proprjetàhuwa maħsub għall-membri tal-pubbliku u jintuża wkoll minn negozji ż-żgħar. Jistgħu jfittxu permezz tal-indirizz biex isibu sid l-art jew il-propjetà, biex jaraw sa fejn ġew estiżi l-konfini u jekk hemmx riskju ta’ għargħar. Dawn iridu jirreġistraw irwieħhom bħala utenti u jistgħu jħallsu b’karta tal-kreditu jew tad-debitu. Illoggja f'Il-link jinfetaħ f'tieqa ġdidaSib il-Proprjetà.

Il-kopji tar-reġistri u tal-pjanti tat-titoli miksuba permezz tas-Servizzi Elettroniċi tan-Negozju huma “kopji uffiċjali” u għalhekk huma ammissibbli bħala provi quddiem qorti tal-ġustizzja. Mapsearch ma tipprovdix għal indennizz minħabba l-informazzjoni mogħtija.

Il-kopji tar-reġistri u tal-pjanti tat-titoli miksuba permezz tas-servizz Sib il-Proprjetà mhumiex kopji uffiċjali.

Aċċess postali:

Inti tista’ tapplika għal kopji uffiċjali tar-reġistru u tal-pjanta tat-titolu bil-posta billi tuża l-Il-link jinfetaħ f'tieqa ġdidaforms OC1 (għar-reġistru) u OC2 (għad-dokumenti). Dawn il-formoli huma disponibbli mingħajr ħlas bil-posta jew onlajn mir-Reġistru tal-Artijiet. Il-kopji uffiċjali huma ammissibbli bħala provi f’qorti tal-ġustizzja.

Jekk ma tkunx tista’ ssib informazzjoni dwar xi proprjetà onlajn, tista’ tibgħat ukoll “tiftixa tal-mappa ta’ indiċi” (formola SIM) bil-posta sabiex tiskopri jekk l-art tkunx irreġistrata, u jekk tkun irreġistrata, tkun tista’ tikseb in-numru ta’ titolu. Trid tħallas tariffa ffissata permezz tal-Ordni tat-Tariffi tar-Reġistru tal-Artijiet kurrenti.

Tista’ tfittex fir-reġistri tal-Piżijiet fuq l-Artijietbil-posta jew onlajn permezz tas-servizzi elettroniċi tan-negozju billi tuża l-Formola Il-link jinfetaħ f'tieqa ġdidaK15 jew (biex tfittex għall-entrati tal-fallimenti biss) il-Formola Il-link jinfetaħ f'tieqa ġdidaK16.

L-aħħar aġġornament: 25/07/2017

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Jekk jogħġbok innota li l-verżjoni bil-lingwa oriġinali ta' din il-paġna l-Ingliż ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.

Reġistri tal-artijiet fil-pajjiżi tal-UE - L-Irlanda ta’ fuq

Din it-taqsima tagħtik deskrizzjoni ġenerali tar-reġistru tal-artijiet tal-Irlanda ta’ Fuq.

X'joffri r-reġistru tal-artijiet tal-Irlanda ta' Fuq?

Il-link jinfetaħ f'tieqa ġdidaIs-Servizz tal-Artijiet u l-Proprjetà tal-Irlanda ta' Fuq jipprovdi kontenut fiss (li ma jinbidilx) dwar ir- regoli, ir-regolamenti u l-linji gwida li jirregolaw l-operat tad-diversi reġistri.

Il-link jinfetaħ f'tieqa ġdidaLandWeb Direct (Servizz ta' Aċċess Dirett għall-Konsumaturi)

Is-servizzi joffri:

  • Faċilitajiet ta' riċerka
  • L-isem tas-sidien u u l-piżijiet fuq il-proprjetà
  • Faċilità li tħallik tniżżel u tistampa l-informazzjoni miżmuma fir-reġistru.

L-aċċess għar-reġistru tal-artijiet tal-Irlanda ta' Fuq huwa mingħajr ħlas?

Iva, l-aċċess għall-kontenut fiss huwa mingħajr ħlas. L-utenti li jridu jużaw il-faċilitajiet tar-riċerka jridu jirreġistraw għas-servizz u ħafna drabi huma meħtieġa jħallsu tariffi.

Kif tfittex fir-reġistru tal-artijiet tal-Irlanda ta' Fuq

Il-faċilitajiet ta' riċerka jinkludu l-aċċess għall-mapep tat-titoli, il-firxa tat-titolu u d-dokumentazzjoni tat-titolu. Din il-bażi tad-dejta tinkludi l-ismijiet tas-sidien u kull piż fuq il-proprjetà.

Il-faċilitaijiet tal-E-registration jippermettu lill-utenti rreġistrati li jimlew diversi formoli ta' reġistrazzjoni, jikkalkulaw it-tariffi u jissottomettu l-informazzjoni elettronikament

L-istorja tar-reġistru tal-artijiet tal-Irlanda ta' Fuq

Ir-reġistru tal-artijiet daħal fis-seħħ fl-1891, qabel din id-data sid l-art kien jiġi rreġistrat fir- Reġistru tal-Atti, li ġie stabbilit fl-1706. Is-Servizz tal-Artijiet u l-Proprjetà jamministra tliet reġistri: ir- reġistru tal-artijiet, ir-reġistru tal-atti u r-reġistru tal-piżijiet statutorji.

Ħoloq relatati

Il-link jinfetaħ f'tieqa ġdidaIs-Servizzi tal-Artijiet u l-Proprjetà – Ir-Reġistri tal-Artijiet

Il-link jinfetaħ f'tieqa ġdidaServizz Ewropew tal-Informazzjoni dwar l-Artijiet

L-aħħar aġġornament: 25/02/2019

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.

Jekk jogħġbok innota li l-verżjoni bil-lingwa oriġinali ta' din il-paġna l-Ingliż ġiet emendata reċentement. Il-verżjoni tal-lingwa li qed tara bħalissa attwalment qed tiġi ppreparata mit-tradutturi tagħna.

Reġistri tal-artijiet fil-pajjiżi tal-UE - Skozja

Din it-taqsima tagħtik deskrizzjoni ġenerali tar-reġistru tal-artijiet tal-Iskozja.

X'għandu x'joffri r-reġistru tal-artijiet tal-Iskozja?

Ir-Reġistru tal-Artijiet tal-Iskozja huwa kkumpilat u miżmum mir-Il-link jinfetaħ f'tieqa ġdidaRegisters of Scotland (RoS) u huwa parti minn portafoll ta' reġistri amministarti minn din l-organizzazzjoni.  L-għan ewlieni ta' RoS huwa l-iżgurar tal-integrità tar-reġistri fil-kontroll tagħha u tipprovdi aċċess pubbliku għalihom.

Ir-Reġistru tal-Artijiet innifsu jipprovdi eżami uniku tal-atti tat-titoli għall-artijiet, li jirriżulta fil-produzzjoni ta' ċertifikat tat-titolu li jikkonsolida bosta biċċiet ta' tagħrif mill-atti f'dokument uniku ggarantit mill-istat.   Iċ-ċertifikat tat-titolu jkun awtentikat mis-siġill tar-Reġistru tal-Artijiet u jkun fih dan li ġej:

(i) pjanta tat-titolu għall-art ibbażata fuq il-pjanta kadastrali;

(ii) deskrizzjoni verbali tat-titolu;

(iii) l-isem u d-deżinjazzjoni tal-proprjetarju tat-titolu;

(iv) il-ħlasijiet fuq it-titolu; u

(v) is-servitujiet jew il-kundizzjonijiet li jaffettwaw it-titolu.

Meta jinħolqu jew jiġu trasferiti b'titolu oneruż, it-titoli għall-art jiġu trasferiti mir-Reġistru tal-Artijiet minn reġistru tal-drittijiet proprjetarji amministrat minn RoS ukoll, ir-Reġistru Ġenerali tas-Sasines (GRS).  Il-GRS, li ġie stabbilit fis-Seklu 17, huwa reġistru kronoloġiku ta' atti relatati mal-proprjetà li jipprovdi reġistru pubbliku għat-titoli tal-artijiet.  Ir-Reġistru tal-Artijiet qiegħed jissostitwixxi gradwalment il-GRS; bħalissa, iktar minn 56 % tat-titoli fl-Iskozja huma rreġistrati fir-Reġistru tal-Artijiet; dawn jirrappreżentaw madwar 23 % tal-art Skoċċiża.

RoS jamministraw ukoll żewġ reġistri iżgħar li għandhom x'jaqsmu ma' tipi speċifiċi ta' titoli għall-art: ir-Reġistru tal-Crofting u r-Reġistru tat-Titoli għall-Art Komunitarji. Crofting hija forma ta' titolu għall-art agrikola unika għall-Iskozja, irregolata minn statut speċifiku u, minn Novembru 2012, jista' jiġi rreġistrat fir-Reġistru tal-Crofting.  Ir-Reġistru tat-Titoli għall-Art Komunitarji ġie stabbilit minn statut fl-2003 u fih drittijiet preventivi għax-xiri tal-art konferiti lil korpi komunitarji rurali jew lokaturi agrikoli.

L-aċċess għar-reġistru tal-artijiet tal-Iskozja huwa mingħajr ħlas?

Irid isir ħlas żgħir għal tfittxijiet bażiċi onlajn fir-Reġistru tal-Artijiet, kif ukoll fil-GRS.  Iċ-ċertifikat tat-titolu u l-kopji tal-atti minn dawn ir-reġistri jistgħu jinkisbu wkoll bi ħlas.

Kif tagħmel tfittxija fir-reġistru tal-artijiet tal-Iskozja

Irrispettivament mill-format tat-talba, it-tfittxijiet tar-Reġistru tal-Artijiet jistgħu jsiru permezz ta':

  • ismijiet;
  • indirizzi;
  • numri tat-titoli; jew
  • il-mappa tal-indiċi.

Tfittxijiet tal-GRS ukoll jistgħu jsiru permezz ta' ismijiet u indirizzi.

L-istorja tar-Registers of Scotland

L-Iskozja ilha żżomm reġistri pubbliċi maħsuba għas-salvagwardja tad-drittijiet u t-titoli proprjetarji ta' niesha għal madwar 700 sena, b'reġistri relatati mal-artijiet jinżammu fil-Kastell ta' Edinburgu mis-Seklu 13 'il quddiem.   Ir-Reġistru Ġenerali tas-Sasines ġie stabbilit b'Att ta' (dak li kien) Il-link jinfetaħ f'tieqa ġdidail-Parlament tal-Iskozja fl-1617, u pprovda reġistru pubbliku tad-drittijiet fuq il-proprjetà minn dak iż-żmien 'il quddiem.

Dibattitu dwar it-tranżizzjoni minn reġistru tal-atti għal reġistru tal-artijiet beda xi 80 sena qabel ma ġie stabbilit ir-Reġistru tal-Artijiet bi statut fl-1979.  Dan ir-reġistru tnieda gradwalment madwar l-Iskozja sakemm fl-2003 spiċċa jkopri l-Iskozja kollha, u eventwalment se jissostitwixxi komprensivament il-GRS.  L-introduzzjoni tar-Reġistru tal-Artijiet u sistema ta' titolu għal art garantit mill-istat neħħa riskji sinifikanti u inċertezzi inerenti għat-tranżazzjonijiet ta' proprjetà li kien hemm qabel ma twaqqaf dan ir-reġistru.

Wara li rrikonoxxew l-importanza għal reviżjoni fil-kuntest tad-dazju statutorju għas-salvagwardja u ż-żamma tal-integrità tar-Reġistru tal-Artijiet, RoS reċentement talbet valutazzjoni formali tal-istatut tal-1979.  Dan wassal biex għadda l-Att dwar ir-Reġistrazzjoni tal-Artijiet (l-Iskozja) tal-2012; dan jarmonizza l-liġi tar-reġistrazzjoni mal-liġi tal-proprjetà u se jidħol kompletament fis-seħħ fl-2014.

Ħoloq relatati

Il-link jinfetaħ f'tieqa ġdidaRegisters of Scotland

L-aħħar aġġornament: 10/11/2014

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.